2 Fita 2:2 - Mian

² Naka eli bainobo galin naka mak unang maki kukub misiamo aleye bianiba baabeniba Kukub olo misiambabo, ayamobo ge oyebiba naka homon unang homoni i wengo wentubeniba isa kukub misiam olo namomabiobe. I inamibo bainobo galinba nakaia unangai bainobo galin nakaia unangai kukub olo nabibo yateniba Gode kukubo weng dobo weng owemomabiobe.

2 Fita 2:2 ပူးပေါင်းရင်းမြစ်များ

Fole Lom teni bainobo galini futano dola omfubesebe. 2:24

Ibo tekein kebiobe, ne wengo olo bainobe. Niminbabe, Gode buk tem osa baanoa Yuda naka ibo baaniba Ni Gode wengo kla wente bianoba wafubuobo gabib otane ibo Gode wengo omdibihabib kesoa Yudaba nakaia unangai yateniba Gode niniino weng dobo weng ohabiobo genobiobe.

Futan olo Yut eta dolanebiobe. 1:10

Ina otane dim omin naka eli inamin namino o mitmakamo i mo tekein kebibbao weng dobo weng owe binabiobe. I makob eila tilai bobol tem funin blimi ulabobe. I bobol temo tekein kebianiba Inamin namin kukubo misiamobo gabib otane kweimiki nabib kesoa o i bobol temo watwat dabenamabobe.

Lebelesen 13:14

Gode kulan halebe abuk tle esa imin inanea deiba bia okok homono kulan halebe sin tlebue kin dimo klabea nakaia unangai dim omin kukub olo wateniba bainobo gabiba baabenea Ibo asa inamin namino dloniba kulan halebe sin tlebue smike klaniba e niniino dobtouleb nine! Sino i skem dang dum anaibbu otane e mo kaaim blimobe. Sma afen biebo ge oyebea yatemibe.

2 Fita 2:15

I kukub ayamo deiboniba kukub misiam ota wafu blibo i makob Beoe miine Belame ulabobe. Sinanggwano Belame monio kla gobo bianea fumbianea Ne kukub misiamo nanimio naka maki ne kukub misiamo waloniba monio onine ge fumbianea ina binebiobe.

1 Fita 2:12

Ibo nakaia unangai Yesuse mo bainobo gabibbai tenaniba kweko bianiba ibo kukub ayamo nabibo nakaia unangai mo bainobo gabibbai ib kukubo yateniba obianiba Bainobo galin nakaia unangai kukubo misiamobo ge oye binib biamo sinanoa Yesuse imin tlang gameo dimo nakaia unanga eli ib kukub ayamo nabib olo bobolo funaniba Gode niniino dobtouleb bianiba baaniba Bainobo galin nakaia unangai kukubo ayam nabinibbiobo genomabiobe.

Taitas 2:8

Kobo bain wengo naka mak unang maki omkayebebo amitie oyemale! Kobo inamebo naka mak unang maki mo oke bianibta E weng olo misiamobo ge okemomabibbabe. Kobo inameb mole nakaia unangai keb weng olo omkayebebo weng dobo weng okebibi aalo waisenamabobe. Niminbabe, i tekein keniba nib wengo molot kesoa i weng misiamo imino mo baabenomabibbabe.

Abosel 24:14

i baaniba Fole Yesuse bainobo gabebo gabib ole bainobe. Ne e bainobo gabiania ni faninwali Sume Gode niniino dobtouleb biania eka Mosese hekmel weng osa Gode weng omkeimalin nakai wengo dolaibbu osa bainobo gabibe.

Abosel 16:17

Ni inanoba hetananobbua unang olo Fol ni dabwalo amitie dosileb haabianoa ngambianoa Naka eli God Sume okok nakabe. I Gode nibo hengmino temo biobo dotlanamabe wengo alebenomabiobo ge ngambianoa

Matyu 24:24

Naka homoni Gode dlakanebio nakaia unangai bainobo galino misiam omfubenomo geniba teniba dim oye bianiba maki baaniba Ne Gode Dofakamin Naka Klaist netabo gesib eka maki baaniba Ne Gode weng omkeimalin naka netabo gesib bianiba i inamin namin okok sumo klabianiba funaniba Nakaia unangai ni okok sum olo klamobo watemaibo ni bainobo gebenomabiobo geniba inamomabib otane

Lebelesen 12:9

inab ele sinanggwan inabobe. E Kulan Misiam Gululam etabe. E nakaia unangai dim wengo oyebea i bainobo gabinabib nakabe. Gode abiseli inab ele dobbiaiba daabbemanea dabalim unea e meletan isa dibiaib daak tenaiba yatemibe.

2 Fita 2:21

Nakai Yesuse kukub moloto mo tekein keim blim binib biamoi enin kino watemomabib otane ole mensabe. Otane nakai Yesuse hekmel wengo moloto tekein kebianiba omdibi binib biamo ile i enin kino dot sum watemomabiobe.

Taitas 2:5

ib bobol tem funin ayam osa kukub ayam osa kla wafueine! Ibo bobol tem misiamo mo funanibta Ni imakwali deibenoba naka elita taman deib dletnine ge fumbianibta mo inamibe! Ibo ib amo okoko kla okok kebianiba eka naka mak unang maki daaye bianiba ib imakwali wengo kla wente biam bliba naka mak unang maki ib kukubo nabibo yateniba Gode weng dobo wengo ohamino deibueine ge baabeine!

1 Timoti 5:14

I inamomabib kesoa ne funania Unang souwali imakwali kaabeibbue ile imakwali imin dloniba memei yobianiba i am osa meme isa kla kimanine gabibe. I inaib mole bainobo galinba nakaia unangai nibo mo baabenibta Bainobo galin nakaia unangai kukubo misiam nabiobo ge baabenomabibbabe.

Abosel 19:9

naka maki amitie halengkaba tlebianiba Weng olo bainbabo ge obianiba moniba minamin baan dim ye unaniba obianiba Yesuse kukubo misiamobo galib kesoa Fole deibenea e bekebi bainobo galini dlebnea moniba Tilanase aleyemin am tam bianiba am obba ye bomanomo bomanomo yo dimo Gode wengo aleyebea

Abosel 18:26

E ina bianea monea Yudai Gode amo temo une bianea Yesuse wengo sbalma omkeimabea Akwila kamwali e wengo wentemib kesoa debeb taniba i am tam unaniba Yesuse wengo mako e mo tekein kebebao alebaiba tekein kenea

Abosel 14:2

Yudai maki bainobo gabibbai dim wengo omsiba Yudabai dim weng olo wenteniba i Fole Banabase i dab i wengo mo wentubeim blim deibesiobe.

Abosel 13:10

Gululame miin kobo kukub ayamo omabbuna binabeobo, kobo dim omin nakabe. Inamin namin kukub misiamo nabianeba dim omin kukub ota amitie wafu bianeba Gode wengo baanobuo deiboneba deskinaneba afet obinabeb

Dowan Weng Olo Yone Dolanebuotabe. 14:6

Yesuse Tomase ni sinwalo baabenea Gode bib unemin deib ele nenekiem nenetabe. Nakai deib afete moniba ne Ay esuo onamino blimobe. Eka weng bain omino kukub osa eka afenin kukub osa o mitmakamo netabe.

Dowan Weng Olo Make Dolanebuotabe. 13:22

Naka homoni Gode dlakanebio nakaia unangai bainobo galino misiam omfubenomo geniba teniba dim oye bianiba maki baaniba Ne Gode Dofakamin Naka Klaist netabo gesib eka maki baaniba Ne Gode weng omkeimalin naka netabo gesib bianiba i inamin namin okok sumo klabianiba funaniba Nakaia unangai ni okok sum olo klamobo watemaibo ni bainobo gebenomabiobo geniba inamomabib

Dowan Weng Olo Make Dolanebuotabe. 12:14

teniba baabaniba Aleyemin Naka kobo ni tekein kebuobe, keb wengo molot ota obianeba eka Gode wengo kla aleye biam binabeobe. Kobo mo fumbianebta Ele kimanin nakabe, eka elile kimanin nakababe gabinabebbabe. Kobo i wengo makob omkaye binabeb kesoa kobo fatnangge fumbebe? Nib hekmel wengo mo baanoa Nib takis monio Lomo komok sume Sisa eta olaline genobua bleka? Ni olaloma bleka deibanomo? gesiba

Matyu 22:16

ili okok aleyemin naka mak isa Helote meletani mak isa i dlaiba moniba Yesus esu unaniba baabaniba Aleyemin naka kobo ni tekein kebuobe, keb wengo molot ota obianeba eka Gode wengo kla aleye biam binabeobe. Kobo mo fumbianebta Eli kimanin nakabe, eka elile kimanin nakababe gabinabebbabe. Kobo i wengo makob omkaye binabeb kesoa

Matyu 7:14

Nakaia unangai amit nin bibo unom gaibo bib olo amito gwabobe. Eka o deib esa gwab na kesoa bumolok bianibta tam unine! Deib ele afen smik bib deibobe. Nakaia unangai elekiem olokiem ita tam une binabiobo ge baabesebe.

Lebelesen 13:8

Nakaia unangai dabalimo blibi i niniino Gode dabale mo klaim blim bianea buko klanebuo temo mo bibebiobai kulan haleb ele niniino dobtouleb nomabiobe. Buk olo eil sibsib mene i anaiba kaanebue bukobe. Nakaia unangai i niniino buk olo temo bibebue ita amit nomabiobe. I kulan halebe niniino mo dobtouleb nomabibbabe.

2 Fita 2:12

Ina otane dim omin naka eli inamin namino mo tekein kebibbao weng dobo weng owe binabiobe. I bobol tem funino makob eil halebi bobol tem funino ulabobe. Gode naka eli makob nakai eil halebi bumoniba yenaiba kaanabib inanea yenanea kaanomabiobe.

Abosel 22:4

Ne sino nakaia unangai mema wengo wentebibi enino omkaye biania eka maki yantou biania maki klabut gengka biam binibiobe.

2 Fita 2:7

Eka Lot ele naka molot kesoa Gode e mo watwat dabaim blimobe. Lote bib olo seli taman kukubo wafu blibo yatenea e bobolo ilum omfubabiotabe.

2 Fita 2:18

I ili untak ngambianiba wengo mitmakam blimo obiam bianiba taman kukub osa kukub misiamo afet osa o bobolo fumbianiba nakaia unangai kukub misiamo deibueibbuei men weng men weng oye bianiba kukub olo misiambabo, nibo namomo ge oye biam bliobe.

Futan olo Yut eta dolanebiobe. 1:4

Naka maki Gode wengo omdibihabib otane i dim baaniba Ni naka ayamobo geniba teniba Gode bainobo gabib naka unang ib isak temo bliobe. I naka mak unang maki dim baabeniba Gode nibo daabene kesoa nibo taman kukubo namob mole e mo dosuananamabebabo geniba kukub misiam olo amitie nabinabiobe. Ina binabib naka unang eli nib Sume wengo omdibihabiobe. I bobol tem funin olo misiamobe. Yesus Klaiste elekiem eleta nib komok eka nib Sum nabe. Sinanggwano Gode buk tem wengo baanoa Ne nakaia unangai inabib ile ne i kukub misiamo nabibo yang kenia dlaia aseinin bib unomabiobo genobiobe.

Futan olo Yut eta dolanebiobe. 1:7

Ibo sinanggwano Gode Sodom bib osa eka Gomola bib osa nabonebuo funaine! Sodom bib sel isa Gomola bib sel isa eka bib mako meb meb yo sel isa i kukubo makob abisel eli kukubo ulab wafu bianiba tamano henga bianiba eka mak ole nakaia unangai deibeniba naka maki tenaniba tlan misiam habiam nabib kesoa Gode i kukub misiamo yang kenea akile kikanea daakenea bibo yo seli alukum kibaibbio kesoa naka mak unang maki tekein keniba Gode naka misiam unang misiami inanea i kukub misiamo yang kenea aso dlatounea amit eintesomabiobo gabiobe.