Abosel 26:22 - Mian

^22-23 Gode ne amitie daatne bie kesoa nakai alukum niniin oyemin isa eka niniin oyeminba isa Gode wengo omkayebibe. Sinanggwano Moses esa eka Gode weng omkeimalin naka isa i inamin namino tam tlamabo wengo omkeima bianiba baabeniba Gode Dofakamin Nakae enin kino watenea kaanea kulila binabibi imin hana tlemino eta sin hananea Yuda isa eka Yudaba isa e bainobo galin kukubo omkeimabenamabebo ge baaniba dolaibbuo nesa olota omkeimabibo gesea

Abosel 26:22 ပူးပေါင်းရင်းမြစ်များ

Abosel 24:14

i baaniba Fole Yesuse bainobo gabebo gabib ole bainobe. Ne e bainobo gabiania ni faninwali Sume Gode niniino dobtouleb biania eka Mosese hekmel weng osa Gode weng omkeimalin nakai wengo dolaibbu osa bainobo gabibe.

Dowan Weng Olo Yone Dolanebuotabe. 5:46

Gode buk temo Mosese dolanebuo ne weng sang ota dolanebiobe. Ibo e wengo bainobo genimibo ne bainobo getnenomabib

Abosel 10:43

Sinanggwano Gode weng omkeimalin nakai Yesuse weng olo buk temo dolaniba baaniba Nakaia unangai e bainobo geib mole Gode i hengmino omtlabenamabebo ge baabenibbiobo ge oyemonea

Dowan Weng Olo Luke Dolanebuotabe. 24:44

baabenea Sino ibte nete nabianoba baabenia Sinanggwano ne weng sango Mosese hekmel wengo tem osa Gode weng omkeimalin nakai buk tem osa eka buk Samo tem osa alukum yamo balinamabobo ge baabeibiobo ge baabenea

Dowan Weng Olo Luke Dolanebuotabe. 24:27

eka Moses esa eka Gode weng omkeimalin naka isa i buk temo ele weng sango dolaibbuo mito alukum oye bianea aleye biam bia

Lebelesen 15:3

i Gode okok nakae Mosese ans osa eka eil sibsib mene ans osa ngambiba yatemio ans olo inaminobe. God sum kobo inamin namino titilsabo, keb okoko nabebo sum kesoa ni watemnoba bobol tem hekhek fumbuobo, keb wengo bain eka keb kukubo molot nabo, kobo nakaia unangai alukum i komok sumobe.

Fole Lom teni bainobo galini futano dola omfubesebe. 3:21

Gode memalo nakaia unangai e kin dimo molot anamino kukubo aleyebe kesoa nibo Mosese hekmel wengo wafunomobo Gode mo baabeneta Ne kin dimo ibo naka molot unang molotobo ge baabenemebabe. Ina otane Moses esa Gode weng omkeimalin naka isa i wengo dolaniba enangge baaniba

Abosel 28:23

am mako omakabaniba yo dim ota Gode wengo alebenale ge baabaibbua am olo tlamo tlebiba Gode nakaia unangai kimanamabe weng osa eka Yesuse bainobo galin kukubo Mosese buk temo dolanebu osa eka Gode weng omkeimalin nakai dolaibbu osa sbal manea aleyebea i Yesuse bainobo geine genea aleye bia boman tebo tlib biamo aleyebea bi kwin kwin bio otane

Abosel 26:17

Ne kobo kimanamabi kesoa Yuda isa eka Yudaba isa kobo mo kananomabibbabe. Ne kemaia moneba isu unaneba

Abosel 26:6

Sinanggwano Gode Yuda ni faninwali moton wengo baabenea Sinanomo ne inamin namin mako nanamabibo ge baabenebua Ni faninwali 12 i bainobo gabianiba kwinomo dim osa tab dim osa amitie lotu kebianiba am olo waiso binibbua eka molobsel isa memalo i inabibo nesa inania bainobo gabi o dafa ota i kot ketneibbiobe.

Dowan Weng Olo Yone Dolanebuotabe. 5:39

Ibo Gode buk temo afen smike mitmakame hembinabiobe. I Gode buk temo ne weng sango dolaibbu otane ibo sma ye tobtlim biobe.

Dowan Weng Olo Yone Dolanebuotabe. 1:45

Filib esak Nataniele henmonea atenea baabanea Sinanggwano Mosese hekmel weng osa eka Gode weng omkeimalin naka isa naka make weng sango dolaibbue atemobobe. Yosebe miine Yesuse Nasalet bib sak etabo ge baabasea

Dowan Weng Olo Yone Dolanebuotabe. 1:17

Gode hekmel wengo Mosese omalea esak nibo omyebu otane daayemin kukub osa eka weng moton omin kukub osa ole God eta Yesus Klaiste omaleta esak nibo omyebiobe.

Dowan Weng Olo Luke Dolanebuotabe. 24:46

baabenea Gode buk temo baanoa Gode Dofakamin Nakae enin kino watemnea kaanea amo asu kenea make dime imin hana tlea

Lebelesen 20:12

Eka ne nakaia unangai kulila binabibi yatemia niniin sum isa eka niniin gwab isa komoke biino kibi kaba sin ye masiba nakae komoke biin olo dimo toumbie buko bamtabanea eka buk mak osa bamtaba nanea atemio nakaia unangai niniino buk olo temo bibe bio nakai amit nomabiobe. Buk olo niniino afen smik bukobe. Eka e kulilaibbuei kukubo alukum motomanea watemea wengo buk mako temo bio kesoa watemnea i kukub nabibo olota klanea

Lebelesen 11:18

Dabalim nakai sino keb alo tliyebo otane memalo keb atlikemino gaisenobe. Memalo kulila binabibi kot kenamin amo tlobe. Memalo keb okok nakai keb wengo omkeimabib isa eka nakaia unangai kobo bainobo gabib isa eka nakaia unangai niniin sum isa niniin men isa keb niniino kemtouleb blib isa inamin namin ayamo alukum doyamabeb otane nakaia unangai dabalim olo inamin namino watwat dabib ile kebsak i watwat dabenamabeobo gesiba wentena bia

Matyu 26:24

Abilim Da Tlemin Naka ne makob sinanggwano Gode buk temo baanobio inania kaanamabi otane nakae ne nemeb monea komokwali nemiamabe nakae ne dobhalimbibe. E ne kukub misiam natnenamabe kesoa Gode enin sumo e omalamabebe. E biemo dofanamino deibanobiota mole ayamobo ge baabesebe.

Dowan Weng Olo Luke Dolanebuotabe. 16:28

ne dab tleminwali asuke asuke make nai sbal weng baabeneko! I bib olo mo tlanibta enin kino watemaibe gene otane

1 Kolin 15:3

Ne sino Yesus Klaiste wengo wente biania ne weng olo ibsa omkaye binibiobe. Ne weng olo ibo omkaye binibio, weng olo sbalobe. Weng olo enaminobe. Klaiste atdimo kaanea nib hengmino walubenebuo makob sino Gode weng omkeimalin nakai Gode buk temo dolaibbio inanea Klaiste tenea atdimo kaanea

1 Kolin 15:4

naka maki debeb moniba tom tem wat dofaibbua amo asu kenea make dim ele Gode e imin dofaanea hanasebe. Sinanggwano nakai weng olosa Gode buk temo dolaibbiobe.