1 Kolin 3:5 - Mian

⁵ Ibo kla funaine! Ibo nimin kenibta baka bianiba mak Ni Abolose meletanobo gese maki baaniba Ni Fole meletanobo gese blibe? Ni dabo besa Gode okok nakabe. Sume emaye ni okoko afet afet omkayebe kesoa ni e okoko okok kebianoba e wengo ibo omkayeboba wenteniba bainobo geibbiobe.

1 Kolin 3:5 ပူးပေါင်းရင်းမြစ်များ

Matyu 25:15

eka e okok naka eli kukub osa bobol tem funin osa kla tekein kebe kesoa make monio K5,000 olanea eka mak ele K2,000 olanea eka mak ele K1,000 olananea deibe unea

Dowan Weng Olo Yone Dolanebuotabe. 3:27

Yone baabenea Gode abilim ut bie nakai elekiem elekiem i okoko omkayebebe.

Abosel 18:24

Am yo dim ota Yuda naka make niniino Abolose monea Efesas bib ye onsebe. E gongamo awoko Aleksandlia bib ye dobmikinobiobe. E tekein kemin nakabe. E Gode weng buko tekein kebe kesoa

Abosel 19:1

Abolase Kolin bib ye bia Fole kim deib monea Efesas bib ye temea bainobo galin naka maki blib kesoa yatemnea

Fole Lom teni bainobo galini futano dola omfubesebe. 15:16

nemfakanea Kobo Yesus Klaiste dowan wengo omeb moneba Yudaba nakaia unangai omkayemale ge baatnenebio kesoa ne inania omkayebibe. Ne ina biania nakaia unangai Gode Hobe i daayebea hengmino deiboniba i bobol temo deskina omoniba Gode omkahabiba e i baabenea Ibo ne meletanobo ge oyebei dleb tenia Gode dokaha biania makob Gode amo kimanin nakai eil sibsibi ina dleb te funiba Gode dlanabib inaye bia Gode seinyebebe. Gode kobo inamale ge baanea nemfakanebio kesoa ne sbal weng olo ibo dola omfubenamabibe.

1 Kolin 12:28

Gode titilo inanea ibo afet afet omyebio kesoa ibo e okok osa inaniba afet afet okok kebiobe. E okok olo inanebuo Gode titilo naka maki Yesuse okok dlasanin okoko omkayebea okok kebibo okok olo okok afeto gaisono kesoa o namba wanobe. Eka e titilo naka maki omkayebea Gode weng omkeimalin okoko okok kebib ole namba tube. Eka Gode titilo naka maki omkayebea Klaiste wengo aleyemin okoko okok kebib ole namba tlibe. Eka maki okok sumo sino nibo mo watemim blimo klamin titil omkaye bianea eka mak ile nakaia unangai gembib biamo klaubeiba ayam anamin titilo omkaye bianea eka mak ile naka mak unang maki dohalim bianiba daayemin titil omkaye bianea eka mak ile inamin namin okoko kimanin titilo omkaye bianea eka mak ile weng afeto o mitmakamo i mo wente bianiba tekein kebibbao baanamin titilo omkaye biam binebio kesoa okok olole okoko asumatna olo kitem daak biobe.

1 Kolin 16:12

Memalo ne Abolose weng osa ibo baabenamabibe. Ne e baabania Kobo tem bainobo galin nakaia unangai mak item naniba moniba Kolin bib unine ge ohabi otane e baatnenea Ne memalo mo unamabibabo ge onebebe. Ina otane mitdanea e funanea Ne hein olota unano genemeo e monea ibsu natlamabebe.

1 Kolin 3:10

Ne makob naka maki amo genom gaibo maki sin teniba amuno hakena olabba onsiba eka maki teniba biino omfa onsiba eka maki teniba molongo tebelaniba waao baniba genabib inania ne sin tlia Gode daatnenea ibo Gode wengo omkayebi onsia eka naka make ne abuk tle ele tenea Gode wengo imin meseinea omkayebebe. Nakaia unangai amo genom gaibo kla funaniba Inabonomobobe geniba klanabib inaniba ibsa Gode okoko kla okok kemine!

1 Kolin 3:22

Abolos esa Fita esa Fol nesa ni ibmi kesoa ni ibo daayebuobe. Gode ibo baabenea Afenomabiobo genemeo ibo afenomabiobe. Eka e baanea kaanomabiobo gene mole ibo bain inaniba kaanomabiobe. Inamin namino dabalim olo bu osa eka inamin namino ib dimo memalo tam tlebo osa eka inamin namino sinanoa ib dimo tam tlamabo osa Gode alukum ibmi omyebiobe.

1 Kolin 3:7

Nakae imen sano dosan binabe naka esa eka aliamo betawe binabe naka esa i niniin blimobe. God eta imen olo klabea damam binabo kesoa e niniin ota sumobe.

1 Kolin 9:17

Ne okok olo okok kebio nene bobol tem funin ota okok kebi mole ne baania I ne okok olo molo yang keniba monio okanemine genamabi otane ne okok olo nene bobol tem funino mo okok kebibabe. Gode emaye okok olo omnebua ne e wengo wente biania okok kebi kesoa ne mo baanita Ibo monio okanemine genimibabe.

2 Kolin 11:23

I baaniba Ni Klaiste okoko okok kebuobo gabib otane i okoko klao mo okok kebibbabe. Neta Klaiste okoko klayam okok kebibe. (Ne inangge baai olo makob weng misiam omin nakai weng baaiobe. Weng olo misiamobe.) Ne okoko dot bumolok bli otane i mo inabibbabe. Ne Klaiste okoko kla okok kebi kesoa am homono dimo naka maki ne klabuto ge nemetniba moniba klabutam tam daibbua blia am homono dimo naka maki teniba nebiba binia kaain keke binabibe. Kukub misiam olo ne dimo amitie tam tlene binabo otane naka eli dimo mo tam tleye binabobabe. Niminbabe, neta Klaiste okoko klayam okok kebinabibe.

2 Kolin 3:3

Naka mak unang mak ibo yateniba fumbianiba Klaiste Folwali dlanea teniba e wengo Kolin bib seli omkayebibo i wenteniba bainobo geibbiobo gabib kesoa kukub olo makob Klaiste futano dolanebuo ni omeb haabianoba ibo omkayebuobe. E inanebuo ele kweilo mo tubuta dolaim blimobe. Eka e Mosese nanebuo e mo inaneta tom dim osa mo dolaim blim nabe. Gode amit nine e Hob eta doboneta nakaia unanga ibo dobye biobe.

2 Kolin 3:6

Sinanggwano Gode e hekmel wengo emaye tom dimo dolanea oleb tenea Mosese olalebiobe. E inanebuo nakaia unangai bumoloku benoa hekmel weng olo alukumo mo wafueim blim kenibta o mitmakam ota i kulila binibbiobe. I inabiba bifol homono blimanota Klaiste mema wengo omeb tlebua nakaia unangai mema weng olo wafu blibi Gode Hobe i bobol temo bianea daayebe kesoa i mo kaanibta alang namanimibbabe. I amit nomabiobe. Gode emaye e titilo ni omkayebeta ni mema weng olo nakaia unangai omkayebuobe.

2 Kolin 4:1

Gode inanea dohalilanea okok ayam olo omyenea baabenea Ibo Klaiste mema wengo omeb tlebuo omkayemine ge baabene kesoa ni okok olo mo tosiam bianobta kakubuwebobbabe.

2 Kolin 4:5

Ni mo fumbianobta Ni Klaiste wengo omkeimaboba naka mak unang maki yateniba ni niniino dotouleb nine ge funanobta e wengo omkeimabobbabe. Ni fumbianoba Ni Sume Yesus Klaiste inamin namino alukum kima bianea ni daayebe kesoa nisak ibo daayemomo ge fumbianobta weng olo omkeimabuobe.

2 Kolin 4:7

Nibo makob dabalo heloniba keto klaibbuo ulab kesoa nibo sbalbabe, unobe. Ina otane Gode emaye e titil sumo ni bobol temo omabbebenebio kesoa nakaia unangai ni yateme bianiba baaniba Naka eli i titilo blim otane Gode e titil ota omkayebebo ge obiobe.

2 Kolin 5:18

Gode emaye ni mema kukub olo omyebiobe. Sino ni Gode makaa biob otane e Yesus Klaiste dabanea daakenea ni dleb tenea God esu danebua ni e bainobo gabianoba nite God ete nanoba ni bobol temo makob anoba Gode nisak baabenea Ibsa inaniba naka mak unang maki daabeiba isa Klaiste bainobo geiba ite nete nanoba ni bobol temo makob anomo ge baabenebiobe.

2 Kolin 6:1

Ni okoko God ete na okok kebob kesoa ni weng mako ibo baabenomabbiobe. Ibo mo funanibta Gode ni daaye binabe kukub olo besabo ge funimibe! Ibo e okoko amitie okok kemine!

2 Kolin 6:4

Yeye, ni kukubo afetobe. Ni inamin namin kukubo klayam wafu bioba nakaia unangai yateniba baaniba I Gode okoko klayam okok kebiobo gabiobe. Ni kukubo inaminobe. Inamin namin kukub misiamo ni dimo tam tlebo osa eka inamin namino ni watwat dabenang genabo osa eka inamin namino ni bobol temo ilum omkayebo osa kukub olo ni dimo tam tlebo otane ni sbalma biobobe.

Efesas 3:7

Gode ne nemfakanea daatnenea baatnenea Kobo moneba Yudabai ne wengo omkayemale ge baatnenea e titilo omnebio kesoa ne e weng olo ibo omkaye binabibe.

Kolosi 1:23

Ibo ib bainobo galino sbalma blib mole Klaiste inabenamabebe. Gode dowan weng ayamo baanoa Ibo Yesus Klaiste bainobo geib mole e dletnea moniba Gode bib ayamo amit nomabiobo genobio waisanomabiobe. Ibo sino weng olo wenteniba funaniba Bainobo, Gode inabenebiobo geniba bainobo geibbio kesoa ib bainobo galino sbalma bianiba inamin namin kukub misiamo ib dimo tam tlamo ibo tosianino deiboniba ib bainobo galino sbal maine! Bainobo galin nakaia unangai homoni moniba bib mak bib mako alukum Gode dowan wengo nakaia unangai omkayebiba Gode Fol nesa nemanea monia e dowan wengo nakaia unangai bib mak bib mako blibi omkayebibe.

Kolosi 1:25

Gode ne baatnenea Kobo ne bainobo galin nakaia unangai daaye bianeba ne wengo i alukum omkayemale ge baatnenebio kesoa ne e wengo alukum ibo omkayebibe.

1 Timoti 1:12

Ne nib Sume Yesus Klaiste titilo omnenea ne e okoko okok kebibe. E funanea Fole okok olo sbal manea kla okok kemabebo gene kesoa e ne nemfakanea okok olo omnebio kesoa ne gangobo gabibe.

1 Fita 4:10

Gode titilo ibo afet afet omkayemonebio kesoa ibo okok olo kla kima bianiba ibsak naka mak unang maki daabeine!