1 Kolin 7:2 - Mian

² Ina otane ibo alukum kaket bianiba maki tamano henganimib kesoa naka ibo alelwali bolaiba eka unangi imakwali bolananiba kamwal keine! Naka kobo unango omo biaebo bayota omo bianebte! Kobo unang maki taman deibo mo dleb haanemebe! Eka unang obsa imake dobo biaebo bayeta dobo bianebte! Obo mo deibanebta naka maki taman deibo mo dleb haanemebe!

1 Kolin 7:2 ပူးပေါင်းရင်းမြစ်များ

Matyu 5:32

memalo ne ibo baabenamabibe, naka make e alelo tamano mo hengaim blim bua fotebesea monoa imake afet dobo mole imake emaye naneta o taman unang omfanamabebe. Eka naka mak esak unango sino o imake fotebenebua e ome mole esa tamano henganamabebo ge baabesebe.

1 Kolin 6:18

Ibo bliba nakaia unangai te baabeniba Nibo tamano henganomo geib mole ibo i wengo mo wentenibta inamibe! Deibeine! Naka mak unang maki kukub misiamo afeto namibo kukub olo i damo mo watwat dabenamabobabe. I tamano henganimib ota i damo watwat dabenamabobe.

1 Kolin 7:1

Ne ib futan olo omfutneibbuo ne ib weng olo yang kebenamabibe. Nakai wanita alelwali dlonamino deiboniba besa kaket nimibo ayamobe.

1 Kolin 7:3

Alel obo ob damo obmalo mo kima biebbabe. Imak eta ob damo kima biebe. Eka imak keb dam osa inaminobe. Keb damo kebmalo mo kima biebbabe. Alel ota keb damo kima bio kesoa alelo imak kobo baabkenoa Kobo ne nemet nale geno mole imak kobo o wengo mo ombiabonemebe! Wentubonale! Eka alel obsak imake baabkenea Mo kemeb binite gene mole alel obo mo tolobo genemebe! E wengo wentubanale!

1 Kolin 7:9

Ina otane naka ibo fumbianiba Ni unangi mo dleb nomobobo ge funib mole i alelwali dline! Eka unang ibsak inaniba wanita fumbianiba Ni nakai mo dleb nimiobo ge funaib mole ibsa imakwali dline! Ibo inaniba nakai alelwali dliba eka unang isak imakwali dlonaib mole olo ayamobe. Ibo inanamino deiboniba besa bianiba inamin bobol temo amitie funib mole bobol tem funin olo sumu benoa ibo tamano henganomabiobe.

Efesas 5:28

Klaiste bainobo galin nakaia unangai kima bie inaniba imakwal ibo ib alelwali kla kimaniba makob ilib damo kima blib inaine! Nakai i alelwali gobeib mole i ili damo gobo bliobe.

Efesas 5:33

Otane o nakaia unanga ibo elekiem olokiem baabenobiobe. Imakwal ibo ib alelwali kla gobeniba kimaniba makob ilib damo kima blib inaine! Eka alelwal ibsa ib imakwali wengo kla wente bianiba oye bianiba i naka ayamobo ge oyemine!

1 Tesalonaika 4:4

Ib isak temo nakai wanibta alelwali dlom gib mole ib bobol tem funino ayam fumbianiba alelwali dliba Gode ibo yatemnea funanea I kukubo ayamobo geneko! Ibo unangi bobolo mo wayebota makob nakai Gode wengo mo wafunim blimi naniba unangi bobolo wayebo inamibe!

1 Timoti 4:3

Dim omin nakaia unanga eli alelwal bokalino awem omka bianiba eka imen mak osa awem omka biam binabib otane Gode omomom imeno omfube tlanea baanea Nakaia unangai imen olo dlo unaline genebio kesoa nibo Gode weng ayamo tekein kenoba bainobo gabob nibo omomom imeno dlo dowonom gaobo Gode gangobo gabianoba unalomo!