Abosel 3:16 - Mian

¹⁶ Ni Yesuse niniino bainobo gabob kesota e titilo gilok alo binobio naka ele klaubanoa atemiobe! Bainobo galin olo Yesus eta omyeta o naka ele klaubanoa ibo atemiobe.

Abosel 3:16 ပူးပေါင်းရင်းမြစ်များ

Matyu 14:29

Yesuse baabanea Tele gesea Fitae weseme tem daako deibonea daatnea aa dang dim daak tama tama monea Yesus esu onse otane

Matyu 9:22

Yesuse deskinanea watenea baabonea Ne moono obo bobol ayam funanale! Obo funaneba Ne Yesuse youm eta melebanimio ne ginino bain blimutnenamabobo ge funaneb kesoa ob ginino ayamub kenobo ge baabonabea hebmamsab unango olomio walabonoa ayam ansobe.

Dowan Weng Olo Yone Dolanebuotabe. 14:12

Ne bain baabenamabibe, nakaia unangai wanita ne bainobo getneib mole ne okok olo nabio isa inaniba klamomabiobe. Ne okok sumo okok kebinabi otane ne Ay esu unamio e Hobe dabanea tenea ne bainobo galin nakaia unangai daabenea i okoko dot sum okok kemomabiobe.

Abosel 14:9

Fole wengo obeo wentenea e bobol tem daako fumbianea Gode titilo klautnenoa ayam anamabibo ge fumbea Fole e bobol tem funino atem tekein kenea dlo dlo ateme bianea

Abosel 16:18

dosileb haabibi biobua imin inanoa dosileb bianoa ngan tebo binoa Fole tengo alosoa omhalilanea deskinanea hob misiam ele baabanea Ne Yesus Klaiste niniin dim ota baabkenamabibo, kobo unang olo deibo one gesea e hebmamsab deibo unea

Abosel 3:6

Fitae imin baabanea Ne monio blim otane Yesus Klaiste Nasalet bib sake titilo omne kesoa ne daabkenamabibe. Kobo hananeba one ge baabanea watnea

Abosel 3:8

e hebmamsab hananea sein seinea Fitae Yone i dabo bekebebia taniba Gode am sumo tem tam unaniba e seim bebianea Gode ayam naneta daatnenebo gansea

Abosel 4:10

Ibsa eka Islel nakaia unanga isa alukum kla wentine! Ibo alukum Yesus Klaiste Nasalet bib sake atdimo dabasa anaiba kaanea Gode imin dofaanea hananebue e titil ota gilok alo binobio nakae klaubanota ibo atemiobe.

Abosel 4:30

Keb titilo omyeba ni ginin gami klaubenoba ayam anbiba keb Dofakamin Nakae Yesuse niniino omkeimanomobo e titilo omyeba inamin namin okok sumo klamomo ge obianiba beten kenabiba

Abosel 4:7

i Fitae Yone i dabo baabeniba Ni kibi kaba sin ele maine gesiba i masiba baabeniba Wane titil ota gilok alo binobio nakae klaubanone? Waneta ibo titilo omyeneta Inaine ge baabene biote? ge oyemsiba hebmamsab

Fole Lom teni bainobo galini futano dola omfubesebe. 3:22

Sinanomo Gode e miine dabanea daak tlea nakaia unangai e bainobo genimibo i naka molot unang molotobo ge baaniba dolaibbiobe. Yuda nisa eka Yudaba ibsa nibo naka molot unang molotba otane nibo Yesus Klaiste bainobo genomobo nibo Gode kin dimo nibo naka molot unang molotobe. Yuda nisa Yudaba ibsa nib bobol temo makobobe. Gode mo funaneta Naka eli Yuda kesoa ne kin dimo i naka ayamobo, eka naka elile Yudaba kesoa i naka molotbabo ge fumbebabe. E fumbe ole I Yesus Klaiste bainobo genimib ota i naka molot unang molotobo ge fumbebe.

1 Kolin 13:2

Gode Hobe e titilo nibo omkayebea nibo Gode wengo naka mak unang maki omkaye bianoba eka e wengo sino ayok binabo osa eka e weng mak osa o mitmakamo alukum tekein kebiam bianoba nib bainobo galino sbalma biob kesoa nibo amgolim mako baabonoba Obo betan olo deiboneba moneba betan afet mawenale genomobo o bain inanoa nibo inamin namin olo bain inanomabbu otane nibo naka mak unang maki klao mo gobenoba daayemin blim kenob mole Gode kin dimo nib okok olo mitmakam blim besabe. Ina otane nibo naka mak unang maki kla gobenoba daaye bianoba inamin namin okok olo okok kemob ota Gode kin dimo okok olo mitmakamsabe.