Abosel 2:38 - Mian

³⁸ Fitae baabenea Ibo ib hengmino deiboniba ib bobol temo deskinaniba Gode omaniba Yesus Klaiste niniin dimo aaye fuelaniba Gode ib hengmino omtlabenea e Hobe dobyeko!

Abosel 2:38 ပူးပေါင်းရင်းမြစ်များ

Abosel 22:16

Kobo mo biaebe, hananeba Yesuse niniino taisaneba e keb hengmino omtlabkenea aaye fuelanale ge baatnenebiobe.

Dowan Weng Olo Make Dolanebuotabe. 16:16

Nakaia unangai wanita ne wengo wenteniba bainobo geniba aaye fuelaib mole Gode daabenea dleb utnea abilim ut danea amit nomabiobe. Otane nakaia unangai ne mo bainobo geim blim keib mole i hengminsa kesoa Gode kot kebenea dlanea moniba aseinin bib unomabiobe.

Abosel 8:12

Filibe inanea te bianea Yesus Klaiste wengo omkaye bianea baabenea Sinanomo Gode nakaia unangai kimanamabebo gesea Samelia bib seli nakaia unangai Filibe wengo wenteniba Yesuse bainobo geiba e aaye fuelabenea

Dowan Weng Olo Luke Dolanebuotabe. 24:47

eka naka maki e niniino mikiktemo Yelusalem bib seli sino omyenibta mitdata bib mak bib mak sel isa Gode Dofakamin Nakae Klaiste niniino omkeimaniba omkaye bianiba baabeniba Ib hengmino deiboniba ib bobol temo deskinaniba Gode omaliba e ib hengmino omtlabeneko ge baabenomabiobo genobiobe.

1 Fita 3:21

Aay ele mitmakamo makob nakai bainobo geiba fuelabenabib aayo ulabobe. Aa fuayemin olo ninik fubaminbabe. O mitmakamo inaminobe. Nakaia unangai Gode baabaniba Ni kukub misiamo nabob otane Yesuse atdimo kaanea ni hengmino temo biobo dotlanebio kesoa kobo ni kukub misiam olo nabobo omtlabenale ge baaib mole Gode i hengmino omtlabenea i bobolo ayam funomabiobe. Yesus Klaiste atdimo kaanea imin hananea nibo daabenea nibo kining anobbiobe.

Abosel 10:48

e Konilias esa e meletan isa imin baabenea Ibo Yesuse niniino taisaniba aaye fuelaine gesea i inaniba aaye fuelaniba Fitae baabaniba Nibo ele binobte ge baabasiobe.

Abosel 3:19

Ibo inaibbio kesoa ib hengmino deiboniba ib bobol temo deskinaniba Gode omaliba e ib hengmino omtlabeneko!

Fole Lom teni bainobo galini futano dola omfubesebe. 6:3

Ibo mo tekein kebibbayo? Nibo alukum aaye fuelanoba Yesuse tenanoba nib bobol tem funin osa Yesuse bobol tem funin osa makob anoba kukub olo makob nibo Yesus Klaiste tenanoba kaanobbiobe.

Matyu 4:17

Olo dim ota Yesuse e okoko kilonea wengo omkeima bianea baabenea Ib hengmino deiboniba ib bobol temo deskinaniba Gode omaline! Gode nakaia unangai kimanamabe amo meb tlobo ge baabesebe.

Matyu 3:2

Nakaia unangai homoni tetemiba baabenea Ibo hengmino deiboniba ib bobol temo deskina omoniba Gode omaline! Gode nakaia unangai kimanamabeo mebanobo ge baabesebe.

Abosel 17:30

Sinanggwano nakaia unangai e inamin namino mo tekein kebibba kesoa i kukub nabibo Gode oyemino deibenebu otane memalo e bib mak bib mak seli alukum baabenea Ibo ib hengmino deiboniba ib bobol temo deskina ne omnine ge baabenebiobe.

Abosel 20:21

Am homono dimo ne Yuda isa Yudaba isa baabenia Ib hengmino deiboniba ib bobol temo deskinaniba Gode omaniba Yesus Sume bainobo geine ge oye binibiobe.

Abosel 26:20

Ne wentenia Gode wengo mikiktemo watnia Damaskas bib wat biania omkaye bini ole deibenia monia Yelusalem bibo omkaye binai ole omito monia Yudia betano haabiania omkaye biania eka monia Yudaba isa Gode wengo omkaye biania baabenia Ib hengmino deiboniba ib bobol temo deskinaniba Gode omaniba e okoko okok kebiba nakaia unangai yateniba funaniba Ib hengmino deibueibobo ge funaine ge oye biam

Matyu 28:19

Ne titilsa kesoa ibo moniba bib mak bib mako alukum nakaia unangai ne wengo aleyebiba i ne okok aleyemin naka unang aniba Ay esa Miin nesa Hob esa ne niniin dimo aaye fuaye bianiba

Abosel 26:18

i bobol temo mililanabo inabebua Gululame titilo ge dlabuei ne kukubo alebeneba i ne bainobo geniba Gode titilo ge dlanoa i bobol temo makob ayal einin keniba ne i hengmino omtlabeia i nakaia unangai Gode dlakaebuei tena nine genita tlibo ge baatnenebiobe.

Taitas 3:5

E nibo kukub ayam wafu biobta yateneta nibo hengmino temo biobo dotlanebua bleka? Yeye. E ele bobol tem ye dohalilaneta nibo hengmino temo biobo dotlanebiobe. E nibo daaye bianea bobol tem funin ayamo omyenea eka e Hobe bobol tem funin ayamo memao omyenanebio kesoa nibo kukub ayam wafu binabuobe.

Dowan Weng Olo Make Dolanebuotabe. 1:15

baabenea Memalo Gode nakaia unangai kimanamabe amo meb tlobo, ibo hengmino deiboniba ib bobol temo deskinaniba Gode omaniba Gode dowan weng ayamo bainobo geine ge oyemonsebe.

Abosel 16:15

aaye fuelanoa eka o meletan isa bainobo geniba fuelanaib ole Lidiao ni baabenoa Ibo funaniba O moton bainobo genobo ge funaib mole teniba ne am ele tline ge baanoa mengano kesoa ni o wengo wentubonoba o am ye aala binobbiobe.

Abosel 8:20

Fitae baabanea Gode titilo misim omkayebebo, kobo funaneba Ne monio titil olo walano geneb mole kebsa keb moni osa aseinin bib unine!

Abosel 5:31

Gode baabanea Kobo nakaia unangai komokobo, Islel nakaia unangai hengmino temo biobo dotlaneko ge funaib mole kobo daabeneba i hengmino deiboniba i bobol temo deskina ne omniba ne i hengmino omtlabenano ge baabanebio kesoa

Matyu 3:6

elekiem olokiem i hengmino omkeimabiba Yone aaye Yodane fuaye monsebe.

Dowan Weng Olo Luke Dolanebuotabe. 3:10

i baabaniba Inanamabe kesoa ni fatnanomabbione? gesiba

Abosel 10:43

Sinanggwano Gode weng omkeimalin nakai Yesuse weng olo buk temo dolaniba baaniba Nakaia unangai e bainobo geib mole Gode i hengmino omtlabenamabebo ge baabenibbiobo ge oyemonea

Abosel 13:38

E inanebio kesoa ne nekwal ibo kla wentine! Yesuse ib hengmino omtlabenebuo weng ota ne baabeiobe. Nakaia unangai alukum Yesuse bainobo geib mole e i hengmino omtlabenamabebe. Mosese hekmel wengo titil blim kesoa o ib hengmino mo omtlabeim blimobe.

Efesas 1:7

Yesus Klaiste kaanea e ileme singanea nib hengmino walubenebiobe. Gode daayemin kukubo sum kesoa e inanea nibo daabenea nib hengmino omtlabenebiobe. Gode bobol tem funino ayam kesoa e nibo inabenebiobe.