1 Kolin 8:9 - Mian

^9-10 Ina otane ibo nakai kulani yena dleb te funiba smiki dokayebibo besabo ge baaniba dowom gib mole kla funanibte! Ibo inasiba bainobo galin naka mak unang maki i bainobo galino klao mo sbal maim blim blibi fumbianiba Ni nakai kulani yena dleb te funiba smiki dokayebibo dowonaobo kukub olo misiam kesoa ni halanomo ge fumbib otane tekein kebib ibo baaniba Nakai kulani yena dleb te funiba smiki dokayebibo unalin kukubo mitmakam blim besabo ge baaniba doweiba i yateniba isa inaniba doweib mole kukub olo misiamobe. Niminbabe, i funaniba kukub olo misiamobo ge fumbib otane i dowonomabib kesoa kukub misiam olo ib sanobe.

1 Kolin 8:9 ပူးပေါင်းရင်းမြစ်များ

Matyu 18:10

Yesuse baabenea Wentine! Ibo meme gwab eli mo misiam doka bianiba funaniba I besa nakabo galaibe! Niminbabe, i kimanin nakai abiseli abilim uto ne Aye bekeba bianiba ateme binabiobe.

Fole Lom teni bainobo galini futano dola omfubesebe. 15:1

Bainobo galino sbalma biob naka unang nibo mo funanobta Ninita ye biobobo gabianobta imena kulanao alukumo mo unalaobe! Nakaia unangai bainobo galino mo sbal maim blim blibi funaniba Kulan maki awemobo ge fumbib kesoa nibo i bobolo funanoba kulan eli dowonamino denomo!

1 Kolin 10:24

Ibo mo funanibta Ninita ye biobobo genimibe! Ibo funaniba Ni kukub olo nanomobo naka mak unang maki daabenamabobe? ge funanibta naine!

1 Kolin 10:28

Otane ibo kulan eli dowom genabiba naka make baanea Kulan olo nakai smiki klaibbua kulani yena dleb te funiba doyobobo geniba wembibo kulanobo gene mole ibo kulan olo mo dowonaibe! Ibo doweib mole naka ele yatenea e funanea I smiki kulani dowoniba smik eli niniino dotouleb nib kesoa i kukub olo misiamobo ge funanea e bobol tem funino misiam omfaneme kesoa ibo kulan eli mo dowonaibe!

1 Kolin 10:29

Nakaia unangai maki ib isak temo blibi funaniba Smiki kulani dowonamino misiambabo geiba eka maki funaniba Kukub olo misiamobo, ni mo dowonaobbabo genanomabib kesoa nakai ne kulani donaibo ne mo kil baanita Kulan eli smiki kulan bleka kulan afeto? genabibabe. Ne imblia wembinabibe.

1 Kolin 10:32

Ibo Yudai Yesuse mo bainobo gabibba isa eka Yudaba isa eka Gode meletani Yesuse bainobo gabib isa i bobolo funaine! Ibo ib kukubo nanom gaibo kla watemnibte! Ibo kukubo watemiba Ni kukub olo nanomobo isa inaniba hengmino henganomabiobo ge funaib mole kukub olo mo nanimibe!

1 Kolin 8:12

Nakaia unanga eli i bainobo galino mo sbal maim blim blib kesoa ibo inaniba i bainobo galino watwat dabeib mole ibmaye i misiam nabena bianiba eka Klaist esa misiam nabananomabiobe.

1 Kolin 9:22

Ne nakaia unangai bainobo galino klao mo sbal maim blim blibi bekebe biami osa ina binabibe. Ne kukub mako naia i wateniba baaniba Keb kukub olo misiamobo geib mole o deibo deibo binabibe. Niminbabe, ne funania I kukub olo mo gobo blibba kesoa ne kukub olo amitie nami mole isa kukub olo wafuniba nabianiba Yesus Klaiste wengo deibonomabib kesoa ne kukub olo deibonia i kukub nabib ota nesa wafu blia i Klaiste wengo wente bianiba i bainobo galino sbal sambibte genia inabibe. Ne funania Nakaia unangai bib mak bib mak seli alukum Yesus Klaiste wengo wenteniba bainobo geib mole e i hengmino temo blibo dotlanamabebo ge funai kesoa nesa makob i kukubo nabib ota baka nabiania Yesus Klaiste wengo i omkayebibe.

2 Kolin 11:21

Ni ibo inamin namin kukub misiam olo mo nabeim blim kesoa ibo baaniba Folwali titil blimobo gabiobe. Ib wengo bain baaibbio mole ne aal genalamabi otane ib wengo bainbabe. Naka maki baaniba Ni kukubo klayamobo geib mole nesa baania Ne kukubo klayamobo genamabibe. Ne inangge baai mole ne makob weng misiam omin nakai weng dikin baanamabibe.

2 Kolin 11:29

Nakaia unangai i bainobo galino mo sbalma blibbai ne dohalimbibe. Naka make tenea bainobo galin naka make men weng men weng baabanea hengmino hengane mole ne Yebbabo genamabibe.

2 Kolin 6:3

Ni inamin namino nanoba naka mak unang maki dlabmanoba hengmino henganamino blim kesoa naka mak unang maki baaniba Gode Folwali okoko omyebu otane i okok olo klao mo okok kebibba kesoa ni mo Klaiste meletan anomobbabo genamini blimobe.

Galesia 5:13

Ne nekwal ibo Gode dlakanea baabenea Mosese hekmel wengo ibo mo kimanomone ge baabenebio kesoa ibo mo funanibta Memalo nibo Mosese hekmel wengo mo wafu biobba kesoa ninib bobol tem funin ota wafu bianoba hengmino henga bianobte ge funanimibe! Ibo kukub ayamo olota wafu bianiba naka mak unang maki bobolo fumbianiba gobe bianiba daayemine!

Kolosi 2:8

Naka maki bobol temo funaniba I Yesus Klaiste wengo deibueine ge fumbib kesoa i dim omin wengo mitmakam blim ota ibo omkayebiobe. I weng olo dabalim nakai wengobe. O Gode wengbabe. I ili faninwali hekmel weng osa eka bekeli hekmel weng osa ota ibo omkaye bianibta baabenibta Ibo weng olota wafu nine ge oyebiobe. Weng olo ili wengobe. Olo Yesus Klaiste wengba kesoa ibo i weng olo mo wenteyemibe!

1 Fita 2:16

Nakaia unanga ibo ib bobol temo kla kima bliba kukub misiamo ib bobol temo mo kimaim blim bio kesoa ibo mo funanibta Ni kukub misiamo nanomo ge funanimibe! Wentine, ibo Gode okok naka kesoa kukub misiamo deiboniba kukub ayam ota wafueine!

2 Fita 2:19

Dim omin naka eli obianiba Ibo ni wengo wenteniba inamib mole hekmel wengo ibo mo kimanomobabo, inamin namino ilib bobol tem funin ye namomabiobo ge oyebib otane i ili bobol tem funino mo nabibbabe. Ili hengmin kukubo nabib ota i bobol tem funino kima biobe. Niminbabe, nakai kukubo wafu blibo kukub olota i kima biobe.

Lebelesen 2:14

Otane ne weng mako baabenamabio ib okoko olokiemo misiamobe. Naka maki ib isak tem ye blibi nakae niniino Belame kukub misiamo sbalma wafu bliobe. Belame kukubo inaminobe. E sinanggwano e dim omin kukubo naka make niniino Belake alebanea baabanea Kobo kukub olo Isleli alebenale gesea e inanea hengmin mako alebenea i kulani god dim omini heitdabeniba dowoniba eka taman kukubo wafuna binibbio inabiobe.