2 Kolin 7:7 - Mian

⁷ Gode Taitase dabanea tenea nisu tleo olota ni bobol temo ayam omyim blimobe. E ib weng sang osa eka ibo daahabibo weng osa omeb tenea ni baabesea wentenoba ne ibo seinye binibiobe. E ni baabenea Kolin bib seli i hengmino nabinibbuo funaniba bobolo ilum omfubenoa Fol keb talo wabianiba baaniba Ni Fole atemaobobo gabiobo ge baabene kesoa ne kla seimbinibiobe.

2 Kolin 7:7 ပူးပေါင်းရင်းမြစ်များ

Matyu 26:75

Fitae funanea Sino Yesuse baatnenea Kakaluke mo nganaim blim bieta kobo ne niniino omuatneneba baaneba Ne naka ele mo tekein kebibabo genamino asumatna kenamabeobo ge baatnenebiobo ge funanea daam temo deibo tamnea bib tam unanea biki dofanea mem wat mem wat onsebe.

Matyu 5:4

Nakaia unangai bobol ilum omfubebuei seinine! Gode bobol tem ayamo omyamabebe.

Dowan Weng Olo Luke Dolanebuotabe. 22:44

Yesuse bobolo dot ilum omfubano kesoa e beteno dot sum beten kebea e ifao makob ilemo ulab walabuanoa daaknoa dabalim daak unebua

Abosel 11:23

bainobo galin nakaia unangai Antiok bibo blibi Gode daabe bie kesoa Banabase yatemnea seimbianea baabenea Ibo Sume bainobo galino sbalma wafueine ge baabesebe.

Fole Lom teni bainobo galini futano dola omfubesebe. 1:12

Ne weng olo enaminobe, ibo Gode bobolo kla fumbianiba ne daatneniba Gode wengo omkanebiba Gode ne bobol tem funin ayamo omkanebea nesak Gode bobolo kla fumbiania ibo daabenia Gode wengo omkayebi kesoa e ibo bobol tem funin ayamo omyamabebe. Nibo inanomabbio kesoa nibo bobol ayam fumbianoba nib bainobo galino sbalma wafunomo!

1 Kolin 5:2

Ibo ilib tak ngambianiba baaniba Ni Yesus Klaiste bainobo genobbio kesoa ni naka ayam unang ayamobo ge obib otane naka make hengmino hengabe ib isak temo bie kesoa ibo ilib untako mo ngambianibta seinimibe! Bobolo ilum omfubenoko! Ibo nakae ibsuo bianea kukub misiamo nabe mo deibaibta bianeta kukub misiamo amito mo namene, fotebeiba uneko!

2 Kolin 1:14

Ibo ni seinyebib otane ibo ni kukubo klao mo tekein kebibba kesoa ne funania Ibo ni kla tekein keniba I bain Yesuse okok dlasanin nakabo geniba kla seinyemine gabibe. Ibo memalo tekein keniba I bain Yesuse okok dlasanin nakabe geib biamo sinanoa nib Sume Yesuse tlame dimo ni ibo seinyemoba eka ibsak ni seinye biam nomabiobe.

2 Kolin 2:9

Sino ne funania Ne naka ele wengo Kolin bib seli futano dola omfubeita i ne weng olo wentutnenimib deitnenimibo yatemano ge funai kesota futano dola omfubeibiobe.

2 Kolin 5:2

Ni dam olo makob mon am tem inamin kesoa ni mon am olo tem tam bianoba ni am tem amo abilim ut buo bobolo kla wayebua fumbianoba Ni o tem unaobobo gabuobe.

2 Kolin 7:6

Ina otane nakaia unangai bobolo ilum omfube biamo Gode daaye bianea bobol tem ayam omkaye binabe kesoa memalo biob dim osa imin inanea ni daabenea Taitase dabanea tenea nisu tle kesoa ni bobol ayam funanobbiobe.

2 Kolin 7:8

Sino naka ele ib isak temo kukub misiamo nabea ibo mo Tolobo geim blim deiba bliba ne futano dola omfubeibuo ne funania I futan olo watemaibo i bobolo ilum omfubenamabobo genia nesa bobolo ilum omfutne binobiobe. Ibo ne futano yo kiniba bobolo ilum omfube binobu otane ibo bobol ilum yo amito mo bibenim blimobe. Ne futan yo ibo daabenobio kesoa ne seimbibe.

2 Kolin 8:16

Ne ib talo wabiania Ne fatnanita ib bainobo galino daabeita sbal maine gabio Gode Taitase bobol tem daak osa inanea ib tal walin kukubo omabbebanea Ne fatnanita i bainobo galino daabeita sbal maine gabe kesoa ni Gode gangobo gabuobe.

Filibai 1:20

Sino ne mo tosianim blim sbalma biania Gode wengo omkeima binibuo memalosa ne mo tosianamabibabe. Ne sbalma biania Gode wengo omkeimamabibe. Ne ina bini biamo sinanomo Yesuse tlameo ne aalo mo genalamibabo ge fumbibe. Ne inanamabi kesoa ne afen biami osa eka kaanimi osa nakaia unangai ne nateniba baaniba Klaiste niniino sumobo geine!

Kolosi 2:5

Ne ibsuo mo bliba otane ne ib bobolo amitie fumbibe. Ibo Yesus Klaiste bainobo galino sbal maniba ib sinwalo ib bobol tem funino makob am blib kesoa ne seinyebibe.

1 Tesalonaika 3:6

Memalo Timotie ibo deibenea ib dowan weng ayam olo ometnea imin tenea baabenea I Yesuse bainobo galino sma ye sbal maniba nakaia unangai gobe bianiba ib dab ib bobolo sma fumbianiba ib dabo yatemomo gabibo makob ib dabo naniba I yatemomo gabib inaniba isa ibo yatenamin teb yebobo gesea

1 Tesalonaika 3:8

Ibo inaniba amitie Yesuse bainobo galino sbalma blib mole ni seinye bianoba ni bobolo ayam funomabbiobe.

Hiblu 2:1

Gode miine Yesuse inanea abiseli gaisenebio kesoa nibo e wengo wentobbuo sbalma wafunomo! Nibo inanomobo weng olo mo deibonomabbiobabe.

Yems 5:17

Ilaiyae naka makob nib ulab otane e sbal manea Gode nganha bianea baabanea Soko mo tlamone genea soko mo tlemin blim ameng unebu bifolo asumatna blimanoa alimo asuke asuke asuke nao blimananoa

2 Yon 1:4

Ne sino wentia i baaniba Ob memei maki Aye baanea Ne moton wengo kla wafueine genebio i kla wafu bliobo gesiba wentenia ne kla seimbinibiobe.

Futan olo Yut eta dolanebiobe. 1:3

Ne nekwal ibo ne kla gobe blibe. Ne sino fumbiania Ne futano ibo dola omfubenia Gode okok sumo nanea nibo alukum hengmino temo biobo dotlanebio wengo baabenano gabi otane memalo ne weng afet mako funai kesoa dim omin nakai ib isak temo blibi i weng sango futan temo dola omfubenamabibe. Weng olo inaminobe. Gode sino e bainobo galin wengo e nakaia unanga ni omyebuo weng afeto imino mo omyamabebabe. Ibo weng olo wenteniba bainobo geniba sbal maniba kla wafueine! Ibo dim omin naka mak unang maki weng afeto oyebibi baabeniba Weng olo bainobo ge baabeine!