1 Kolin 5:5 - Mian

⁵ naka misiam ele baabaniba Kobo nisuo deibeneba moneba Gululam esu uneba e enin kino omkleko ge baabaine! Ibo inabaiba Gululame e enino omalea e enin kino watenea funanea Ne kukubo nabio misiamobo ge funanea e kukub olo deiboneko! E inanea kukub misiam olo deibone biamo sinanomo nib Sume imin tlameo e naka ele debeb utnea Gode bib ut danea amit namabebe.

1 Kolin 5:5 ပူးပေါင်းရင်းမြစ်များ

Matyu 4:10

Yesuse baabanea Gululam kobo de one! Gode buk temo baanoa Kobo Sume Gode elekiem ele niniin ota dobtouleb bianeba ele okok ota okok kemale genobiobo gesea

Dowan Weng Olo Luke Dolanebuotabe. 22:31

Yesuse Saimone baabanea Saimono, Gululame Gode baabanea Ne naka eli bainobo galino dlamaia makob unangi wit sano baniba olasambiba blongo gamdibi unanoa damob deibonabo inaiba yatenia i bainobo galino sbal bleka? genano gesea Gode baabanea Ae inanale genebu

Abosel 26:18

i bobol temo mililanabo inabebua Gululame titilo ge dlabuei ne kukubo alebeneba i ne bainobo geniba Gode titilo ge dlanoa i bobol temo makob ayal einin keniba ne i hengmino omtlabeia i nakaia unangai Gode dlakaebuei tena nine genita tlibo ge baatnenebiobe.

1 Kolin 1:8

Yesus Klaiste ibo daaye bianea ib bainobo galino omsbal sanyebe kesoa ibo ib bainobo galino amitie sbalma wafu biam biniba kaanomabiobe. Ibo ina bliba nib Sume Yesus Klaiste imin tlameo naka mak unang maki ibo baabeniba Ibo hengmin gamobo genamino blimobe.

1 Kolin 11:32

Memalo nib Sume Gode nib kukub misiamo nabobo yatemnea funanea Ne i kukub misiamo nabibio alebeia tosiananiba deibueine ge baanea dlo klabe kesoa nibo kukub misiamo deibonob biamo sinanomo e naka mak unang maki kukub misiamo nabibo yang kenea dlanea moniba aseinin bib unomabib otane nibole e mo dlaneta monobta aseinin bibo mo unomabbiobabe.

2 Kolin 10:6

Ibo alukum Gode wengo wentemine! Ib isak temo naka maki Gode wengo omdibihabib mole ni tenoba ibo dlo klanomabbiobe.

2 Kolin 12:7

Ne utnia abilim uto inamin namin homono watenia eka weng ayamo wentenaibu otane ne nene untako mo ngambianita baanita Ne naka sumobo genimibabe. Gode funanea Kobo inameobo genea ne enino omkane bianea kukub olo watanebebe. Gululame okok naka make ne nenanebua enin kino wateme binabio enin olo makob tetningo hetenebenobua silaye binabo inane binabobe.

2 Kolin 13:10

Sume ne nemakanea baatnenea Kobo Kolin bib seli bainobo galin nakaia unangai kla kimanale! Kobo i bainobo galino mo watwat dabenemebe! Kla daabenebta i bainobo galino sbal maine ge baatnenea e titilo ne omnebiobe. Ne skeim ele bli ele ye futan olo dola omfubenamabibe. Niminbabe, ne monia ibsu natlania ibo sbal weng baabenomo genita ne futan olo ibo sin dola omfubeia ibo hengmin kukubo deibonabibta ne natlano genita futan olo dola omfubenamabibe.

Filibai 1:6

Ne tekein kebibe, sino Gode ibo daabenea bainobo geibbio memalosa e sma daaye bianea ib bainobo galino sma ye omsbal sanyebebe. Sinanoa Yesus Klaiste imin daak te dabalim ele tlame dim ota e daayemin kukubo blimanoa deiboneta nibo ayam nomabbiobe.

1 Timoti 1:20

Haimenias esa Aleksanda esa i inaniba kukub misiam olo nabib kesoa ne Klaiste baabaia Gululame baabanea e i enino omyenea tekein keniba Ni Gode niniino weng dobo weng ohamin olo kukub misiamobo geine genia baabaibiobe.

2 Fita 3:12

Ibo Yesuse imin tlamabeo amo bobolo fumbianiba E hebmamsab tleko ge fumbianiba waisa nine! Am olo dimo abile kibanea blimanea eka afok osa alim esa awitnin osa kibanoa makob aay anamabobe.

1 Yon 5:16

Nakae waneta bainobo galin naka make atemebea e hengmino mako henganeme otane hengmin olo e mo ananota kaanamabeba mole e naka ele beteno daahabea Gode e daabanea afen smike dabaleko! Ne weng ele baabei olo nakaia unangai hengmino hengabib otane o mo yenanoa kaanomabibba o weng ota baabeiobe. Ina otane nakai hengmino olokiemo nanimib ota nakai yenanoa kaanomabiobe. Ne mo baanita hengmino yo hengabib biamo e beteno daayemeko geim blimobe.