Abosel 20:4 - Mian

^4-6 Luk ne Fole ni dabo Glik betano deibonoba monoba Filibai bib ye bioba Yudai singkalin am sumo niniino bleto yis blim dowonamin amo bliman ole siib tem beboba amo asuke asuke make nao blimanota watnoba Tloas bib wat temsobobe. Naka maki Fole bekeba haabinabibi niniino Sofatae, Filase Belia bib sake miine tenabea eka Tesalonaika bib seli asube, Alistakase Sekandase i dab kenabiba eka Gaiase Debi bib sake tenabea eka Timotie tenabea eka Esia seli Tikikase Tlofimase i dab kenaniba sin watniba waise bliba ni inanoba watemob ole Tloas bib ye bioba amo sebeno blimanole

Abosel 20:4 ပူးပေါင်းရင်းမြစ်များ

Abosel 14:20

bainobo galin nakai teniba ge dabasiba imin hana utlanea monea bib une sonoma bomanole Banabase temnaniba moniba Debi bib onsiobe.

Abosel 14:6

Folwali weng olo wenteniba wetou moniba Likionia betano bibo niniino Listla bib osa eka Debi bib osa eka bib mak mak osa bib olo kikib ye biobe. I moniba ye bianiba

Abosel 16:1

Bainobo galin naka make niniino Timotie Listla bib ye bia e biemo Yudabe, o Yesuse bainobo galin unangobe. Eka aaleb ele Glik minobe. Fole Sailase i dabo moniba Debi bibo omtlaniba moniba Listla bib ye temiba

Abosel 16:6

Gode Hobe Fol esa e meletan isa baabenea Ibo mo moniba Esia betano mo unaniba betan yo seli ne wengo mo omyaibe gene kesoa i deiboniba moniba Flisia betan osa Galesia betan osa o tle tle ye unaniba

Abosel 17:1

Fole Sailase i dabo inaniba moniba Amfibolis bibo omtlaib ole ye dala moniba Abolonia bibo omtlanaib ole moniba Tesalonaika bib ye bianiba Yudai Gode amo ye bio kesoa

Abosel 17:13

I inabiba naka mak unang maki omha bianiba baaniba Fole Belia bib ye bianea Gode wengo omkeimabebo gesiba Yudai bainobo gabibbai Tesalonaika bibo blibi wenteniba moniba nakaia unangai Belia bib yo blibi baabeniba Naka elile misiamobo gesiba nakaia unangai bainobo gabibbai bib yo blibi wenteniba atliaubeno kesoa

Abosel 19:29

eka Efesas bib seli naka mak unang mak isa weng sum ngambiam bliba Gaiase Alistakase i dabo Masedonia bib selobe. Fole bekeba tlibbua ye bliba nakaia unangai atliyebuei yatemniba yafu dleb taniba weng omin am tam dasiobe.

Abosel 2:9

Nibo bib mak bib mako bianoba maki Fatia betan da te maki Midia betan da te maki Ilam betan da te maki Mesobotemia betan da te maki Yudia betan da te maki Kabadosia betan da te maki Fontas betan da te maki Esia betan da te

Abosel 20:18

tetemiba baabenea Mikiktemo ne tenia Esia betan ye tlia bianoba ne kukubo nabio ibo kla nateme binibbiobe.

Abosel 21:29

I weng olo inangge baasibo inaminobe. Sino Efesas bib sake niniino Tlofimase tlebua Fole dab keniba Yelusalem bib ye bliba yatemibbio kesoa i funaniba Fole Tlofimase debeb tanea Gode am sumo tem tam unebiobo ge funanibta weng olo nganmonsiobe.

Abosel 27:2

Luk ne tena bia i tenanoba Sisalia bib ye bioba siib make Adlamitiam bib danea tlanea Esia betan unang ge kesoa ni bib olo deibonoba siib ele tem unom genaboba Masedonia nakae niniino Alistakase Tesalonaika bib danea tetemea etem nanoba beboba kwinoa aala bioba siibe dleb bebea

Fole Lom teni bainobo galini futano dola omfubesebe. 16:21

Timotie ni dabo Klaiste okoko okok kebob naka esa ibo Ayam blibte ge baabenebe. Eka ne meletani Yudai maki Lusias esa Yeson esa eka Sosifata esa i Ayam blibte ge baabeibobe.

Fole Lom teni bainobo galini futano dola omfubesebe. 16:23

Eka Gaias esa Ayam blibte ge baabenebe. Fol ne e am ele blibe. Yesuse bainobo galin nakaia unangai teniba e am ele mina bianiba lotu kebinabiobe. Eka Elastase bibam olo monio kima binabe naka esa eka nib neke Kwotas esa Ayam blibte ge baabeibobe.

2 Kolin 1:1

Fol neta futan olo dolanita Gode meletani Yesuse bainobo galin nakaia unanga ibo Kolin bibo blib ibsa eka Yesuse bainobo galini Glik betano blib ibsa omfubenamabibe. Nib neke Timotie ne beketne bianea daanebebe. Gode ele bobol tem funin ye ne Yesus Klaiste okok nemasanin naka nemakanebiobe.

2 Kolin 1:19

Fol nesa eka Sailas esa eka Timoti esa nita sino Gode miine Yesus Klaiste weng sango ibo baa omkeimanobta omyobbiobe. Yesus ele dimo mo baanemebabe. E Inamin namino nanano genemeo bain ina binabebe.

Efesas 6:21

Ne okoko nabio weng osa eka ne blio weng osa Titikas eta baabenamabebe. E Sume okoko amitie sbal manea okok kebe kesoa e nib nek motonobe.

Filibai 2:19

Nib Sume Yesuse Ae gene mole ne Timotie dabaia monea ibsu natlanea yatenea imin tenea ib weng sango ne baatnenemeo ne seinamabibe.

Kolosi 4:10

Alistakase ne bakanea klabutam bie esa eka Banabase ninge Mak esa i dabo ibo Klayam blibte ge baabeibobe. Sino ne ibo futano dola omfubenia baabenia Make tenea ibsu tlameo ibo e kukub ayam omaline ge baabeibio kesoa e tlameo inabaine!

Kolosi 4:7

Ne nib neke Tikikase ne kla goba bli kesoa ne dabaia monea ibsu natlanea ne okok osa eka ne bli osa o weng sango baabenamabebe. E Sume okok naka ayam kesoa ete nite nanoba Sume okoko okok kebuobe.

1 Timoti 1:1

Ae Timoti kobo Ne Yesus Klaiste wengo kobo aleke bia tekein keneba bainobo gabeb kesoa kobo makob ne miin motonobe. Ne Fol neta futan olo dola omfubkenamabibe. Ne Yesus Klaiste okok namasanin naka netabe. Niminbabe, Gode nibo hengmino temo biobo dotlanebio esa eka Yesus Klaiste imin tlamabe waisa biob naka esa i baatneniba Ni kobo kemanoba moneba bib mak bib mako haabianeba ni wengo omkeimamale ge baatneibbio naka neta keb futan olo dola omfubkenamabibe. Nib Aye God esa eka nib Sume Yesus Klaist esa i dumo kobo kemhalilaniba daabkeniba bobol ayam omkakemine!

2 Timoti 4:12

Eka Tikikas ele ne dabaia monea Efesas bib unebe.

2 Timoti 4:20

Ilastas ele sma Kolin bib wat biebe. Eka Tlofimas ele genansea Mailitas bib wat deiba tlibiobe.

Taitas 3:12

Ne Atemas etia Tikikas etia mak dabaia monea kebsu natlameo dimo kobo hebmamsab teneba Nikobolas bib ele tele! Glol sume tlebianea aaye mousie ha tlemabe kesoa ne Nikobolas bib ele biamabibe.

Failimon 1:24

Eka nakai ni dabwal okok biobi Mak esa Alistakas esa Dimas esa Luk esa i Kobo klayam biebte ge baabkeibobe.

3 Yon 1:1

Ae ne nek Gaias kobo ne bainobo galin nakaia unangai kimanin naka neta keb futan olo dola omfubkenamabibe. Ne kobo kla gobke blibe.