1 Yon 1:10 - Mian

¹⁰ Gode baanea Nakaia unangai alukum hengmin gamobo genebio kesoa nibo baanoba Ni hengmino blimobo genob mole weng olo mitmakamo makob nibo baanoba Gode dim omin nakabo ge baabanomabbio kesoa e wengo nib bobol temo mo bibe biobabe.

1 Yon 1:10 ပူးပေါင်းရင်းမြစ်များ

Dowan Weng Olo Yone Dolanebuotabe. 3:33

Nakaia unangai Yesuse wengo wenteniba bainobo gabibi tekein keniba Gode weng osa motonobo gabiobe.

Kolosi 3:16

Ibo Klaiste wengo kla wente bianiba ib bobol tem daako omabba bianiba fumbianibte! Ibo inamib mole e wengo kla tekein keniba ib sinwalo alebesese bianiba dlo klasese nomabiobe. Ibo e wengo kla fumbianiba Gode gangobo gabianiba komok sume Debite Gode buk temo anso dolanebu osa eka lotu kemin ans osa eka Gode Hobe anso ibo omkayebe osa ngambiam nine!

1 Yon 1:8

Nibo baanoba Ni hengmino blimobo genob mole ninib bobol tem funin ota dim obuobe. Weng motono nib bobol temo blimobe.

1 Yon 2:14

Ne meme ibo Aye kla tekein kebib kesoa ne futan olo ibo dola omfubenamabibe. Aywal ibo Klaiste dabale mo klaim blimo dimo binebue tekein kebib kesoa ne futan olo dola omfubenamabibe. Naka tembal ibo sbal mabliba Gode wengo ib bobol temo bibebua ibo Naka Misiame titilo gaisaibbio kesoa ne futan olo ibo dola omfubenamabibe.

1 Yon 2:4

Naka make baanea Ne Yesuse tekein kebibo geneme otane e Gode hekmel wengo mo wafunim blim kene mole e dim omin nakabe. E Gode moton wengo e bobol temo blimobe.

1 Yon 4:4

Ne meme ibo Gode meletan kesoa ibo dim weng omkeimalin nakai wengo omabbubeibbiobe. Niminbabe, Hobe ib bobol temo bibe bie e tata kenea hob afete dabalim nakaia unangai bekebe bie gaisanebiobe.

1 Yon 5:10

Nakae waneta Gode e miine weng sango baabenebio wente bianea baanea Weng olo motonobo geneme nakae e kla tekein kebianea Yesuse bain Gode miinobo gabebe. Ina otane naka make Gode e miine weng sango baabenebio wentenea e mo bainobo geim blim kene mole kukub olo makob e baanea Gode dim omin nakabo genamabebe.

2 Yon 1:2

Niminbabe, Gode moton wengo nib bobol temo bibe bio amitie bibenamabobe.