Abosel 16:34 - Mian

³⁴ e Folwali dleb tanea e am tam unanea imeno oyia doweib ole naka ele e meletani i sinwalo Yesuse bainobo geniba seinmonsiobe.

Abosel 16:34 ပူးပေါင်းရင်းမြစ်များ

Dowan Weng Olo Luke Dolanebuotabe. 15:32

Ne funania Keb ning ele kaanebiobo genia debeb molaibu otane e sma afen bianea imin tle kesoa klayam nanebo genoba ni seinhabuobo ge baabanamabe inaminobo ge baabesebe.

Dowan Weng Olo Luke Dolanebuotabe. 19:6

wentenea sein seinea daak tenea Yesuse debetnea monea e am uniba

Dowan Weng Olo Luke Dolanebuotabe. 5:29

Libaie ele am tam imen homono funea takis moni bokalin naka isa eka naka mak isa eka Yesuse Libaie i dab osa tenaniba imeno wembiba

Abosel 11:14

ne wengo kebsa nakaia unangai keb amo blib isa omyia wenteniba ibo afen smike doboniba amit nine! ge baatnenebiobo ge baabesea

Abosel 16:15

aaye fuelanoa eka o meletan isa bainobo geniba fuelanaib ole Lidiao ni baabenoa Ibo funaniba O moton bainobo genobo ge funaib mole teniba ne am ele tline ge baanoa mengano kesoa ni o wengo wentubonoba o am ye aala binobbiobe.

Abosel 16:35

I inabiba amo boman ole Lom komokwali awa genalin nakai dlaiba moniba klabut kimanin nakae baabaniba Kobo naka eli tileisenale gesiba

Abosel 2:46

I ina bianiba am obba ye bomanomo bomanomo yo dimo Yesuse bainobo galin nakaia unangai Gode am sumo temo miniba Gode nganha bianiba eka Yesuse kaanebuo bobolo fumbianiba moniba am mak am mako temo mina bianiba imeno wembianiba i imaye bie bie nin kukubo deiboniba naka maki dohalila daabesese bianiba i bobol ayam fumbianiba

Abosel 8:39

wate ken ele tenabiba Gode Hobe Filibe debeb unea Itiobia naka ele Filibe imino mo atemim blim kesebe. Filibe inanea unea Itiobia nakae deiba monea ele bibam unanea seimbianea bia

Fole Lom teni bainobo galini futano dola omfubesebe. 15:13

Gode baabenea Ne ibo dletnia ne bibam unomo genebio kesoa ibo e waisa bliobe. Ne Gode baabania I kobo bainobo gabib kesoa kobo seinin sum osa bobol tem ayam osa omyene! Kobo i sino Hobe titilo omyebbua daayebo kesoa i Yesuse imin tlameo dletnea moniba keb bibam unomabibo waiso blibo seinine ge ohabibe.

Fole Lom teni bainobo galini futano dola omfubesebe. 5:11

Nibo weng mak osa tekein kebuobe, Gode nib Sume Yesus Klaiste baabanea Kobo i daabeneba ne nekwal aine gene kesoa nib Sume Yesus Klaiste inanea nibo daabenea Gode nekwal anobbiobe. Sinanomo e dletnea abilim ut unomabbio kesoa memalo nibo Gode seinha bianoba e niniino dobtouleb biobobe.

Fole Lom teni bainobo galini futano dola omfubesebe. 5:2

Yesus Klaiste nibo daabenea nibo bainobo genoba e dleb metnea God esu met danebio kesoa nibo e kin dimo naka molot unang molotobe. Sinanomo nibsa kining anoba makob e kining binabe inanomabbio kesoa nibo seimbianoba am olo tlamabo waiso biobobe.

Galesia 5:22

Ina otane nakaia unangai Gode Hobe daayebea Gode wengo wafu blibi kukub ole inaminobe. Gode Hobe i daayebe kesoa i God esa naka mak unang mak isa gobe bianiba seimbianiba bobol ayam bianiba naka mak unang maki kukub misiamo omkayemibo i mo yang kebibbabe. I naka mak unang maki daaye bianiba kukub ayamo omkaye bianiba naka mak unang maki baabeniba Ni inamin namino nanomabbiobo ge baabenimib osa bain ina binabiobe.

Filibai 4:17

Ne mo funanita I inamin namino donine ge funanimiba otane ne funania Ibo inamin namin kukubo ayamo nabibo yamo balinamabobo ge fumbibe. Ibo ne kukub ayam natneib kesoa Gode kukub ayamo ibsa omyamabebe.

Filibai 4:4

Sume ibo amitie bekebe bie kesoa ibo amitie seinine! Ne ibo imin baabenia Seinine ge baabeiobe.

Failimon 1:7

Keb bobol temo ne omneneba eka Yesuse bainobo galin naka unang isa keb bobol temo omyeneba Gode wengo omkayebeba i bainobo galino sbal sam bianiba seimbib kesoa ne bobolo ayam fumbiania seinkebibe.

1 Yon 3:18

Ne meme ibo nibo nib nekwali kla gobe bianoba daayemino mo deibonobta besa sital ota obianobta ni gobe biobobo galaobe! Nibo kla gobe bianoba daayemomo!