1 Kolin 4:8 - Mian

⁸ Ibo fumbianiba Ni Gode wengo tobtlin halonamino blimobo, ni o mitmakamo alukum tekein kebuobo ge fumbianiba eka mak osa enangge funaniba Ni Gode kin dimo e wengo alukum tekein kebianoba niniin sum anobobe. Folwal ile mo inanibta Gode kin dimo e wengo alukumo mo tekein keim blimobo ge fumbiam blib otane ibo bain inaniba Gode kin dimo e wengo alukum tekein kebib mole ne kla seinamabibe. Niminbabe, ibo memalo bain inaniba Gode kin dimo e wengo alukum tekein kenimibo nisa inanoba Gode kin dimo e wengo alukum tekein kenomabbu otane memalo nibo mo inaim blim biobobe.

1 Kolin 4:8 ပူးပေါင်းရင်းမြစ်များ

Matyu 5:1

Yesuse nakaia unangai dobsileb bebibi yatem deibenea utnea amgolim ut toumbia e okok aleyemin nakai utemiba

Dowan Weng Olo Luke Dolanebuotabe. 6:25

Memalo dowoniba matwayembio naka ibo klaine! Sinanomo kukub misiamo tam tlamo imen teb sumo yebianamabobe. Naka ibo memalo aben gibib biamo klaine! Sinanomo kukub misiamo tam tlamo ibo halin bianiba memomabiobe.

Abosel 26:29

Fol esak baabanea Memale bainobo genemebo ayamobe. Eka sinanoa bainobo genemeb osa ayam nabe. Ne kebsa eka naka maki ne wengo wentebib isa ibo beten keye biania i ne Yesuse bainobo gabi inaniba bainobo genomabib otane sen sayo mo gebenimibe gabibe. Ne funania Ibo Yesuse bainobo geniba ne naibio inaine gabibo ge baabesea

Fole Lom teni bainobo galini futano dola omfubesebe. 12:3

Gode ne daatnenea e okok olo omnebio kesoa elekiem olokiem ibo ne weng olo baabenamabibe. Ibo untako mo ngambianibta Ni naka sumobo ge funimibe! Ib bobol temo fumbianiba Ne Yesuse bainobo gabi ota Gode titilo ne omnebu ota omonita okok kebibo, ne nene titilo mo okok kebibabo ge funine!

1 Kolin 1:5

Ni Yesus Klaiste weng ayamo ibo omkayeboba weng olo wenteniba bainobo geibbua memalo ib bainobo galino sbalma wafu bianiba Yesus Klaiste tena blib kesoa Gode e bobol tem funin ayamo ibo omkayebea ibo e weng ayamo kla tekein kebianiba weng ayam ota obiobe.

1 Kolin 4:18

Ib isak temo naka maki ili niniino omfufu bianiba baaniba Fole tosiambe kesoa e nisuo mo tlamabebabo ge one bianiba ne wengo omdibinebiobe.

1 Kolin 5:6

Ibo obianiba Ni Gode wengo kla wente bianoba kukub ayamo wafu biobobo ge obianiba ib niniino omfufubib kesoa ib kukubo misiamobe. Ibo funaine! E kukub misiamo nabe olo makob nakai kulani mana bianiba mato welabbe bosiba mat gamo daatnoa damo tem daak unanoa dikibanoa mat gam eta weitam dibianabe inanoa e kukub misiam olo nabeo sum anoa naka mak unang mak ib bobol tem osa alukum watwat dabenamabobe.

2 Kolin 11:1

Ne weng mako ibo baabenamabibe, ibo funaniba Fole weng misiam obebo ge fumbib mole ibo ne weng olo oyemio mo tolobo genimibe, besa wentenebibte!

2 Kolin 13:9

Nakaia unangai funaniba Fole titil blimobo geniba ne mo gotneim blim keib mole olo besabe. Ina otane ibo ib bainobo galino sbal maib mole ni seinomabbiobe. Ni Gode oha bianoba Kobo i daabeneba i bainobo galino sbal maine ge ohabuobe.

Galesia 6:3

Naka maki funaniba Ni naka sumobo, nimaye biobobo, ni naka mak unang maki mo daabenomobbabo ge funaib mole i dim baanomabiobe. I bobol tem funin olo misiamobe. I besa nakabe.

Filibai 1:27

Inamin namino ne dimo tam tlebo olo ibo o bobolo mo funimibe! Ibole Yesus Klaiste dowan wengo ne aleyebi ota kla wafueine! Kukub olo kukub afeto gaisonobiobe. Inanomabib kesoa ne ibsuo imin natlamio ayamobe. Eka ne ibsuo mo natlim blim kenimio naka maka ye te baatneniba Filibai bib seli bainobo galin nakaia unangai i bainobo galino sbal maniba i okoko makob okok kebianiba eka i bobol tem funino makob aniba fumbianiba Naka mak unang maki Yesus Klaiste dowan wengo wenteniba bainobo geine ge fumbianiba aleyebiobo ge baatnenimib nakai weng ota wentamabibe.

Filibai 2:12

Ne nekwal ibo ne sino ibo baka blio ibo ne wengo wenteniba nene weng baanimi iwat ina binibbiobe. Memalo ne skeim bli kesoa ibo ne wengo kla wente bianiba nene weng baanimi iwat ina bianibte! Ibo Gode wengo kla wafu bianiba funaniba Ni Gode wengo deibonomobo misiamobo ge fumbianiba tosiam bianibte! Ibo Gode wengo wente bianiba e okoko sbalma okok kebiba sinanoa Yesuse imin tlameo ibo dletnea ula abilim unine!

Lebelesen 3:17

Ibo baaniba Ni moni osa inamin namin osa homono bibenabio kesoa ni tekanamino blimobo gabib otane ib bobol tem funino molotbabe. Ibo klao mo tekein kebibbabe. Ibo makob nakaia unangai inamin namin blimi kino tum gebenobua aal keim haablibi ulabobe. Ibo naka ayam unang ayambabe.

Lebelesen 5:10

Kobo inaneba walubenebbua kima bieb kesoa i Gode niniino dobtouleb bianiba e okoko klabianiba eka nakaia unangai maki dabalimo blibi kimanomabiobo ge ngambiba wentibe.