2 Fita 2:3 - Mian

³ Dim omin naka eli bobol temo funaniba Bainobo galin nakai monio oyine ge funanomabib kesoa i ibo dim oye bianiba ib monio oise unemomabiobe. Sinanggwano i kukub klamin nakae Gode baanea Sinanoa naka eli teniba nesuo tlaibo i kukub misiamo yang kenia dlaia aseinin bib unomabiobo genebio kesoa sinanomo i bain enin kino watemomabiobe.

2 Fita 2:3 ပူးပေါင်းရင်းမြစ်များ

Matyu 23:14

[Ibo kukub misiamo ib dimo tam tlamabo kesoa klaine! Ibo dim omin sitalsabe. Ibo unang sosoni dim oye bianiba afobeingo oise une bianiba eka ibo funaniba Nakaia unangai ni yatemniba ni niniino dotouleb nine geniba nakaia unangai kin dimo beteno teke beten kebiam binabib kesoa ibo enin kino sum watemomabiobe.]

Dowan Weng Olo Luke Dolanebuotabe. 18:8

Yeye e hebmamsab daabenamabebe. Inanamabe otane sinanomo Abilim Da Tlemin Naka ne tenia yatemia dabalim olo nakaia unangai bainobo geibbua bleka? genia yatemamabibo ge baabesebe.

Dowan Weng Olo Luke Dolanebuotabe. 20:20

I Yesuse kima bianiba naka maki baabeniba Ibo moniba Yesus esu unaniba e wengo wentebuobo gabianiba kil baabaiba e wengo afet yang kene mole nibo wentenoba afu debeb monoba komok sume dimo kot kebanomo geniba dlaiba moniba

Dowan Weng Olo Luke Dolanebuotabe. 22:47

Yesuse wengo oyebe dim ota e okok aleyemin naka make niniino Yudase tebea naka homoni dobsileb bliba teniba Yudase Yesuse bukbuk gebanang genabe otane

Dowan Weng Olo Yone Dolanebuotabe. 2:16

eka wani webib nakai baabenea Dleb onon tlaine! Ibo ne Aye am olo temo webiba makob imen wemin baan dim ano kesoa deibueine ge baabesebe.

Fole Lom teni bainobo galini futano dola omfubesebe. 16:18

Ina binabib naka unang ile nib Sume Klaiste okoko mo okok kebibbabe. I imeno bobol ota fumbinabiobe. I weng ayam ayamob obianiba ibo baabeniba Imen olo uninobo doweine! Eka imen olole awemobo mo dowonaibe ge oye biam binabiobe. I ina bianiba nakaia unangai men weng men weng oye biam bliba nakaia unangai bobol temo klao mo fumbibbai i weng olo wenteniba funaniba I weng olo klayamobo gabinabiobe.

2 Kolin 2:17

Naka homoni fumbianiba Ni Klaiste wengo omkeima bianoba o molo monio boka bianobte gabib otane nile mo inangge fumbobbabe. Ni kukubo inaminobe. Klaiste titilo dimo Gode ni dlanea bib mak bib mako haabianoba Klaiste wengo omkeimabobo Gode tekein kebebe ni kukubo molotobe.

1 Tesalonaika 2:5

Ibo tekein kebiobe, sino ni ibsu tlobo ni ibo men weng men wengo mo oye bianoba eka ib inamin namino bobolo mo waye biam nim blimobe. Ni ibo mo baabenobta Ib inamin namino ni mo doyine ge baabenaim blimobe. Gode tekein kebebe, ni wengo bainobe.

1 Tesalonaika 5:3

Sume tlang gameo nakaia unangai bainobo gabibbai obianiba Memalo am ayam dim kesoa ni ayam biobobo gan monibta inamin namin misiamo hebmamsab i dimo makob unango amunsa bu otane o mene dofanamabo amo o mo tekein keim blim biam binoa dofanang gamo dimo hebmamsab enin kino watenoa dofanabo inaniba i enin sumo hebmamsab i dimo tam tloa enin kino watemomabiobe.

1 Timoti 3:3

E aay misiamo mo dowoneta weng namin namin nemene! E alo mo tliaubanomone! E naka fiab bianete! Eka e naka maki weng alang wengo mo oyemene! E monio bobolo sumo mo fumbianeta gobonemene!

1 Timoti 3:8

Yesuse bainobo gabibi komokwal isa i kukubo makob bainobo galin nakaia unangai kimanin nakai kukubo nabib ina bianiba i bobol ayam fumbiam nabiba nakaia unangai yateniba I kukubo ayamobo gabibte! I dim omin weng osa mo omibe! I aay misiamo mo dowonibta gabam tol temo mimafubenota weng namin namin nimibe! I mo funanibta Ni Gode okoko okok kebob kesoa naka maki monio menganoba oisenomo ge funanimibe!

1 Timoti 6:5

I amitie dleb weng obianiba Gode bain wengo mo wentebibba kesoa i bobol tem funino misiamobe. Eka i funaniba Nibo Gode kukubo wengo wafu bioba e moni sumo misim okayemeko gabiobe. Bobol tem funin olo ayambabe.

Taitas 1:11

I Monio oisenomo ge fumbib kesoa i naka mak unang maki dim omin wengo aleyebiobe. I weng misiam olo aleyebiba naka mak unang mak isa i meletan isa i weng misiam olo wenteniba isa bobol tem misiam fumbiobe. Kobo dim omin naka eli baabeneba Weng olo deibueine ge baabenale!

Taitas 1:7

Nakai Gode okoko okok kebianiba Gode bainobo galin nakaia unangai kimanib mole i kukub ayam wafu bliba nakaia unangai i kukubo yateniba baaniba I kukubo ayamobo gabibte! I mo funanibta Ni nakaia unangai kimanin naka sumobo ge funimibe! Eka i alo mo tliaubenomone! I aay misiamo mo dowonibta gabam tol temo mima fubenota weng namin namin nimibe! Eka i awao mo genalaibe! Eka i monio bobolo mo fumbianibta Naka mak unang maki dim baabenoba Monio oisenomo ge funimibe!

1 Fita 2:8

Eka Gode buk temo weng mak osa imin baanoa Gode Dofakamin Nakae makob sbal ase ulabobe. Nakaia unangai sbal as ele dime bang bang aniba yenanamabobo genobiobe. Niminbabe, i Gode wengo mo wenteniba bainobo geim blim kesota o mitmakam ota i sbal as ele dime bang bang aniba dlo blela yenanamabobe. Sinanggwano Gode baanea I inanomabiobo genebiobe.

1 Fita 5:2

Ne weng mako ibo baabenamabio inaminobe. Gode bainobo galin naka mak unang maki makob eil sibsibi ulab kesoa ibo i kla kimaine! Ibo mo funanibta Ni denomabbiota naka maki menganiba Okok olo naine gabiobo ge fumbianibta okok kemibe! Gode baanea Ibo okok olo namine genebio kesoa ibo sbalma okok bianiba seinine! Ibo mo funanibta Ni okok olo okok kebianoba monio boka bianobte ge fumbianibta okok kemibe! Ibo Gode wengo kla goboniba wafu bianiba okok kemine!

2 Fita 1:16

Ni nib Sume Yesus Klaiste titil osa eka e imin tlamabeo weng osa baabenobbuo weng olo dim wengbabe, bain wengobe. Ni besa wengo nini bobol tem funino mo baabenobbiobabe. E titil sumo nini kino watemobbio kesota weng olo baabenobbiobe.

2 Fita 2:1

Sinanggwano naka maki Gode nakaia unangai baka bianiba baaniba Nisa Gode weng omkeimalin nakabo ge baaibbio inaniba sinanomo naka maki ib isak temo blibi baaniba Nisa Gode wengo aleyemin nakabo ge baanomabiobe. Naka eli nakaia unanga ibo baabeniba Yesuse nib hengmino mo walubeim blimobo ge oye bianiba Sume i hengmino walubenebue e wengo omdibihamomabiobe. I ina bianiba ibo dim oye biam bianiba baaniba Weng olosa Gode wengobo ge oyemomabiobe. Nakaia unangai wanita i wengo wentib mole weng olo i bainobo galino watwat dabenamabobe. I inanomabib kesoa Gode i hengmino hebmamsab yang kenea watwat dabenamabebe.

2 Fita 2:9

Gode bib olo seli watwat dabene otane e Lote mo watwat dabaim blimobe. E dobtlanebio kesoa naka mak unang maki Sume wengo kla wente bianiba kukubo e namine gabe ota nabinimibi e daabenea kukub misiamo i dimo tam tlamo dotlanamabebe. Eka nakaia unangai kukub misiamo nabib naka unang ile e tekein kebe kesoa e mo daabenemebabe. E deibenebua sinanoa mubiang amo bomanoa e nakaia unangai kukubo klanamabeo dim ota e i kukub misiamo yang kenea watwat dabenamabebe.

Futan olo Yut eta dolanebiobe. 1:11

I enin kino watemomabib kesoa klaine! I kukubo makob sinanggwano Kene Gode wengo omdibiha bianea e ninge ananebio naka esa eka Belame baanea Naka om ibo monio onib mole ne Islel nakaia unangai kukub misiamo aleyemabibo ge baanebio naka esa eka Kola esa i kukubo ulabobe. Kolae e komoke Mosese wengo omdibihabe kesoa Gode ananea kaanebiobe. Eka dim omin naka elisa Gode wengo omdibihabib kesoa Gode isa watwat dabenamabebe.

Futan olo Yut eta dolanebiobe. 1:16

Dim omin nakai ib isak temo blibi baaniba Naka maki kukub misiamo ni omkayebib kesoa i kukubo misiamobo gabianiba weng dobo weng oye bianiba eka i inamin namino wateniba bobolo wabeno mole ili bobol tem ye dlo dlo binabiobe. I ili untak ngam bianiba naka mak unang maki afobeingo bobolo wayebua dim oye bianiba oise une biam binabiobe.

Futan olo Yut eta dolanebiobe. 1:4

Naka maki Gode wengo omdibihabib otane i dim baaniba Ni naka ayamobo geniba teniba Gode bainobo gabib naka unang ib isak temo bliobe. I naka mak unang maki dim baabeniba Gode nibo daabene kesoa nibo taman kukubo namob mole e mo dosuananamabebabo geniba kukub misiam olo amitie nabinabiobe. Ina binabib naka unang eli nib Sume wengo omdibihabiobe. I bobol tem funin olo misiamobe. Yesus Klaiste elekiem eleta nib komok eka nib Sum nabe. Sinanggwano Gode buk tem wengo baanoa Ne nakaia unangai inabib ile ne i kukub misiamo nabibo yang kenia dlaia aseinin bib unomabiobo genobiobe.

Futan olo Yut eta dolanebiobe. 1:7

Ibo sinanggwano Gode Sodom bib osa eka Gomola bib osa nabonebuo funaine! Sodom bib sel isa Gomola bib sel isa eka bib mako meb meb yo sel isa i kukubo makob abisel eli kukubo ulab wafu bianiba tamano henga bianiba eka mak ole nakaia unangai deibeniba naka maki tenaniba tlan misiam habiam nabib kesoa Gode i kukub misiamo yang kenea akile kikanea daakenea bibo yo seli alukum kibaibbio kesoa naka mak unang maki tekein keniba Gode naka misiam unang misiami inanea i kukub misiamo yang kenea aso dlatounea amit eintesomabiobo gabiobe.