1 Yon 5:3 - Mian

^3-4 Nibo Gode goba biob mole nibo e hekmel wengo wafunomabbiobe. Gode melel nibo alukum titilsa kesoa nib bainobo galino sbal manoba dabalim olo inamin namin kukub misiamo deibonoba gaisonobbiobe. Inanobbio kesoa nibo Gode hekmel wengo wafu biobo bumolokbabe.

1 Yon 5:3 ပူးပေါင်းရင်းမြစ်များ

Matyu 23:4

I kukubo inaminobe. I makob naka maki i okok nakai afobeing abilo bebeiba oleb bebib biamo i mo funanibta I afobeingo abil ye kiblib yole nibo daabenomo genimibbabe. I inamin namino imin oleb teniba tib buye binabibi ulabobe. I ibo baabeniba Inamin namino inaine genimib otane imalo mo daabenimibbabe. I inamin namin wengo imin baa omeb wat tibta tibta bianiba omkaye binabiobe.

Dowan Weng Olo Yone Dolanebuotabe. 14:15

Yesuse e okok aleyemin naka ni imin baabenea Ibo ne gotneib mole ne hekmel wengo sino baabeibuo kla wafunomabiobe.

Dowan Weng Olo Yone Dolanebuotabe. 15:10

Ibo inaniba nene weng baanimi iwat namib mole ne ibo amitie kla gobenamabibe. Nesa sino inania ne Aye ele weng baaneme iwat ina biania e ne gotne bie kukubo bobolo kla fumbinibiobe.

Dowan Weng Olo Yone Dolanebuotabe. 15:14

Ibo makob nene baabei biamo iwat namib mole ibo ne ninekobe.

Fole Lom teni bainobo galini futano dola omfubesebe. 7:12

Ne inaibio kesoa hekmel wengo Mosese buk temo dolanebuo bain wengobe. Gode weng olo Mosese omalebio kesoa o weng molot ayamobe. Ne kukub misiamo namin nakabe.

Fole Lom teni bainobo galini futano dola omfubesebe. 7:22

Niminbabe, ne Gode hekmel wengo kla wafunin kukubo bobolo wanebobe.

Hiblu 8:10

Nib Sume imin baanea Am olo blimanoa omito ne weng mako Islel nakaia unangai omyenia Ibo ne weng olo wafueine ge baabenia weng olo i bobol temo omabbebeia i amitie weng olo fumbianiba ne baatneniba God kobo ni sumobo genabiba eka nesak i baabenia Ibo nemiobo genanamabibe.

1 Yon 2:3

Nibo Gode hekmel wengo wafu biob mole nibo tekein kenoba ni bain Gode meletanobo genomabbiobe.

2 Yon 1:6

Gobenin kukubo mitmakamo enaminobe. Nibo Gode hekmel wengo kla wafunomo! Eka ibo Gode hekmel weng olo sino wente binibbu osa memalo wentebib osa o enaminobe. Ibo naka maka unang maki gobeine getabe.