2 Kolin 4:1 - Mian

¹ Gode inanea dohalilanea okok ayam olo omyenea baabenea Ibo Klaiste mema wengo omeb tlebuo omkayemine ge baabene kesoa ni okok olo mo tosiam bianobta kakubuwebobbabe.

2 Kolin 4:1 ပူးပေါင်းရင်းမြစ်များ

Dowan Weng Olo Luke Dolanebuotabe. 18:1

Yesuse e okok aleyemin nakai Alebeia i beten kemin kukub olo sbalma wafueine gene kesoa

1 Kolin 3:5

Ibo kla funaine! Ibo nimin kenibta baka bianiba mak Ni Abolose meletanobo gese maki baaniba Ni Fole meletanobo gese blibe? Ni dabo besa Gode okok nakabe. Sume emaye ni okoko afet afet omkayebe kesoa ni e okoko okok kebianoba e wengo ibo omkayeboba wenteniba bainobo geibbiobe.

1 Kolin 7:25

Souwal tembal ibo ib wengo nib Sume ne mo baatneim blim otane ne weng olo nene bobol tem baabenamabibe. Gode ne nemhalim bianea daanebea ne bobol temo kla fumbiania eka weng osa ayam obiam binabi kesoa ibo ne weng olo wentaibo baaniba E Gode okok dabasanin naka kesoa nibo e wengo kla wentomo ge baanomabiobe.

2 Kolin 3:12

Ni tekein kebuobe, mema wengo titilo blimanaminba o amit nin kesoa ni o wengo omkeimamino mo tosiambobbabe.

2 Kolin 3:6

Sinanggwano Gode e hekmel wengo emaye tom dimo dolanea oleb tenea Mosese olalebiobe. E inanebuo nakaia unangai bumoloku benoa hekmel weng olo alukumo mo wafueim blim kenibta o mitmakam ota i kulila binibbiobe. I inabiba bifol homono blimanota Klaiste mema wengo omeb tlebua nakaia unangai mema weng olo wafu blibi Gode Hobe i bobol temo bianea daayebe kesoa i mo kaanibta alang namanimibbabe. I amit nomabiobe. Gode emaye e titilo ni omkayebeta ni mema weng olo nakaia unangai omkayebuobe.

2 Kolin 4:16

I inabib kesoa ni okok olo mo tosiam bianobta kakubuwebobbabe. Niko bain ye hekwal anoba ni undimo aaya kenoba ban ban bebob otane ni bobol temo afen smik ole am obba ye boma boma unamo yo dimo amitie mema ye bio mema ye bio bibenamabobe.

2 Kolin 5:18

Gode emaye ni mema kukub olo omyebiobe. Sino ni Gode makaa biob otane e Yesus Klaiste dabanea daakenea ni dleb tenea God esu danebua ni e bainobo gabianoba nite God ete nanoba ni bobol temo makob anoba Gode nisak baabenea Ibsa inaniba naka mak unang maki daabeiba isa Klaiste bainobo geiba ite nete nanoba ni bobol temo makob anomo ge baabenebiobe.

Galesia 6:9

Nibo tengo mo dubube biota kukub ayam namino mo deibonomobe! Niminbabe, nibo kukub ayamo amitie nabinob biamo sinanomo Gode nakaia unangai kukubo klanamabeo dimo inamin namin ayamo doyamabebe.

Efesas 3:13

Inamin kesoa ne ibo daayebio dafa ota naka mak unang maki enino omkanebib kesoa ibo kukub olo tolo mo tosiananibta ib bainobo galino mo deibonimibe! Ne okok ele okok kebi olo ibo daabeno kesoa ibo ib bainobo galino sbalma wafu bianiba seinine!

Filibai 4:13

Yesus Klaiste titilo ne omkanebe kesoa ne titilsa biania inamin namin okoko Gode baatnenea Klanale genemeo klabinabibe.

2 Tesalonaika 3:13

Bainobo galin naka unang ibo okoko tengo mo yemone! Sbal maniba ib okoko ayam okok kebianibte!

1 Timoti 1:13

Sino ne Yesuse niniino weng dobo weng owe biania eka bainobo galin nakaia unangai kukub misiam omkaye biam biania weng omdibi binibu otane Gode nemhalilanea daatnenebiobe. Niminbabe, o dimo ne Gode kukubo tobtlin bianea Klaiste mo bainobo geim blim biania funania Ne Gode okoko okok kebibo gabi kesota o mitmakam ota Gode nemhalilanea daatnenebiobe.

Hiblu 12:3

Naka misiami teniba Yesuse dobsuan bianiba enino omkaha binibbuo dimo e sbal manea Gode kukubo kla wafu binebio kesoa ibo e kukub olo funaine! Ibo e kukub olo bobolo fumbianiba inamin namin kukub misiamo ib dimo tam tlemo ibo tengo mo yebota Gode kukubo mo deibonimibe! Ibo Gode kukubo sbal maniba kla wafueine!

1 Fita 2:10

Sino ibo Gode naka unangba otane memalo ibo Gode naka unangobe. Sino Gode ibo mo dohalinim blim otane e memalo ibo kla dohalimbebe.

Lebelesen 2:3

Naka maki yatemiba ibo ne kukubo wafu blib kesoa i kukub misiamo omkayebib otane ibo sbal maniba ne mo deitneim blimobe.