3 Yon 1:4 - Mian

⁴ Naka maki teniba baatneniba Keb memei Gode moton wengo kla wente bianiba kukub ayamo wafu bliobo ge baatnesiba wentenia ne kla seimbibe. Ne seinin olo seinin afeto gaisonobe.

3 Yon 1:4 ပူးပေါင်းရင်းမြစ်များ

2 Kolin 6:13

Ne ibo weng olo oyebio makob aalebe e memei weng omkaye bianea dlo klabe inayebibe. Ni ibo gobe biob kesoa ibsak inaniba ni gobe nine getabe.

Galesia 2:14

kesoa ne yatemia i Klaiste weng ayamo klao mo wafu nim blim bianibta naibobo ge funaibiobe. Ne inania Fita eta kukub olo nane kesoa baabania Kobo Yuda naka otane kobo Yudai kukubo deiboneba Yudabai bakaneba imeno wembinabeobe. Kobo inabebo kukub olo ayam otane naka eli Yelusalem bib da tlib dimo kobo Yudabai isuo deibeneb kesoa i funaniba Nib kukub olo misiam ese makobo, deibonoba nibsa Yudai kukub ota wafunomo geibbio kesoa keb kukub olo misiamobo ge baabaia bainobo galin nakaia unangai alukum ne weng olo wentibbiobe.

Galesia 4:19

Ne nekwal ibo ne kla gobe blibe. Ne ib bobolo funania ne bobol tem daako makob unango memei dlanang genoa enin kino watemnabo inania ne bobol tem daako misiamut nebiobe. Sino ibo Yesus Klaiste wengo mo wafueim blim blib dimo ne bobol tem daako misiamut nebinobio kesoa memalo ne imin wentia ibo Yesus Klaiste wengo klao mo wafueim blim bliobo gesiba wentenia ne bobol temo imin misiamut nenoa funania I bobol tem funino makob Yesuse bobol tem funino ulab animibo ne bobol tem misiamo deibonia seinamabibo ge fumbibe.

1 Tesalonaika 2:11

Ibo tekein kebiobe, sino ni makob naka make e miine kimanamabe inanoba elekiem olokiem ibo kima bianoba

1 Yon 2:1

Ne meme ibo ne futan olo dola omfubenamabio Ibo hengmino mo hengamibe genita dolanamabibe. Otane naka make hengane mole naka molote Yesus Klaist eta naka ele daabanea e Aye Gode baabanea Ne naka ele hengmino walubaibio kesoa kobo e hengmino omtlabanale ge baabanamabebe.

2 Yon 1:4

Ne sino wentia i baaniba Ob memei maki Aye baanea Ne moton wengo kla wafueine genebio i kla wafu bliobo gesiba wentenia ne kla seimbinibiobe.