1 Kolin 9:1 - Mian

¹ Naka maki obianiba Ni Fole wengo mo wentaobbabo ge onebib otane ibole ne weng olo wentine! Ne Yesuse okok namasanin naka kesoa ne inamin namino nemaye kima biania okok kebibe. Naka maki ne baatneniba Kobo inanale genamino blimobe. Ne nib Sume Yesus Klaiste atemnia e wengo ibo omia wenteniba bainobo geibbio kesoa ibo tekein kebiobe, ne weng olo bain wengobe.

1 Kolin 9:1 ပူးပေါင်းရင်းမြစ်များ

Abosel 9:17

Ananaiase wentenea monea Yudase niniin aseke amo Sole bie tam unanea e kweilo Sole tebelubanea baabanea Ne nek Sol kobo deib tama deib tebianeba nib Sume Yesuse atemebbue emaye nemaneta tlibo keb kino webiabkenoa Gode Hobe dabanea daakenea keb bobol tem daak unubkeneko gesea

1 Timoti 2:7

E inangge fumbe kesoa ne baatnenea Kobo moneba bib mak bib mak olo nakaia unangai Yudabai ne weng olo omkayemale ge baatnenebiobe. Ne weng olo dimbabe, bainobe. E ne nemanea monia naka mak unang maki Yudabai e moton wengo aleye bia i e weng ayam olo wenteniba bainobo genomabiobe.

1 Kolin 3:6

Ni okoko makob nakai dango dikilanabib inaminobe. Ne Gode okoko omnebuo okok kebiania Gode wengo ibo sin omyibiobe. Ne okok olo inaibuo makob imen sano dolmaibiobe. Eka Abolos ele ne abuk tenea okok kebianea Gode wengo ibo aleye binebio kesoa kukub olo makob e damib olo aliamo betelanebiobe. Ni okok olo inanoba okok kebob otane Gode emaye e bobol tem funin ayamo ibo omkayebea ibo e wengo kla wente bianiba bainobo geniba bobol ayam fumbinibbuo kukub olo makob Gode emaye imen olo daabonea ayam utlanoa damo damanobiobe.

Abosel 23:11

bia kwinoa Sume tenea esu ele manea baabanea Fol kobo mo tosianemebe! Sbal manale! Kobo Yelusalem bib ele bianeba ne wengo omkaye binebta Lom bib ole mit monebta ne wengo omkayemale ge baabasebe.

Abosel 9:3

e ometnea monea Damaskas bib asak ye bebea ayal sume abilim ut danea bomatowanea daakenea Sole ge dofakasea

1 Kolin 9:19

Ne naka make mo kima bieta e okoko besao mo okok kehabibabe. Ne inamin namin okoko nemaye kima biania okok kebibe. Ina otane ne funania Ne makob nakae naka make kima bia e naka ele okoko besa okok kehabe inania nesa nakaia unangai daaye bia i Yesus Klaiste wengo wenteniba bainobo geine ge funania inabibe.

2 Timoti 1:11

Eka Gode ne baatnenea Kobo ne dowan weng ayam olo nakaia unangai omkaye bianeba weng olo mitmakamo aleyemale ge baatnenea nemanea tenia

Galesia 5:1

Klaiste nibo daabenebio kesoa nibo Mosese hekmel wengo mo wafu biobbabe. Memalo nibo Klaiste weng ayamo wafu biob ota sbalma wafunomo! Naka maki ibo baabeniba Mosese hekmel weng ota wafueine ge baabenimibo ibo i wengo mo wentubenimibe! Niminbabe, ibo i wengo wentubeniba inaib mole ibo makob nakai sino klabutam biniba klabuto blimubenomo otane imin klabut anabib inanomabbiobe.

2 Kolin 6:1

Ni okoko God ete na okok kebob kesoa ni weng mako ibo baabenomabbiobe. Ibo mo funanibta Gode ni daaye binabe kukub olo besabo ge funimibe! Ibo e okoko amitie okok kemine!

Fole Lom teni bainobo galini futano dola omfubesebe. 1:1

Ne Fol neta bainobo galin nakaia unangai Lom bibo blib ibo futan olo dola omfubenamabibe. Ne Yesus Klaiste okok naka netabe. Gode ne nemfakanea baatnenea Kobo ne okok kamasanin naka kemfai kesoa kobo ne dowan weng ayamo nakaia unangai omkayemale ge baatnenebiobe.

Galesia 1:1

Ae bainobo galin nakaia unangai Galesia betano blib ibo ne Fol neta futan olo dola omfubenamabibe. Nakai ne mo nemfakanibta baatnenibta Kobo Gode wengo naka mak unang maki omkayemale ge baatneim blimobe. Eka Gode naka make mo baabaneta Kobo Fole dofakaneba baabaneba Kobo Gode okok kamasanin nakaneba Gode wengo naka mak unang maki omkayemale ge baabanale ge baabaim blimobe. Yesus Klaist esa eka nib Aye Gode Yesuse kaaneo imin dofaanea hananebio naka esa imaye nemfakaniba baatneniba Kobo ni okok kamasanin nakaneba ni wengo naka mak unang maki omkayemale ge baatneibbiobe.

1 Tesalonaika 2:6

Ni ibo mo baabenobta Ibsa naka mak isa ni niniino dotouleb nine galin weng osa mo baabeim blimobe.

2 Kolin 11:5

Naka eli baaniba Ni Yesuse okok dlasanin nakabo gesiba ibo funaniba I naka sumobo gabib otane ne funania I ne mo gaitneim blimobo gabibe.

1 Kolin 1:1

Gode Fol ne nemfakanea baatnenea Kobo Yesus Klaiste okoko okok kemale ge baatnenebio kesoa ne Yesus Klaiste okok namasanin nakabe. Sostenise ne beketne biebe. E Yesus Klaiste bainobo galin naka kesoa e ne nekobe.

Fole Lom teni bainobo galini futano dola omfubesebe. 11:13

Yudaba ibo wentine! Gode ne nemfakanea baatnenea Kobo moneba Yudaba nakaia unanga isu unaneba ne wengo omkayemale ge baatnenebiobe. E inangge baatnenebio kesoa ne seimbiania okok olo sbalma biania okok kebiania

Fole Lom teni bainobo galini futano dola omfubesebe. 1:5

Gode Yesus Klaiste baabanea Kobo Fole daabaneba bobol tem funin ayamo omaleba e ne okok dabasanin nakaneko genea Yesus Klaiste inanea ne daatnene kesoa ne e okok namasanin nakabe. E inanea ne nemfakanebio kesoa ne funania Ne e dowan wengo ometnia monia bib mak bib mako Yudabai alukum omkayebia i e wengo wenteniba kla wafuniba e niniino dobtouleb nine gabibe.

Abosel 14:14

Folwala Banabaswalai wenteniba inamin kukubo deibueibbabo ge funaniba i youmo baa dibianiba blublu teniba nakaia unangai isak daak maniba baabeniba

Abosel 14:4

i bobol tem funino asu omfaniba belalananiba maki baaniba Yudai weng ota motonobo gesib eka maki baaniba Yesuse okok dlasanin nakai weng ota motonobo gesib monsiobe.

Abosel 13:2

am mak dimo bainobo galin nakaia unangai miniba imeno hala bianiba Gode amitie nganha bianiba e niniino dobtouleb bliba Gode Hobe baabenea Ibo Sole Banabase i dabo dlakaibta ne okoko okok kemine gesea

Abosel 9:15

Sume imin baabanea Kobo one! Ne naka ele ne okok naka dofakaia e ne okoko okok kebianea ne wengo omeb monea nakaia unangai Yudaba isa eka bib mak bib mak seli komokwal isa eka Islel ten isa omkaye bianamabebe. Ne Sole baabania Kobo ne niniino omkeimamebo dafao naka maki teniba enin kino omklomabiobo ge baabanamabibo gesea

Abosel 9:5

Sole baanea Sum kobo wankebte? gesea

1 Kolin 10:29

Nakaia unangai maki ib isak temo blibi funaniba Smiki kulani dowonamino misiambabo geiba eka maki funaniba Kukub olo misiamobo, ni mo dowonaobbabo genanomabib kesoa nakai ne kulani donaibo ne mo kil baanita Kulan eli smiki kulan bleka kulan afeto? genabibabe. Ne imblia wembinabibe.

1 Kolin 10:30

Ne imen osa kulan osa dowonang gamio ne Gode gangobo gebaia e titilo daatnenoa dowonamabi kesoa ne kukub olo ayamobe. Ne inaia naka make baatnenea Keb kukub olo misiamobo ge baatnene mole e bobol tem funin olo misiamobe.

1 Kolin 11:16

Otane naka maki ib isak temo blibi weng olo wenteniba i mo gobonim blim kenimib nakai kla wentine! Yesuse okok dlasanin naka nisa eka Gode meletani Yesuse bainobo galin nakaia unangai bib mak bib mak olo blib isa ni alukum kukub olo inabuobe.

2 Kolin 10:7

Ibo ne okoko wengo inangge onebibo ibo ne aal tib olota natenibta obiobe. Ne weng mako ibo baabenamabio kla wentemine! Naka make baanea Klaiste titilo ne omnebiobo gene mole olo klayamobe. Gode titilo nisa omyebiobe. Ibo olo mo dokobenomone!