Abosel 20:7 - Mian

⁷ Salele dime kwinoa bainobo galin nakaia unangai maki tenabiba ni tenanoba Yesuse kaanebuo bobolo fumbianoba Imeno dowonomo genoba dli utnoba am ut unanoba Fole funanea Bomanomo ne deibe unamabibo gene kesoa Gode wengo omkayebea afoko tenoa isak ewit tloa

Abosel 20:7 ပူးပေါင်းရင်းမြစ်များ

Dowan Weng Olo Make Dolanebuotabe. 16:9

[Yesuse Sande boman teboa imin hananea mikiktemo monea Malia Magdala bib ulak osu ye motemea atemsobe. Sino o hob misiami 7 bekebo bliba fotebebone biotabe.

Dowan Weng Olo Luke Dolanebuotabe. 22:19

eka blete obonea Gode gangobo genea hanea e okok aleyemin nakai oyenea baabenea Olo ne damobo doweine! Ne ib bobolo fumbi kesoa ne damo ibo oyenea daabeibua sinanomo ibsa ina bianiba ne bobolo fumbianiba unaline ge baabenea dowonsiobe.

Dowan Weng Olo Luke Dolanebuotabe. 24:35

asu dab isak inamin namino deib tama deibo watem tlibo wengo oye bianiba baabeniba E blete helanea Gode gangobo geneta ni dabo atem tekein ke tlobobo ge baabesiobe.

Dowan Weng Olo Yone Dolanebuotabe. 20:1

Yesuse dobbunib sonoma bomanoa imin bliba bi kwinoa sibnoma Sande boman tebua klao mo glik geim blim sma mili kikibua Maliao Magdala bib ulako monoa Yesuse gloutemo temoa tom kwame amite dobdou walibbue daleb taniba ken tam dabaibbio

Dowan Weng Olo Yone Dolanebuotabe. 20:19

Sande kwinoa Yesuse okok aleyemin naka ni dli te minoba funanoba Yudai komokwali nisa yenanomabiobo ge funanoba tosiananob kesoa amisalo neketowanoba amda tam dounoba bioba Yesuse tenea ni isak daak manea baabenea Ibo mo tosianimibe! Bobol ayam blibte ge baabenea

Dowan Weng Olo Yone Dolanebuotabe. 20:26

bianoba Sande elekiem kenoba Yesuse okok aleyemin naka ni alukum am tam minoba Tomas etem nanoba amisalo neketowanoba amda tam dounoba bioba Yesuse tenea ni isak daak manea baabenea Ibo mo tosianimibe! Bobol ayam blibte ge baabenea

Abosel 16:10

Luk ne futan olo dolabi naka nesa eka Fole Sailase i dab osa ni funanoba Gode Hobe baabene yole nibo monoba Masedonia betan ota Yesuse dowan wengo omkeimamomo genoba ni afobeingo beilob ole

Abosel 2:42

Yesuse okok dlasanin nakai inaniba aleyebiba bainobo galin nakaia unangai i wengo wente bianiba i sinwalo mibianiba bainobo galin naka mak unang maki daabesese bianiba Yesuse kaanebio bobolo fumbianiba imeno makob olminiba wembianiba eka Gode nganabanom gaib osa miniba i bobol tem makob omfaniba nganha biam bliba

Abosel 2:46

I ina bianiba am obba ye bomanomo bomanomo yo dimo Yesuse bainobo galin nakaia unangai Gode am sumo temo miniba Gode nganha bianiba eka Yesuse kaanebuo bobolo fumbianiba moniba am mak am mako temo mina bianiba imeno wembianiba i imaye bie bie nin kukubo deiboniba naka maki dohalila daabesese bianiba i bobol ayam fumbianiba

Abosel 20:11

imin utenea biin ele tle ole Yesuse kaanebio bobolo fumbianoba imeno hanea kiki dowonob ole Fole wengo imin oyebea bomanoa deibe unea

Abosel 20:31

ibo klaine! Bifolo asumatnao blimano dimo ne teng wengo mo omin blimobe. Ne amitie sbalma biania tab dim osa eka kwinomo dim osa dohalim biania aleyem tlibio kesoa ibo funaniba klaine!

Abosel 20:9

naka tene niniino Yutikase gil deibo amito hatlaibbio ut toumbia Fole wengo omkayebe binoa Yutikase kina dububasoa dumun denea dala daaknea kim daak ananoa kaanea naka maki hebmamsab daakniba afu dobo nabiba

Abosel 28:23

am mako omakabaniba yo dim ota Gode wengo alebenale ge baabaibbua am olo tlamo tlebiba Gode nakaia unangai kimanamabe weng osa eka Yesuse bainobo galin kukubo Mosese buk temo dolanebu osa eka Gode weng omkeimalin nakai dolaibbu osa sbal manea aleyebea i Yesuse bainobo geine genea aleye bia boman tebo tlib biamo aleyebea bi kwin kwin bio otane

1 Kolin 10:16

Nibo Yesus Klaiste kaanea nib hengmino walubenebuo o bobolo funanoba nib bobol temo omanoba mina bianoba waen aayo olonoba Gode gangobo genoba baanoba Olo Yesuse ilemobo genoba wembianoba eka imen osak olonoba Gode gangobo genoba haanoba baanoba Olole Yesuse damobo ge baanoba wembinabuobe.

1 Kolin 15:10

Ina otane ne Gode nemhalilanea daatnenea bobol tem funin ayamo omnebio kesoa memalo ne Yesuse okok namasanin nakabe. Gode ne nemhalim bianea amitie daanebe kesoa ne besao mo nimibabe. Ne e okoko omkanebeo sbalma biania okok kebibe. Yesuse okok dlasanin nakai maki okoko ye bumolok bianiba okok kebib otane ne okoko sbalma biania okok kebio i okoko gaisei biobe. Otane ne nene titilo mo daanebota Yesuse okoko sbalma okok kebibabe. Gode ne nemhalim bianea daane bianea e titilo omkanebe kesoa ne e okoko sbalma okok kebibe.

1 Kolin 16:2

Ibo sande elekiem elekieme dime elekiem olokiem ib monio ilib am ye olminamine! Ib okoko molo ib kimanin nakai monio sum okayebib mole sum olaine! Eka ib okoko molo ib kimanin nakai monio men okayebib mole ibo men olaine! Ibo monio olminabiba ne natlamio imino mo bumolok bianibta henomabibbabe.

2 Timoti 4:2

Kobo Gode wengo nakaia unangai amitie omkayemale! I kobo seinkemib osa eka i mo seinkemin blim kenimib osa kobo Gode wengo amitie omkayemale! Kobo Gode wengo keim aleyemeba i tekein keniba bainobo geine! Eka nakaia unangai hengmino henganimibo kobo i hengmin kukubo alebeneba i hengmin kukub olo deiboniba Gode kukubo kla wafueine! Eka kobo i amitie weng fiab omkaye bianeba weng olo kla omkayemale!

Lebelesen 1:10

Sume singkalin am bomanoa Gode Hobe ne beketnesea ne gimon kabi etale weng mako ngambua wenti olo sumobe, makob bigul wengo ulabobe.