Abosel 1:16 - Mian

^16-17 Nekwal ibo wentine! Yudase ni sinwalo Yesuse dlakanebua nitem Yudas etem nabioba Yesuse okoko ni aleyebea klabob otane Yudase monea Yesuse komokwali baabenea teniba Yesuse afu debeb moniba klabutam unibbiobe. Sinanggwano Gode Hobe nib fanine Debite weng olo omalea e naka ele weng sango Gode buk temo dolanebuo weng sang olo bain inanoa tam tlobe.

Abosel 1:16 ပူးပေါင်းရင်းမြစ်များ

Matyu 26:14

Omito Yesuse okok aleyemin naka make, e niniino Yudas Iskeliote monea Gode am sumo kimanin nakai komokwal isu unanea

Matyu 26:47

Yesuse weng olo oyebe dim ota e okok aleyemin naka make niniino Yudase Gode amo kimanin nakai komokwal isa eka Yudai komokwal isa naka maki baabeniba Ibo moniba Yesuse afu debeb tline ge baabesiba i bainata kwamao tubula binibbua dletnea tesiobe.

Matyu 26:54

Gode buk temo baanoa Naka maki teniba Gode miine afu debeb moniba anaiba kaanamabebo genobio kesoa ne Aye mo baabanamabibabe. Ne inai mole weng olo yamo mo balinamabobabo ge baabanea

Matyu 26:56

Ina otane sinanggwano Gode weng omkeimalin nakai Gode buk temo ne weng sango baaniba Inamin namin mako tam tlamabobo geibbuo bain inanoa tam tlo kesoa weng olo yamo balinobo ge baabesea e okok aleyemin naka ni alukum wentenoba deibanoba skila unobbiobe.

Dowan Weng Olo Make Dolanebuotabe. 12:36

Gode Hobe Debite bobol tem funino omalea Debite buk Samo temo baanea Gode ne Sume baabanea Kobo ne kweile kweitale kikib ele toumbianeba inamin namino kima bieba sinanomo ne keb makaai alukum yalia i titilo blimanamabobo genebiobo genea

Dowan Weng Olo Make Dolanebuotabe. 14:43

Yesuse weng olo oyebe dim ota e okok aleyemin naka make niniino Yudase Gode amo kimanin nakai komokwal isa eka hekmel weng tekein kemin naka isa eka Yudai komokwal isa naka maki baabeniba Ibo moniba Yesuse afu debeb tline ge baabesiba i bainata kwamao tubula binibbua dletnea tesiobe.

Dowan Weng Olo Luke Dolanebuotabe. 22:47

Yesuse wengo oyebe dim ota e okok aleyemin naka make niniino Yudase tebea naka homoni dobsileb bliba teniba Yudase Yesuse bukbuk gebanang genabe otane

Dowan Weng Olo Yone Dolanebuotabe. 10:35

Gode ne nemfakanebua ne daakenia dabalim ele biania baania Ne Gode miinobo gabio ibo one bianiba Kobo Gode weng dobo weng ohabeobo ge onebiobe. Gode wengo dim omino blimobe. O baino olobbiobe. O baanoa Dabalim naka eli Gode ulabobo genobio kesoa ne baania Ne Gode miinobo genimio ibo ne mo baatnenibta Kobo Gode weng dobo weng ohabeobo ge onemibe!

Dowan Weng Olo Yone Dolanebuotabe. 13:18

Ne weng obba ele baabei olo alukum ibo mo inamomabibbabe. Ne nakai dlakaibuei tekein kebi otane ib isak temo naka make ne kukub misiam omnamabebe. Sinanggwano Gode buk temo i weng mako dolaniba baaniba Naka ele ne bakanea imeno wembe otane e ne makaa nemfanea nenanamabebo ge baaniba dolaibbuo bain inanamabobe.

Dowan Weng Olo Yone Dolanebuotabe. 17:12

Sino netem iten nabiob dimo ne keb titil olo omnebbuo omania i kima blia i alukum klayam binibbu otane naka elekiem eta aseinin bib unamabebe. E inanamabeo sinanggwano keb buk tem wengo baanobuo bain anobe.

Dowan Weng Olo Yone Dolanebuotabe. 19:36

I inaniba Yesuse ono haubanamino deibaniba eka anat eta toboniba bikiniba tulasibo Gode buk tem wengo baanoa I e ono haubanimibbabo gena bianoa

Abosel 1:20

Sinanggwano nib fanine Debite anso buko Samo temo dolanea baanea E amo besa noko! Nakai o temo mo nimibe gena bianea eka ans mako tem osa dola baanea Naka mak eta e alango dokoneko genanebio kesoa

Abosel 13:15

Gode amo kimanin nakai Mosese hekmel weng osa Gode weng omkeimalin nakai dolaibbu osa kiniba Folwali isak baabeniba Nekwal ibo Gode weng ayamo aleyebeo mo bio mole nisak alebeine gesiba

Abosel 13:38

E inanebio kesoa ne nekwal ibo kla wentine! Yesuse ib hengmino omtlabenebuo weng ota ne baabeiobe. Nakaia unangai alukum Yesuse bainobo geib mole e i hengmino omtlabenamabebe. Mosese hekmel wengo titil blim kesoa o ib hengmino mo omtlabeim blimobe.

Abosel 15:13

eka Yems esak utenea baabenea Nekwal ibo ne wengo kla wentemine!

Abosel 15:7

Fitae baabenea Nekwal ibo tekein kebib yotabe, sino Gode okoko nibo omkaye bianea nele nemakanea baatnenea Kobo moneba Yudabai ne wengo omyeba isa ne wengo wenteniba bainobo geine ge baanea omnena bianea

Abosel 2:23

Sinanggwano Gode funanea Sinanomo Ne miine dabaia daaknea dabalim daako unameo i kweiban dimo dofanano ge funanebio kesoa inanea Yesuse ib kweiban dimo dofanea debeb moniba Lom sel isu temiba i Yesuse atdimo dabasa silo biki anaiba kaane otane

Abosel 2:37

Yuda nakai Fitae wengo wenteniba i bobolo ilum omfubenoa i Fita esa Yesuse okok dlasanin nakai mak isa baabeniba Nekwal ibo ni fatnanomabbione? ge baabesiba

Abosel 22:1

E enangge baabenea Aiwala aabwala ibo wentemine! Ne inamin namino nabio wengo baabenamabibo gesea

Abosel 23:1

Inabasea Fole Yuda naka sumi kin dam tol wat yateme bianea baabenea Nekwal ibo ne Gode nateme binabebe. Ne amit ele haabinabio inamin namin misiamo mo naibiota baanita Inaibiobo genimibabo gesea

Abosel 23:6

temea Naka eli maki Sadyusi eka maki Felisi na kesoa baabenea Nekwal ibo ne aye Felisi kesoa nesa Felisi nabo, ne nakaia unangai kaanimibo Gode imin dohaanea hananomabibo wengo bainobo gabiania o wengo omkeimabi o dafa ota ibo kot ketnenom genabiobo ge baabesea

Abosel 28:17

amo asumatnao bliman ole Fole baanea Yudai komokwali Lom bibo blibi tline gesea dli te misiba baabenea Nekwal ibo ne Yuda nib inamin namino kukub misiamo mo nabueim blimobe. Eka ne nib faninwali kukub osa mo ombiaim blim na otane Yelusalem bib seli klabuto besa ge nemeb teniba Lom bib sel isu ele daibbua

Abosel 28:25

I bobol temo afet afet fumbianiba Fole deiba unom genamsiba Fole baabenea Gode Hobe Gode weng omkeimalin nakae niniino Aisaiae bain baabanea eka Aisaiae nib faninwali weng olo omkeimanea baabenea Gode Hobe baatnenea

Abosel 7:2

Stibene baabenea Ne nekwal ibsa aywal ibsa wentine! Gode titilo sumobe. Sinanggwano nib fanine Eblahame Helan bibo mo unim blim sma Mesobotemia betan ye bieta God ele tenea Eblahame baabanea

1 Fita 1:11

Sinanggwano Klaiste mo daake dabalim olo tlim blim bio dimo Klaiste Hobe e wengo i omkayebea e weng olo i dolaniba baaniba Klaiste tenea enin kino watenea kaanea omito nib Sum anamabebo ge baa dolaniba i funaniba Olo fatnamin dim ota tam tlamabone? Klaiste wanete? gabianiba hembiba

2 Fita 2:21

Nakai Yesuse kukub moloto mo tekein keim blim binib biamoi enin kino watemomabib otane ole mensabe. Otane nakai Yesuse hekmel wengo moloto tekein kebianiba omdibi binib biamo ile i enin kino dot sum watemomabiobe.