Abosel 10:11 - Mian

¹¹ abilimo amisalo betelanoa youme sume flanggete ulabe abilim ut danea sayo asuke asuke nao keno tebe gieibbua sa da e wafu wafu bliba daakesea temea

Abosel 10:11 ပူးပေါင်းရင်းမြစ်များ

Matyu 8:11

Kla wentine! Ne bain wengo baabenamabibe, nakaia unangai homoni Yudabai bib mak bib mako afoko tlebo sin da isa eka afoko unebo sin da isa teniba Gode kimanin bib ye toulaniba nib faninwali Eblaham esa Aisak esa Yekob esa i tenaniba miniba imeno unalomabiobe.

Dowan Weng Olo Yone Dolanebuotabe. 1:51

eka weng mak osa baabenea Ne bain baabenamabibe, ibo mitdaniba temiba abilime belanea Gode abiseli daakeniba Abilim Da Tlemin Naka nesu ele da imin ut abilim utda bianiba usa daaka bliba yatemomabiobo ge baabesebe.

Dowan Weng Olo Yone Dolanebuotabe. 11:52

Eka e inanamabeo Yudai ilita mo daabenemebabe. E Yudaba naka afet isa daabenamabebe. E inanea kaanea hananamabe kesoa Gode meletani bib mak bib mak olo blibi alukum makob anomabiobe.

Dowan Weng Olo Yone Dolanebuotabe. 12:32

i ne nemeb moniba atdimo nemasaniba silo bikitneniba as baka obo bikiniba nemfaiba biania kaania nakaia unangai dleb mete ne mitem danamabibo ge baabesebe.

Abosel 10:12

inamin namin homoni tila eila wana inaba i youme tem wat bliba yatemnabea

Abosel 11:5

Ne Yoba bib ye biania Gode nganhabia inamin namin mako dam dikin aletnenoa temia youm sume flanggete ulabe abilim ut danea sayo asuke asuke nao keno tebe gieibbua sa da wafu wafu bliba daakenoa nenesu ele tesoa

Abosel 7:56

baabenea Ibo wentine! Abilimo amisalo betelabua Abilim Da Tlemin Nakae Gode kweile kweitale kikib ye mabia atemibo gesea

Fole Lom teni bainobo galini futano dola omfubesebe. 1:16

Ne Yesus Klaiste dowan wengo bobolo fumbiania Bainobo, Yesus Klaiste weng olo baanebio inanamabebo ge funania ne weng olo nakaia unangai omkayemano gabibe. Niminbabe, Gode titilo sum kesoa nakaia unangai hengmino hengabibi dosuambe otane nakaia unangai wanita bainobo geib mole dosuanino deibenea i hengmino temo blibo dotlanamabebe. Yuda nakaia unanga ni Yesus Klaiste weng olo sin wentobta eka Yudaba nakaia unanga ibole mit wentibbiobe.

Fole Lom teni bainobo galini futano dola omfubesebe. 9:4

Gode Isleli dlakanebio kesoa i e memebe. Gode e titilo ayal inamin einobuo i alebenebiobe. Gode i moton wengo baabenea Ne ibo daabeia ayam anomabiobo genea lotu kemin kukubo i alebenea eka e hekmel weng osa moton weng osa omyenanea baabenea Ne Dofakamin Nakae dabaia ibsu tlamabebo ge baabenebiobe.

Galesia 2:15

Ni biem ay kamwali Yuda kesoa nisa Yudabe. Ni Yudabai ulabbabe. Yuda ni baanoba Nakaia unangai Yudabai Gode wengo mo wafu blibba kesoa i hengmin gamobo ge oye binabuobe.

Galesia 3:28

Yesus Klaiste bainobo gabob nakaia unanga nibo makobobe. Nibo baanoba Ibo Yudabo gese Yudababo gese nin kukub osa eka maki okok nakabo gese maki kimanin nakabo gese nin kukub osa eka maki unangobo gese maki nakabo gese nin kukub osa blimobe. Memalo nibo alukum Yesus Klaiste bainobo gabob kesoa nibo makobobe.

Efesas 1:10

Gode bobol tem funino enaminobe. E amo omakanebuo tlamo e inamin namino abilim uto bu osa eka dabalim olo bu osa alukum olminea Klaiste kimanamabebe. E bobol tem funin olo sino ayok binobio otane memalo e nibo alebenebiobe.

Efesas 3:6

Weng ayok olo inaminobe. Sino Gode Yuda nakaia unanga ita daaye binebiobe. Otane memalo Yuda nisa Yudaba ibsa nibo alukum Yesus Klaiste dowan weng ayamo wentenoba bainobo genob mole Yesus Klaiste nibo hengmino temo biobo dotlanamabebe. E inanamabe kesoa Yuda ni bainobo gabob nisa eka Yudaba naka afet ibo bainobo gabib ibsa nibo alukum Gode meletanobe. Sinanggwano Gode Yudai baabenea Ne inamin namin ayamo ibo omyamabibo genebuo Yudaba naka afet ibo Yesus Klaiste bainobo gabib ibsa omyamabebe.

Kolosi 3:11

Inamin kesoa Yesus Klaiste bainobo galin nakaia unanga nibo makobobe. Nibo obianoba ibo Yudabo gese eka Ibo Yudababo gese nin kukub osa eka mak ibo aalo waketoubiobo gese eka mak ibo aalo mo waketoubibbabo gesenin kukub osa eka mak ibo weng afetobo gese eka mak ibo sesa nakabo gese nin kukub osa eka mak ibo okok nakabo gese eka mak ibo kimanin nakabo gese nin kukub osa mo wafunomobe! Niminbabe, Yesus Klaiste nakaia unanga nib bobol temo alukum bibe bie kesoa nibte ete nanoba nib bobol temo makob ambiobobe.

Lebelesen 11:19

omito Gode am sumo abilim ut buo amisalo betelanoa Gode bain wengo omyebuo tom olo bokiso watemna bia eka timine tila bianea bil weng mako umbianoa eka ame ngambianea eka dabale fiba bianea eka sok sumo tlebianoa aiso tom uning inamino ditou tlebiam namota watemibe.

Lebelesen 19:11

Eka abilimo amisalo betelasoa ne imin temia naka make hos namae dim ut toumbia atemie e niniino asube. Mak ole E Okoko Kla Kimaninobe, eka mak ole E Kukubo Bain Olota Namin nabe. E nakaia unangai kukubo motomanea i kukub misiamo nabibo watemubenea yenanang gameo e kukubo molot ota wafuneta nanamabebe.

Lebelesen 4:1

Weng olo onebo blimanoa omito ne temia abilimo amisalo betelanoa eka weng mako sino bigul weng dikine obabiba wentibuo baanoa Kobo ute asal ele tleba ne inamin namino mitdanoa tam tlamabo alebkenano gesoa wentena bia