1 Yon 5:18 - Mian

¹⁸ Nibo tekein kebuobe, Gode memei hengmino amito mo hengabibbabe. Niminbabe, Gode miine i kla kima bie kesoa Naka Misiame i kukub misiamo mo omyamebabe.

1 Yon 5:18 ပူးပေါင်းရင်းမြစ်များ

Matyu 5:37

Inamin kesoa ibo baaniba Ae genimibo bain inamine! Eka ibo Yeye genimibo bain yota inamine! Inamin namin weng afeto obianiba Gode niniino taisanamin ole naka misiame data tlebobo ge baabesebe.

Matyu 6:13

Gululame tenea menganea baabenea Ibo inamin namin kukub olo naine genemeo kobo e mo deibanebta ni dlamanemene! Kobo ni kla daabeneba ni mo henganomobe ge baaniba beten keine!

Dowan Weng Olo Yone Dolanebuotabe. 1:13

Gode meme anamin kukubo enaminobe. I aaleb kamwali imino mo okok kebianibta dlaim blimobe. Eka i dabalim nakai bobol tem funin osa mo dlaim blimobe. Gode emaye ele bobol tem funin ota nakaia unanga eli dlanea i e meme aibbiobe.

Dowan Weng Olo Yone Dolanebuotabe. 14:30

Dabalim olo kukubo komoke Gululame ne nananang genea meb tlebio kesoa ne dabalim olo amito mo bianita ibo weng homono mo oyemabibabe. E ne kukub misiamo omnenamin titilo blim otane ne e nananamino mo watanimibabe.

Dowan Weng Olo Yone Dolanebuotabe. 15:4

Tungo afeta teleb wat danomo yamo mo balinomobabe. Damo dim wat bela tamanomota yamo balinamabobe. Ibsa inaminobe. Ibo ne dim wato mo tamaim blim keib mole ibo mo sbal manibta ne okoko klayamo mo okok kemomabibba kesoa ibo ne dim wat tamaiba eka nesak ib bobol tem wat onanano!

Dowan Weng Olo Yone Dolanebuotabe. 15:7

Ibo ne dim wat tamaniba ib bobol tem funino ne bobol tem funino ulab aniba ne wengo ib bobol tem wato kla omabba bianiba Gode baabaniba Kobo inamin namin olo nabenale ge baababaib mole e bain inabenamabebe.

Dowan Weng Olo Yone Dolanebuotabe. 15:9

Ne Aye ne kla gotne bie inania nesa ibo kla gobe bli kesoa ibo funaniba E ni kla gobe biebo geniba nene weng baanimi iwat namine!

Abosel 11:23

bainobo galin nakaia unangai Antiok bibo blibi Gode daabe bie kesoa Banabase yatemnea seimbianea baabenea Ibo Sume bainobo galino sbalma wafueine ge baabesebe.

Yems 1:18

Gode emaye ele bobol tem funanea Ne weng ayamo i bobol temo omabbebeia i bainobo geine ge funanea inanea nibo e melel ananobbuo makob imen sano dolmanobbua mikiktemo elekiem elekiem damanoa omito alukum damanabo inaminobe. Nibo sin e bainobo genobta mitdata naka mak unang mak isak bainobo genomabiobe.

Yems 1:27

Nibo kukub ayamo nanoba nib Aye Gode funanea I kukubo ayamobo genamabeo inaminobe. Nibo meme maki awok aaloki kulilubeibbua aban biaib isa eka unangi imakwali kaabeibbua soson biaib isa kla kima bianoba kukub misiamo takabonoba Gode niniino dobtouleb nomob ota Gode funaneta Ib kukubo molotobo genamabebe.

1 Fita 1:23

Ib aywal isa biemwal isa ibo dlaibbuo dimo i tekein keniba Sinanomo ni meme eli kaanomabiobo geibbiobe. Ina otane Gode afen smiko memao omyameo ibo mo kaanimibbabe. Amit nomabiobe. E wengo ayam kesoa mo blimanomobabe. Amit namabobe. Ibo e wengo bainobo gabibo e afen smike memae ibo dobyebio kesoa amit nomabiobe.

1 Yon 2:29

Ibo tekein kebiobe, Yesuse naka molotobe. Inamin kesoa nakaia unangai kukubo moloto wafu binabib ile Gode melelobe.

1 Yon 3:12

Kene nanebio yo nibo mo inamobe! E Naka Misiame meletan aneta ele ninge ananea kaanebiobe. E nimin keneta e ninge ananeta kaanebue? Niminbabe, e kukubo nabeo misiam anoa eka e ninge kukub ota molot ano kesoa e watemnea atliaubasota ananeta kaanebiobe.

1 Yon 3:3

Nakaia unangai Yesuse tlamabeo waisa blib naka unangi baaniba Yesuse bain ye tlea ni atemomabbiobo geniba i kukub misiamo deiboniba makob Yesuse kukub ayamo wafu binabe inaniba isa kukub ayam ota wafu bliobe.

1 Yon 3:9

Nakae waneta Gode miin am bie naka ele hengmino mo hengabebabe. Niminbabe, e Aye Gode mit deib unaneta e hengmino deibo biebe.

1 Yon 4:6

Otane nibole Gode meletanobe. Nakaia unangai Gode tekein kebibi nib wengo wentebib otane nakaia unangai Gode tekein kebibba ile nib wengo mo wentebibbabe. I inabib kesoa nibo tekein kebianoba Ele Hob Moton etabe, eka elele dim omin hob etabe gabianoba tekein kebuobe.

1 Yon 5:1

Nake waneta baanea Yesuse bain Gode Dofakamin Nakabo gabe mole e Gode miinobe. Eka waneta aalebe goba bie mole e melel nibsa gobe biebe.

1 Yon 5:15

Nibo tekein kebuobe, nib wengo Gode ohabobo wentebe kesoa nibo oha bianoba Kobo ni inamin namin kukubo daabenale gabobo e bain inanea daaye binabebe.

1 Yon 5:19

Nibo tekein kebuobe, nibo Gode meletan otane Naka Misiame nakaia unangai Gode mo bainobo gabibbai alukum kima biebe.

1 Yon 5:20

Eka nibo weng mak osa tekein kebuobe, Gode miine tenea nibo tekein kemino omye kesoa nibo obianoba Gode motonobo gabuobe. Eka nibo afen smike amit nine mitmakame God esa e miine Yesus Klaist esa i baka biobobe.

1 Yon 5:21

Ne meme ibo inamin namin kukubo tenoa Gode ib bobol temo bibe bie dobblang kebenomo kesoa ibo kukub olo namino deibueine! Ne wengo bayotabe. Ne Yon neta ib futan olo dola omfubenamabibe.

Futan olo Yut eta dolanebiobe. 1:21

Gode ibo kla gobe bio bobolo mo dokobenomone! Ibo olo amitie fumbianiba nib Sume Yesus Klaiste imin tlamabeo waisanine! E ibo dohalimbe kesoa e imin tlameo ibo kukub ayamo omya ibo afen smike doboniba amit nomabiobe.

Futan olo Yut eta dolanebiobe. 1:24

Nibo Gode niniino dobtouleb nomo! Elekiem eleta nib Sume Yesus Klaiste dabane daakenea atdimo kaanea nibo hengmino temo biobo dotlanebiobe. Komok Sum ele e titilo ayal inamin einea inamin namino alukum kima biebe. E titilo dot beselib kesoa nibo e niniino amitie dobtouleb nomo! E sinanggwano binabebua memalosa biebe. Sinanomosa biamabebe. E ibo kla kimanea hengmino mo henganimibbabe. E dleb utnea e bib ut danea ibo hengmino blimubenoa kining aniba seinomabiobe. Bainobe. Ne wengo bayotabe. Yut neta ib futan olo dola omfubenamabibe.

Lebelesen 2:13

Ne ib bibo tekein kebibe. Gululame ib bib olo komok ambia ibo bib olo seli kukub misiamo watemib otane ibo sbal maniba ne niniino nemtouleb bianiba bainobo gabianiba ib bainobo galin olo mo deibueim blimobe. Sino ne inamin namino nabio wengo omkeimalin nakae niniino Antifase ib tem nabianiba e ne okoko sbalma wafu bia o dafao bib olo seli anaiba kaanebio dimo ibo yatemib otane ne niniino mo omwatneim blimobe.