2 Kolin 13:4 - Mian

⁴ Sino Yesus Klaiste atdimo kaanebuo e makob nakai titil blimi ulab aneta kaanebu otane e imin hananebua Gode titilo daahabua biebe. Klaiste meletan ne makob nakai titil blimi ulab otane Gode titilo nesa daatnenea ne ibo sbal weng baabenamabibe.

2 Kolin 13:4 ပူးပေါင်းရင်းမြစ်များ

Dowan Weng Olo Yone Dolanebuotabe. 10:18

Naka maki ne nenanamini blim otane nemaye funania Ne kaanano gei mole ne deibeia nenaiba kaanamabibe. Niminbabe, ne kaanamin osa imin hananamin osa o titilsabe. Ne Aye nemfakanea baatnenea Kobo okok olo inanale ge baatnenebiobo ge baabesebe.

Abosel 2:36

Islel nakaia unanga ibo ne wengo kla wentine! Ibo Yesuse atdimo dabasa anaibbue Gode naka ele baabanea Kobo ne Kemfakamin Nakaneba komok sum anale genea inanebiobo ge baabesebe.

Abosel 3:16

Ni Yesuse niniino bainobo gabob kesota e titilo gilok alo binobio naka ele klaubanoa atemiobe! Bainobo galin olo Yesus eta omyeta o naka ele klaubanoa ibo atemiobe.

Fole Lom teni bainobo galini futano dola omfubesebe. 1:4

Eka e kaane otane Gode titilo sbal kesoa o Yesuse imin dofaanoa hananebuo nibo tekein kebuobe, e Gode miinobe. E bobol tem funino kining makob Gode bobol tem funino ulabobe.

Fole Lom teni bainobo galini futano dola omfubesebe. 14:9

Yesus Klaiste kaanea Gode imin dofaanea hananebio kesoa eta nakaia unangai afen blib isa kaaibbue isa i Sum an biebe.

Fole Lom teni bainobo galini futano dola omfubesebe. 6:4

Sino Yesus Klaiste kaanea dobbueibbua Gode titilsae imin dofaanea hananebuo kukub olo makob nib tena hananobbiobe. Nib bobol tem funin osa Yesuse bobol tem funin osa makob anob kesoa kukub olo makob nibo Yesuse temna kaanoba dolbueibbua Gode imin dohaanea Yesuse temnanoba hana tlobbio kesoa memalo nib bobol temo mema kukubo bobolo funin ota fumbianoba kukub ayam ota wafunomo!

1 Kolin 1:25

Niminbabe, nakaia unangai mo bianobo gabibbai obianiba Gode bobol tem funin blimobo ge ohabib otane Gode e bobol tem funino nakaia unangai i bobol tem funino alukum gaisenobiobe. Eka i obianiba Gode titilo blimobo gabib otane e titilo i titilo gaisenobiobe.

1 Kolin 15:43

Nakaia unangai kaaiba nibo dolbunomobo i damo misiamobe. I titil blim nabe. Ina otane i imin hana tlaibo mema damo omoniba ayam aniba titil manomabiobe.

1 Kolin 2:3

Ne sino monia ibsu natlania bekebe binibuo dimo ne tekein kemin osa ne bobol tem funin osa dot sumba kesoa ne funania Ne Yesus Klaiste okoko klao mo okok kemin blim kenimio kukub olo misiamobo ge funania tosiam biania bobolo ilum omfutne binobiobe.

1 Kolin 6:14

Nib Sume Yesus Klaiste kaanea Gode imin dofaanea hananebio kesoa nibsa kaanomobo Gode imin dohaanea hananoba nib damo memao omyia amit nomabbiobe. Nibo inanomabbio kesoa tamano hengamino deibonomo!

2 Kolin 10:10

Naka maki baaniba Ibo Fole tolo mo tosianimibe! E futan temo wengo nibo dola dlubenemeo sbal weng oye binabe otane e nibo baka biameo e besa naka titil blimobe. Eka e weng osa nibo titil blim oye binabebo gabiobe.

2 Kolin 12:10

Ne enin kino watemebi osa eka nakaia unangai ne weng misiam onebib osa eka inamin namino ne watwat datnenang genabo osa eka naka maki ne nebib osa inamin namin kukub olo ne bobol temo ilum omkanebo otane naka maki Klaiste titilo ne daanebeo natemniba i e niniino dobtouleb nomabib kesoa ne seimbibe. Niminbabe, ne titilo blim otane Gode titilo ne daanebea sbalma blibe.

2 Kolin 13:9

Nakaia unangai funaniba Fole titil blimobo geniba ne mo gotneim blim keib mole olo besabe. Ina otane ibo ib bainobo galino sbal maib mole ni seinomabbiobe. Ni Gode oha bianoba Kobo i daabeneba i bainobo galino sbal maine ge ohabuobe.

Filibai 3:10

Ne funania Ne Yesus Klaiste kukubo kla tekein kenia nesa makob e ulab ania Gode titil sumo Klaiste imin dofaanea hananebu olo nesa omeisania eka e enin kino watemebuo nesa inania enin kino watemano gabibe. Ne ina biania funania Ne bobol tem funino makob Yesuse kaanang genea e bobol temo nabanoa kaanebio inatnenoko gabi

Hiblu 5:7

Sino Yesuse dabalim ele bie dimo e kaanamin bobolo funanea Gode sbal weng nganha bianea mebiam bianea e funanea Ne Aye daatnenamabebo ge funane kesoa Gode e wengo wentenea daabanebiobe.

1 Fita 3:18

Nibo Klaiste kukubo nanebuo bobolo funanomo! E kukub misiamo mo naim blim otane e atdimo kaanea nib kukub misiamo nabobo omtlabenebiobe. E naka molot otane e naka misiam nib alango dokonea dleb metenea God esu ele danebiobe. E nib hengmino bobolo funanea atdimo deib makob kaanebiobe. E imino mo kaanemebabe. E naka moton anea anaiba kaanea imin hananebuo e smike mo kaanemebabe. E amit afen biebe.

1 Fita 3:22

E utnea abilim ut unanea Gode kweile kweitale kikib ye toumbiebe. E abisel isa eka abiseli komokwal isa eka inamin namino abilim ut buo o komokwal isa i kimanin nakabe.