Abosel 13:3 - Mian

³ i imeno sma ye hala bianiba Gode imin nganha bianiba naka eli yafuniba kweilo gabamon dim ut tebelubeniba Gode baabaniba Kobo naka eli daabeneba keb okoko okok kemine ge baabaniba dlaiba onsiobe.

Abosel 13:3 ပူးပေါင်းရင်းမြစ်များ

Dowan Weng Olo Luke Dolanebuotabe. 2:37

deibanoa besa bua bifolo 84 blimanoa o konokanobiotabe. O amitie Gode am sumo tem tam bianoa kwinomosa tab dim osa o Gode bobolo fumbianoa imeno mo unalin blim besa bianoa beten kebianoa Gode niniino dobtouleb binabobua

Abosel 1:24

I inaniba dlakaniba Gode baabaniba Sum kobo naka eli bobol temo alukum tekein kebeb kesoa kobo funaneba Nakae yeta dofaine gabeb mole alebeneba

Abosel 13:2

am mak dimo bainobo galin nakaia unangai miniba imeno hala bianiba Gode amitie nganha bianiba e niniino dobtouleb bliba Gode Hobe baabenea Ibo Sole Banabase i dabo dlakaibta ne okoko okok kemine gesea

Abosel 13:4

Gode Hobe inanea Sole Banabase i dabo dlanea moniba Selusia bib ye unaniba siibe obetniba moniba aaubile Saiblase bibo niniino Salamis bib ye onsiobe.

Abosel 14:23

bainobo galin nakaia unangai Listla biba Aikoniam biba Antiok bibao blibi i komokwali maki dlakaniba imeno hala bianiba Gode nganha bianiba baabaniba God kobo naka eli bainobo galino sbal maib kesoa kobo daabenale ge baabaniba dlaiba i bainobo galino sbalma wafueibbiobe.

Abosel 14:26

siib tem moniba Silia betano bib mako niniino Antiok bib ye onsiobe. Sino Folwali Gode wengo omkayem unom genabib dimo bib olo seli Gode baabaniba Naka eli keb okok deibo unom giobo kobo daabenale ge baabaniba dlaiba unibbiotabe.

Abosel 15:40

eka Fol ele Sailase debetnea unang genabea bainobo galin nakaia unangai baabaniba Klayam Gode kimaneta one ge baabaiba monea

Abosel 6:6

I inaniba Yesuse okok dlasanin nakai kweilo naka eli gabaman dim ut tebelubeniba Gode baabaniba Kobo naka eli daabeneba i okoko klayam okok kemine ge baabasiobe.

Abosel 9:17

Ananaiase wentenea monea Yudase niniin aseke amo Sole bie tam unanea e kweilo Sole tebelubanea baabanea Ne nek Sol kobo deib tama deib tebianeba nib Sume Yesuse atemebbue emaye nemaneta tlibo keb kino webiabkenoa Gode Hobe dabanea daakenea keb bobol tem daak unubkeneko gesea

Fole Lom teni bainobo galini futano dola omfubesebe. 10:15

Eka Gode nakai Yesuse wengo omkeimamomabibi mo dlanea unim blim keib mole i mo monibta Yesuse wengo omkeimamomabibbabe. Gode buk temo enangge baanoa Nakai Gode dowan wengo omeb tlaibi kukub olo dot ayamobo genobiobe.

1 Timoti 4:14

Sino Gode wengo kimanin nakai i kweilono keb gabamon dim ut tebelubkeniba Gode wengo baabkeiba Gode titilo kobo omklea e okoko okok kebinebbio kesoa e okoko klabebo titil olo mo deibonemebe! Kobo titil olo bobolo kla fumbianeba wafunale!

1 Timoti 5:22

Kobo naka make hebmamsabo mo dobonebta bainobo galin nakaia unangai kimanin nakao mo dofanemebe! Mikiktemo e kukubo ateneba e kukubo misiamobe ayamobe genebte! E kukub misiamo nabea kobo dofaneb mole kebsa e kukub misiamo nanamabeb kesoa kobo klanale! Kobo kukub ayamo amitie namale!

2 Timoti 1:6

Inamin kesoa ne keb bobol tem funin ayamo omfabkeia kobo Gode titilo omkakebeo bobolo funanale! Sino ne kweilo keb gabamon dim ut kafunia beten kebkeibuo dimo Gode e okok osa e titil osa kobo omklebiobe. Kobo Gode titil olo omklebuo sbalma wafu bianeba e okoko okok kemale!

2 Timoti 2:2

Ne nakaia unangai kin dimo kobo weng olo alebkeio kobo nakai bainobo galino sbalma blib ita weng olo alebeneba tekein keniba isak weng olo naka mak unang maki aleyemine!

3 Yon 1:6

Naka eli maki teniba ne bib ele tlaniba bainobo galin nakaia unangai ele blibi baabeniba Gaiase ni kla gobe bianea daayebe bita deiba tlobobo ge baabeibobe. Kobo inabeba Gode kla seineko!

3 Yon 1:8

Inamin kesoa bainobo gabob nakaia unanga nibo Gode wengo aleyem haablib naka eli daaye bianoba ite nibtem nanoba Gode weng motono okoko okok kemomo!