Abosel 13:30 - Mian

^30-31 Nakaia unangai homoni Galili betano deiboniba moniba Yesuse bekebaniba Yelusalem bib unibbuei am homono dimo i Yesuse kaanea imin hananeo atemibbio kesoa i weng sang olo Isleli omkayebibbua

Abosel 13:30 ပူးပေါင်းရင်းမြစ်များ

Matyu 28:6

e olo mo biebabe. E makob sino baabenebio inanea hana unebe. Ibo teniba e dofa unibbuo biin alango watemine ge baabesea i taniba biino watemsiba

Dowan Weng Olo Yone Dolanebuotabe. 10:17

Ne Aye kla gotne bie yo niminbabe, ne nene eil sibsibi bobolo fumbianea ne kaanamino tolo mo tosiambiba kesota e gotne biebe. Ne funania Nemaye kaania ne eil sibsibi daabenano gabibe. Ne inania kaanimio imin hananamabibe.

Dowan Weng Olo Yone Dolanebuotabe. 2:19

Yesuse baabenea Ibo Gode am sum olo galafanimibo ne amo asumatna kenia imin genamabibo ge baabesea

Abosel 10:40

amo asu kenea make dime Gode imin dofaanea hananea naka maki atemib otane

Abosel 13:34

Gode Yesuse dofaanea hananebuo e imino mo kaaneta klaanemebabe. O weng sango Gode weng omkeimalin nakae Gode buk temo dolanea enangge baanea Gode baanea Ne Debite baabania Ne daabkenia bobol tem funin ayam omklamabibo genibuo memalo inamin namin olo ne kobo omklamabibo ge baanebiobo ge baanea dolanebuo weng olo Yesuse weng sangobe.

Abosel 13:37

naka mak ele e damo mo klaaim blimobe. Gode dofaanea imin hananebiobe.

Abosel 17:31

E amo omakanebuo tlamo e Dofakamin Nakae nakaia unangai kukubo alukum klanamabebe. Inanamabe naka ele sino kaanea Gode imin dofaanea hananebio kesoa nakaia unangai tekein kebiobo Gode bain inanamabebo gesea

Abosel 2:24

i Yesuse imin hananamin deibo mo waisaim blimobe. Gode Yesuse imin dofaanea kaanamin kukubo omakibilanea hananebiobe.

Abosel 2:32

eka Fitae imin baabenea Gode Yesus ele imin dofaanea hananea ni alukum atemobbiota oyebuobe.

Abosel 3:13

Gode Eblaham esa Aisak esa Yekob esa eka nib faninwali mak isa i kimaninobe. E miine Yesuse daabanea e niniin sumo omalebu otane ibo debeb moniba komokwali dobyiba komoke Failate funaneo E ayamobo, ne tileisanano gene otane ibo baaniba Yeye geibbiobe.

Abosel 3:15

Yesus ele nib afen smiko deib ayame aleyebea ibo baaniba Anaine ge baaniba doboniba komokwali dobyiba anaiba kaane otane Gode imin dofaanea hananea ni atemobbio kesoa ni o weng sango baabenomabbiobe.

Abosel 3:26

Gode miine dabanea mikiktemo tenea ibo daabenebio kesoa ib hengmino deiboniba ib bobol temo deskina Gode omaniba e meletan aine ge baabesebe.

Abosel 4:10

Ibsa eka Islel nakaia unanga isa alukum kla wentine! Ibo alukum Yesus Klaiste Nasalet bib sake atdimo dabasa anaiba kaanea Gode imin dofaanea hananebue e titil ota gilok alo binobio nakae klaubanota ibo atemiobe.

Hiblu 13:20

Nib Sume Yesuse kaanea Gode imin dofaanea hananebiobe. E kaanea ileme singanea Gode weng ayamo nibo omyenea baanea Ne inamin namin ayamo omyamabibo genebio weng olo omsbal manebio kesoa Gode inamin namin olo nibo doyamabebe. E weng olo amit ninobe. Makob eil sibsib kimanin nakae eil sibsibi kima bie inanea nib Sume Yesuse e bainobo galin nakaia unanga nibo kima biebe. Gode nakaia unanga nibo bobol tem ayam omkayemin naka kesoa e ibo amitie daayebea ibo e wengo kla wafunine! Yesus Klaiste sino nibo daabenebio kesoa Gode ele fumbe inanea kukub ayamo nib bobol temo omabbebeneko! Nibo Klaiste niniino amitie dobtouleb nomo!