1 Yon 2:18 - Mian

¹⁸ Ne meme ibo dabale blimanamabeo amo meb tlobe. Ibo wentebiba i baaniba Naka make Ne Gode Nemfakamin Nakabo ge obianea dim obinabe nakae tlamabebo geibbuo ibo tekein kebiobe. Sino dim omin nakai homoni teniba baaniba Ni Gode Dlakamin Nakabo geibbio kesoa nibo tekein kebuobe dabale blimanamabeo amo meb tlobe.

1 Yon 2:18 ပူးပေါင်းရင်းမြစ်များ

Matyu 24:11

eka naka homoni dim wengo omkeimalin nakai teniba i dim omin wengo omkeimansiba nakaia unangai homoni i wengo wenteniba bainobo gabiam nabiba

Matyu 24:24

Naka homoni Gode dlakanebio nakaia unangai bainobo galino misiam omfubenomo geniba teniba dim oye bianiba maki baaniba Ne Gode Dofakamin Naka Klaist netabo gesib eka maki baaniba Ne Gode weng omkeimalin naka netabo gesib bianiba i inamin namin okok sumo klabianiba funaniba Nakaia unangai ni okok sum olo klamobo watemaibo ni bainobo gebenomabiobo geniba inamomabib otane

Matyu 24:5

Niminbabe, naka homoni teniba ne niniino taitneniba baaniba Ni Gode Dofakamin Naka nitabo ge oyebiba naka homon unang homoni i wengo wenteniba bainobo galomabib otane ibole i wengo mo wentaibe!

Dowan Weng Olo Make Dolanebuotabe. 13:6

Naka homoni teniba ne niniino taitneniba baabeniba Ni Gode Dofakamin Naka nitabo ge obiba naka homon unang homoni i wengo wenteniba bainobo galomabib otane ibole i wengo mo wentaibe!

Dowan Weng Olo Yone Dolanebuotabe. 21:5

e nganabenea Ten nakao, ibo aningi mo dlibo? gesea ni baabanoba Yeye gesoba

Fole Lom teni bainobo galini futano dola omfubesebe. 13:11

Ibo inamin namin kukub olo ne baabei yota namine! Niminbabe, nibo mema bainobo genob dimo Gode nibo dlamabe amo meb an binobu otane memalo am olo dot meb ano kesoa ibo aalanino deiboniba hananiba klaniba waiso nine! Ibo olo tekein kebiobe.

Fole Lom teni bainobo galini futano dola omfubesebe. 13:12

Mema dim olo makob kwinoa mililanobiobe. Yesuse tlame dim ole makob bomanamabobe. Mema dim olo kwinamino unoa bomanamino tenamino meb anobio kesoa nibo inamin namin kukub misiamo mililambua ayok nabobo deibonoba inamin namin kukub ayamo tab dim kukubo nakaia unangai watemomabib ota nabianoba kukub misiamo tenanoba awa genalomo!

Hiblu 1:2

Otane memalo mubiang amo bomano dim olo e miine e wengo omalea eka esak weng olo nibo omyebe. Sinanggwano Gode e miine baabanea Kobo abil esa dabal esa inamin namin osa alukum klanale ge baabanea e klanebiobe. Gode e dofakanea Ne inamin namin olo doklamabibo genebio kesoa e dlalamabebe.

1 Fita 1:20

Sinanggwano Gode dabal esa abil esa inamin namin osa mo klaim blim bianea e Yesuse sin dofakanea funanea Sinanomo e dabaia daaknea nakaia unangai daabeneko ge funanebua memalo mubiang amo meb tebio kesoa e tlea nakaia unangai atemibbue ibo daayebea

1 Fita 1:5

Ibo Gode bainobo galino sbalma blib kesoa e titilo ibo kla kima bia sinanomo dleb utnea abilim ut danea amit ayam nomabiobe. Memalo ibo abilimo mo watemin blim otane sinanoa Yesuse imin tlameo dim ota watemomabiobe.

1 Fita 4:7

Mubiang amo meb tebio kesoa ibo bobol temo klayam fumbianiba kukub ayam nabiam bianibte! Ibo inanimibo Gode kla beten kehamomabiobe.

2 Fita 2:1

Sinanggwano naka maki Gode nakaia unangai baka bianiba baaniba Nisa Gode weng omkeimalin nakabo ge baaibbio inaniba sinanomo naka maki ib isak temo blibi baaniba Nisa Gode wengo aleyemin nakabo ge baanomabiobe. Naka eli nakaia unanga ibo baabeniba Yesuse nib hengmino mo walubeim blimobo ge oye bianiba Sume i hengmino walubenebue e wengo omdibihamomabiobe. I ina bianiba ibo dim oye biam bianiba baaniba Weng olosa Gode wengobo ge oyemomabiobe. Nakaia unangai wanita i wengo wentib mole weng olo i bainobo galino watwat dabenamabobe. I inanomabib kesoa Gode i hengmino hebmamsab yang kenea watwat dabenamabebe.

2 Fita 3:3

Ibo olo tekein keine! Mubiang amo bomanang gamo dimo weng dobo weng omin naka eli teniba ili bobol tem funin misiamo wafu bianiba

1 Yon 2:22

Dim omin naka ele wanete? Nakae baanea Yesuse Gode Dofakamin Nakababo geneme naka eta dim omin nakabe. E Gode miine mo bainobo gabeba kesoa e Aye God esa mo bainobo gabebabe. Naka ele Ne Gode Nemfakamin Nakabo ge obianea dim obinabetabe.

1 Yon 4:1

Ne nekwal ibo hobe weng omkeimalin nakai homoni moniba bib mak bib mako haabianiba nakaia unangai baabeniba Hobe ni bekebe biebo gabianiba inamin namin wengo oyemibo ibo weng olo hebmamsabo mo bainobo genimibe! Ibo i wengo naateniba tekein keniba weng olo bain Gode Hobe weng bleka dim omin hobe weng eso geniba moton manibte!

1 Yon 4:3

Ina otane nakae baanea Yesuse Gode Dofakamin Nakababo, e mo daak tenea dabalim olo naka nebiobabo gene mole e hob ele Gode Hobbabe. Hob ele nakae Ne Gode Nemfakamin Nakabo ge obianea dim obinabe hobobe. Sino i baaniba Naka make Ne Gode Nemfakamin Nakabo ge obianea dim obinabe nakae tlamabebo ge baaiba wentibbuo memalo dimo hob ele tenea dabalim ele biebe.

2 Yon 1:7

Dim omin nakaia unangai homoni moniba bib mak bib mak olo unebibi nakaia unangai mo oye bianibta Yesus Klaiste daak tenea dabalim olo naka nebiobo galin wengo mo omkayebibba kesoa naka eli Ni Gode dlakamin Nakabo ge obianiba dim obib itabe.

Futan olo Yut eta dolanebiobe. 1:18

I sino ibo enangge baabeniba Mubiang amo bomanang gamo dimo naka mak unang maki bainobo gabibbai teniba Gode ib sinwalo tlaye bianiba aben giye biam bianiba Gode wengo omdibiha bianiba ili bobol tem funin misiam ota wafu bianiba kukub misiam olo namomabiobo ge baabeibbiobe.