Abosel 2:32 - Mian

³² eka Fitae imin baabenea Gode Yesus ele imin dofaanea hananea ni alukum atemobbiota oyebuobe.

Abosel 2:32 ပူးပေါင်းရင်းမြစ်များ

Dowan Weng Olo Yone Dolanebuotabe. 15:27

Ibsa ina bianiba ne weng sango omkeimamine! Niminbabe, ibo ne okoko mema kilonia okok kemi dim ye beketne biam biniba inamin namin okoko watemib kesoa ibsak omkeimamine ge baabesebe.

Abosel 1:8

Ina otane Ne Gode Hobe dabai tenea ibo bekebe bianea e titilo omkayebea ibo moniba Yelusalem bib sel isa Yudia betano bib mak bib mak sel isa eka Samelia bib sel isa eka bib mak betan mako blib isa alukum ne wengo omkayemomabiobo ge baabenea

Abosel 13:30

Nakaia unangai homoni Galili betano deiboniba moniba Yesuse bekebaniba Yelusalem bib unibbuei am homono dimo i Yesuse kaanea imin hananeo atemibbio kesoa i weng sang olo Isleli omkayebibbua

Abosel 17:31

E amo omakanebuo tlamo e Dofakamin Nakae nakaia unangai kukubo alukum klanamabebe. Inanamabe naka ele sino kaanea Gode imin dofaanea hananebio kesoa nakaia unangai tekein kebiobo Gode bain inanamabebo gesea

Abosel 2:24

i Yesuse imin hananamin deibo mo waisaim blimobe. Gode Yesuse imin dofaanea kaanamin kukubo omakibilanea hananebiobe.

Abosel 3:15

Yesus ele nib afen smiko deib ayame aleyebea ibo baaniba Anaine ge baaniba doboniba komokwali dobyiba anaiba kaane otane Gode imin dofaanea hananea ni atemobbio kesoa ni o weng sango baabenomabbiobe.

Abosel 3:26

Gode miine dabanea mikiktemo tenea ibo daabenebio kesoa ib hengmino deiboniba ib bobol temo deskina Gode omaniba e meletan aine ge baabesebe.

Abosel 4:10

Ibsa eka Islel nakaia unanga isa alukum kla wentine! Ibo alukum Yesus Klaiste Nasalet bib sake atdimo dabasa anaiba kaanea Gode imin dofaanea hananebue e titil ota gilok alo binobio nakae klaubanota ibo atemiobe.

Abosel 4:33

eka Gode titilo Yesuse okok dlasanin nakai omkayebea i Gode wengo omkeima bianiba baabeniba Yesuse kaanea Gode imin dofaanea hana tlebiobo gesiba nakaia unangai mo bainobo gabibbai wenteniba funaniba Yesuse okok dlasanin nakai ayamobo gabiba

Abosel 5:30

Ibo Yesuse atdimo anaiba kaanea nib faninwali Gode imin dofaanea hananea debeb utnea abilim ut unanea e kweile kweitale kikib ye dofanea tounea

1 Kolin 15:15

Ni ibo baabenoba Klaiste kaanea Gode imin dofaanea hananebiobo ge oye binabob otane naka maki ib isak temo blibi baaniba Nakaia unangai kulilaibbuei imino mo hananomabibbabo gabiobe. I weng olota bain obib mole ni wengo Gode dim oha binabuobe. Otane bain ye Gode Klaiste imin dofaanea hananebiobe.

1 Kolin 6:14

Nib Sume Yesus Klaiste kaanea Gode imin dofaanea hananebio kesoa nibsa kaanomobo Gode imin dohaanea hananoba nib damo memao omyia amit nomabbiobe. Nibo inanomabbio kesoa tamano hengamino deibonomo!

2 Kolin 4:14

Ni tekein kebuobe, sinanomo Gode Sume Yesuse kaaneo imin dofaanea hananebio inanea Yesuse meletan nisa dohaanea hananoba ibtem nitem na dlebnea utnoba Yesus esu ut nomabbiobe.

Galesia 1:1

Ae bainobo galin nakaia unangai Galesia betano blib ibo ne Fol neta futan olo dola omfubenamabibe. Nakai ne mo nemfakanibta baatnenibta Kobo Gode wengo naka mak unang maki omkayemale ge baatneim blimobe. Eka Gode naka make mo baabaneta Kobo Fole dofakaneba baabaneba Kobo Gode okok kamasanin nakaneba Gode wengo naka mak unang maki omkayemale ge baabanale ge baabaim blimobe. Yesus Klaist esa eka nib Aye Gode Yesuse kaaneo imin dofaanea hananebio naka esa imaye nemfakaniba baatneniba Kobo ni okok kamasanin nakaneba ni wengo naka mak unang maki omkayemale ge baatneibbiobe.

Kolosi 2:12

Ibo Yesus Klaiste atdimo kaanea Gode titilo e imin dofaanea hana tlebuo bainobo geiba aayo fuelabeibbu olo makob ibo kaaniba Yesus Klaiste tena dolbueibbiobe. Eka mak osa ibo aayo fuelabeibbu olo makob ibo Klaiste tenaniba imin hana tlibbiobe. Ibo inaib kesoa Gode bobol tem funino ayam ota ibo omyebua memalo ibo e bobol tem funin ayam olo amitie wafu bliobe.

Hiblu 13:20

Nib Sume Yesuse kaanea Gode imin dofaanea hananebiobe. E kaanea ileme singanea Gode weng ayamo nibo omyenea baanea Ne inamin namin ayamo omyamabibo genebio weng olo omsbal manebio kesoa Gode inamin namin olo nibo doyamabebe. E weng olo amit ninobe. Makob eil sibsib kimanin nakae eil sibsibi kima bie inanea nib Sume Yesuse e bainobo galin nakaia unanga nibo kima biebe. Gode nakaia unanga nibo bobol tem ayam omkayemin naka kesoa e ibo amitie daayebea ibo e wengo kla wafunine! Yesus Klaiste sino nibo daabenebio kesoa Gode ele fumbe inanea kukub ayamo nib bobol temo omabbebeneko! Nibo Klaiste niniino amitie dobtouleb nomo!

1 Fita 1:21

ibo Gode bainobo gabiobe. E kaane otane Gode imin dofaanea hananea Gode niniin sumo Yesuse omalebio yo ibo Gode bainobo gebaniba funaniba Bainobe, Gode inanebio kesoa inamin namin olo e baanea Ne inanamabibo genemeo e bain inanamabebo ge fumbianiba e ibo dleb utnea abilim ut danea amit nomabibo waiso bliobe.