2 Fita 3:3 - Mian

³ Ibo olo tekein keine! Mubiang amo bomanang gamo dimo weng dobo weng omin naka eli teniba ili bobol tem funin misiamo wafu bianiba

2 Fita 3:3 ပူးပေါင်းရင်းမြစ်များ

Dowan Weng Olo Yone Dolanebuotabe. 12:48

Ne weng olo omkeima binabio mubiang am bomanomo dimo nakaia unangai ne weng olo mo wentim blim keibbiamoei baabenia Ibo ne wengo omkayebi otane ibo mo wentim blim binibbio kesoa bib misiam unomabiobo ge baabenamabibe.

2 Kolin 4:2

Naka maki kukub misiamo ayok nabib otane nile inamin kukub olo aal waisenoa deibonobbiobe. Ni mo dim baanobta weng afeto omkeimanobta Olo Gode wengobo ge obobbabe. Ni Gode wengo keim omkeimaboba naka mak unang maki wente bianiba baaniba Weng olo moton Gode wengobo ge obiba eka God esa ni wengo wente bianea yateme biam bie

2 Timoti 3:1

Memalo mubiang am bomabio kesoa kukub misiam homono nakaia unangai dimo tam tlamabobe. Kobo weng olo kla fumbianebte!

Hiblu 1:2

Otane memalo mubiang amo bomano dim olo e miine e wengo omalea eka esak weng olo nibo omyebe. Sinanggwano Gode e miine baabanea Kobo abil esa dabal esa inamin namin osa alukum klanale ge baabanea e klanebiobe. Gode e dofakanea Ne inamin namin olo doklamabibo genebio kesoa e dlalamabebe.

2 Fita 1:20

Ibo kla wentine! Nibo tekein kebob yotabe. Gode weng omkeimalin nakai wengo dolaibbuo ili bobol tem funino mo dolaim blimobe. Gode emaye baabenea Ibo ne weng olo dolaine geseta e Hobe weng olo omyeta dolaibbiobe.

2 Fita 2:10

Dim omin naka eli Gode wengo omdibiha binib biamo molo yang kenea enin kino watemomabiobe. Naka eli bobol temo funaniba Gode wengo besabo geniba weng omdibiha bianiba ili bobol tem funin ota wafu bianiba unang tamano hengabiobe. I untak nganin naka kesoa i abiseli weng dobo weng oyemino mo tosiambibbabe.

1 Yon 2:18

Ne meme ibo dabale blimanamabeo amo meb tlobe. Ibo wentebiba i baaniba Naka make Ne Gode Nemfakamin Nakabo ge obianea dim obinabe nakae tlamabebo geibbuo ibo tekein kebiobe. Sino dim omin nakai homoni teniba baaniba Ni Gode Dlakamin Nakabo geibbio kesoa nibo tekein kebuobe dabale blimanamabeo amo meb tlobe.

Futan olo Yut eta dolanebiobe. 1:16

Dim omin nakai ib isak temo blibi baaniba Naka maki kukub misiamo ni omkayebib kesoa i kukubo misiamobo gabianiba weng dobo weng oye bianiba eka i inamin namino wateniba bobolo wabeno mole ili bobol tem ye dlo dlo binabiobe. I ili untak ngam bianiba naka mak unang maki afobeingo bobolo wayebua dim oye bianiba oise une biam binabiobe.

Futan olo Yut eta dolanebiobe. 1:18

I sino ibo enangge baabeniba Mubiang amo bomanang gamo dimo naka mak unang maki bainobo gabibbai teniba Gode ib sinwalo tlaye bianiba aben giye biam bianiba Gode wengo omdibiha bianiba ili bobol tem funin misiam ota wafu bianiba kukub misiam olo namomabiobo ge baabeibbiobe.