Abosel 13:1 - Mian

¹ Nakai niniino Banabas esa Simione e niniin mako Milil esa eka Lusias Sailini naka esa Isleli komoke Helote ninge Maneyen esa Sol esa itabe. Naka eli maki Gode weng omkeimalin nakabe. Eka mak ile e wengo aleyemin naka nabe. I Yesuse bainobo galin nakaia unangai Antiok bibo blibi bekebe bliba

Abosel 13:1 ပူးပေါင်းရင်းမြစ်များ

Matyu 27:32

I Yesuse debeb bebiba naka make niniino Saimone e Sailini bib sakobe. E deib ye bia awa genalin nakai ateniba Yesuse ase obeisaniba eta meng meng te obaliba obeb bia moniba

Dowan Weng Olo Luke Dolanebuotabe. 3:1

Taibilias Sisae Lom bib seli komokam bia bifolo 15 o blimanota Sekalaiae miine Yone ibuantem ye bia Gode wengo omanseo dimo Fontias Failate Yudia bib seli komok anabea eka Helot ele Galili bib seli komok anabea eka e ninge Filib ele Itulia bib sel isa Tlekonaitis bib sel isa i komok anabea eka Laisenias ele Abilini bib seli komok anabea eka Anas esa Kaiafas esa ile Gode amo kimanin nakai komokwali i sum ana blibtabe.

Abosel 11:30

Banabas esa Sol esa oyiba oleb moniba Yelusalem bib ye unaniba Bainobo galin nakaia unangai komokwali Yelusalem bib ye blibi oyensiobe. I inabiba sinanoa Klodiase Lom bib seli komok ane dimo bib mak bib mako imeno alukum blimansobe.

Abosel 12:25

Banabase Sole i dabo Antiok bib seli monio Yelusalem bib seli olubeibo oleb moniba oyeniba Yon Make debetniba imin Antiok bib onsiobe.

Abosel 13:9

Gode Hobe Sole, niniin mako Fol etabo, e bobol temo telaak unubasea e Elimase ateme bianea baabanea

Abosel 15:32

Yudase Sailase i dabo am homono dimo ye baka bianiba Gode weng omkeimalin naka kesoa Yesuse dowan wengo bainobo galin nakaia unanga eli aleyebiba i bainobo galino sbalma wafueib ole

Abosel 15:35

I inaiba eka Fole Banabase i dab ole Antiok bib ye bliba bib yo seli mak isa daabeniba i sinwalo Gode wengo omkeima bianiba aleye binibbiobe.

Abosel 19:6

Fole kweile i gabam oubut yafunea Gode Hobe daakenea nakaia unanga eli bobol temo onon tlanea wengo afet afet obianiba Gode wengo omkeima monsiobe.

Abosel 21:9

Filibe meme unang teni asuke asuke nai imakwali mo dlim blimobe. Isa Gode weng omkeimalin wanggelobe.

Abosel 4:36

Naka make niniino Yosebe e Libai nakabe. E gongam bibo Saiblas otabe. Yesuse okok dlasanin nakai e niniin mako Banabas ge nganha binibbiobe. Niniin olo mitmakamo daayemin nakabe.

Abosel 9:1

Sole amitie obianea Ne Yesuse bainobo galin nakaia unangai yenanitabo ge obianea monea

Fole Lom teni bainobo galini futano dola omfubesebe. 16:21

Timotie ni dabo Klaiste okoko okok kebob naka esa ibo Ayam blibte ge baabenebe. Eka ne meletani Yudai maki Lusias esa Yeson esa eka Sosifata esa i Ayam blibte ge baabeibobe.

1 Kolin 11:4

Inamin kesoa nakai gabam otabbumino lotu am tamo otabba bianiba Gode nganha bianiba e wengo omkeimamib mole kukub olo misiamobe. I inanimibo kukub olo makob i baaniba Gode ni kimanin nakababo genomabiobe.

1 Kolin 13:2

Gode Hobe e titilo nibo omkayebea nibo Gode wengo naka mak unang maki omkaye bianoba eka e wengo sino ayok binabo osa eka e weng mak osa o mitmakamo alukum tekein kebiam bianoba nib bainobo galino sbalma biob kesoa nibo amgolim mako baabonoba Obo betan olo deiboneba moneba betan afet mawenale genomobo o bain inanoa nibo inamin namin olo bain inanomabbu otane nibo naka mak unang maki klao mo gobenoba daayemin blim kenob mole Gode kin dimo nib okok olo mitmakam blim besabe. Ina otane nibo naka mak unang maki kla gobenoba daaye bianoba inamin namin okok olo okok kemob ota Gode kin dimo okok olo mitmakamsabe.

1 Kolin 13:8

Nibo nakaia unangai gobe biobo kukub olo mo blimanomobabe. Amit namabobe. Sinanomo Gode Hobe e titil olo nakaia unangai omkayebea i e wengo naka mak unang maki omkayebib osa eka weng afeto o mitmakamo i mo tekein kebibbao i sital dimo tam tlebua obib osa eka nakaia unangai tekein kemin homono tekein kebib osa o alukum blimanamabobe.

1 Kolin 14:29

Nakai asua asumatnaea mak ita Gode wengo omkeimamib ole eka mak ibole i weng olo moton sam bianiba Olo bain Gode wengobe eka olole Gode wengbabe gabianiba moton sam bianibte!

1 Kolin 14:32

Ibo lotu kebianiba Gode niniino dobtouleb blibo e fumbianea I mo alukum manibta ne wengo omkeimamibe! Elekiem elekiem ita omkeimabiba mak ile dongke toula bianiba weng olo wenteniba kla funaine ge fumbe kesoa nakae Gode wengo omkeimanang gameo funanea Amo yo dim ota omkeimaneme eka yo dim ole deiboneme gabianeta omkeimameko!

1 Kolin 9:6

Banabase ni dabo Yesuse wengo naka mak unang maki omkayebob otane i mo yang kenibta ni imena aayao mo okayebibbabe. Ni dabo nimaye moni okoko okok kebianoba monio boka bianoba imena aayao walo wembianobta Gode okoko okok kebuobe. Ni inabob otane naka mak ile mo inabibbabe. Ile Yesuse okoko okok kebibo naka mak unang maki okok olo molo yang keniba imena aayao okayebiba wembianibta okok kebiobe. I ni dab osa inaniba okayemib mole kukub olo ayamobe. Ibo ni dabo mo baabenibta Ib kukubo misiamobo genimibe!

Galesia 2:13

Yuda nakai maki bainobo galini Fitae tena blibi Fitae nakaia unangai Yudabai deibenea kukub olo ateniba i funaniba E kukub olo misiam nanebo ge funaib otane imal osa tosiananiba nakaia unangai Yudabai isuo deibeiba Banabas esa inanea tosiananea nakaia unangai Yudaba isuo deibenane

Galesia 2:9

Sino bainobo galin nakaia unangai kimanin nakai niniino Yems esa Fita esa Yon esa i tekein keniba Gode Fole dofakanea daabanebua e Klaiste dowan weng ayamo nakaia unangai Yudabai omkayebe kesoa Fol esa Banabas esa nisa Gode okok olo okok kebuobo geniba i ni heitdabeib ole ni sinwalo weng obianoba ni baanoba Ni monoba nakaia unangai Yudabai Gode weng ayamo omkayemomabbiobo ge baabenoba eka Fitawal isak baaniba Nile monoba Yuda nakaia unangai Gode weng ayamo omkayemomabbiobo genaibbiobe.

Efesas 4:11

E titil ayamo e bainobo galin nakaia unangai i okoko afet afet omkayemonebiobe. Maki Yesuse okok dlasanin okok omkaye bianea eka mak ile Gode weng omkeimalin okok omkaye bianea eka mak ile Gode wengo ometniba moniba bib mak bib mako omkayem haanin okok omkaye bianea eka mak ile Gode bainobo galin nakaia unangai kima bianiba e wengo omkaye bianiba e wengo aleye bia nin okok omye nanebiobe.

Filibai 4:22

Eka Gode bainobo galin nakaia unangai bib ele blib isa alukum ibo baabeniba Klayam blibte ge baabeibobe. Eka Gode bainobo galin nakaia unangai Lom bibo komok sume Sisae e okok kemin naka unang isa ibo baabeniba Klayam blibte ge baabeibobe.

1 Tesalonaika 5:20

Eka Gode weng omkeimalin nakai i wengo omkeimamibo ibo weng dobo wengo mo oyemibe!