1 Kolin 2:6 - Mian

⁶ Ne tekein kemin nakai wengo ulabo ibo mo omkayemin blimobe. Otane ne Gode wengo naka mak unang maki e wengo kla wentebib ita e tekein kemin weng olo omkayebibe. Ne Gode wengo i omkayebi kesoa i Gode wengo kla tekein kenomabiobe. Ne weng olo tekein kemin nakai dabalim olo blib isa eka dabalim olo komokwal isa i wengo ulabbabe. Naka eli sinanomo kaaiba nakaia unangai i wengo amito mo wentemomabibbabe.

1 Kolin 2:6 ပူးပေါင်းရင်းမြစ်များ

Matyu 13:22

Eka mako dilbi daaknoa dabalim daak unanoa aliamo ningsao yeb baka bela utlobio yole o mitmakamo inaminobe. O makob nakaia unangai Gode wengo wentebib otane dabalim olo inamin namino talo walin kukub osa eka Monio sum olonite galin kukub osa tam tenanoa i bobol temo Gode wengo omabbubenoa deibo nabib otabe.

Matyu 19:21

Yesuse baabanea Kobo kukub ayam ota kla wafunimia geneb mole moneba keb afobeingo alukum oloneba naka maki waloneba monio oloneba nakaia unangai inamin namin blimi oyeb biam ota sinanomo abilim uto inamin namin homono olamabeobe. Kobo moneba inaneba teneba ne beketne nale ge baabase

Matyu 5:48

Ibo kukub moloto wafuniba makob ib Aye abilim ut bie nabinabe inamine ge baabesebe.

Dowan Weng Olo Luke Dolanebuotabe. 16:8

komoke wentenea baanea Ne moni kimanin naka misiam ele tekein kemino sumobo ge baabasebe. Niminbabe, nakaia unangai dabalim okoko gobo blibi dabalimo tekein kemino sumobe. Gode okok nakai dabalimo tekein kemino men kesoa komoke baanea Naka ele tekein kemino sumobo ge baasebo ge baabenea

1 Kolin 1:28

Nakaia unangai bainobo gabibbai bainobo galin nakaia unangai oye bianiba I niniin blimo besa naka unangobo, i bobol tem funin osa blim kesoa ni i wengo mo wentaobbabo gabib otane Gode i dlakanea bainobo geibbiobe. Nakaia unangai funaniba Ni niniino sumobo gabib ile Gode i mo dlakaim blim kesoa i mo baanibta Ni niniino sumobo genimibe! E oye bianea I niniino blim besa naka unangobo ge oyebebe.

1 Kolin 12:8

Gode Hobe e titilo nibo alukum afet afet omye biobe. Maki Gode wengo naka mak unang maki kla omkayemin titilo omkaye bianea eka mak ile Gode wengo mitmakamo naka mak unang maki alebeiba tekein kenamin titil omkaye bianea

1 Kolin 14:20

Ne nekwal ibo ne weng olo kla wentine! Ibo mo meme gwabi ulab anibta wengo dabalim nakaia unangai mo obinabibbao obianibta o bobolo mo funimibe! Meme gwabi mo tekein kenibta kukubo yo nanomob ota nakaia unangai daabenamabobe gabibbabe. Otane naka gang ile bobol temo kla fumbianiba Kukubo yo nanomob ota nakaia unangai daabenamabobe eka yole i mo daabenamabobabe gabib kesoa ibo meme gwabi funino deiboniba naka gangi bobol temsaine! Inanomabib otane ib bobol temo kukub misiam namino o bobolo dokobenoa deiboniba makob meme gwabi bobol tem fumbib inaine!

1 Kolin 2:1

Ne nekwal ibo ne sino ibsuo monia Gode bain wengo omkaye binibuo ne mo funanita Ne inamin namin homono wengo makob tekein kemin nakai wengo ulab omkaye bia nakaia unangai wenteniba bainobo geniba ne niniino nemtouleb nine geim blimobe.

1 Kolin 2:13

Gode bobol tem funin olo ni omkayebeo wafu bianoba weng olo ibo omkayebuobe. Ni inabobo dabalim nakai bobol tem funino mo omkeimabobbabe. I Gode Hobe wengo omkayebe ota omkeimabuobe. Ni Gode Hobe wengo wente bianoba weng olo Gode Hobe nakaia unangai i bobol temo bibe bie ita omkaye buobe.

1 Kolin 2:8

Komokwali dabalim olo blibi Gode weng ayok olo mo tekein keim blimobe. I weng olo tekein kebib biamo nib Sume Gode miine atdimo mo dabasaniba silo biki ananimibbabe. Otane i weng olo mo tekein keim blim kenibta anaibbiobe.

1 Kolin 3:1

Ne nekwal ibo sino ne ibo bekebe biania Gode wengo omkaye binibio dimo Ne wengo makob memalo Gode Hobe nakaia unangai i bobol temo bibe biei nania omkayebi inamin wengo ibo mo omyim blimobe. Nakaia unangai mema bainobo genimib ile makob meme gwabi ulabobe. Sino ne Gode wengo ibo omkaye binibio dimo ibsa makob meme gwabi ulab bianiba Gode Hobe wengo mo sbalma wafueim blim binibbiobe. Ibo ina bliba makob ne nania nakaia unangai Gode Hobe i bobol temo mo bibe biebai wengo fiab omkayebio weng ota ibsa omkaye binibiobe.

2 Kolin 1:12

Ni bain baabenomabbiobe, ni naka mak unang maki kukub ayamo ye omkaye binobbu otane ibole dot ayam omkaye binobbio kesoa ni seimbuobe. Ni dabalim olo tekein kemino mo omonobta ibo kukub ayamo mo omkaye binobbiobabe. Gode emaye ni daaye bianea e kukub ayam osa weng moton omin kukub osa omkayebeta ni omonobta ibo omkaye binobbiobe. Ni ina binobbio kesoa ni bobol ayam fumbianoba Ni i kukub ayam omkaye binobbiobo gabuobe.

2 Kolin 13:11

Ne nekwal ibo klayam blibte! Ibo ne wengo kla wenteniba hengmin kukubo deiboniba ib bainobo galino sbal manine! Ib bobol temo makob ambianiba bobol tem fiab nine! Gode ibo kla gobe bianea bobol tem ayam omkayebea ete ibte nanine!

2 Kolin 4:3

otane nakaia unangai aseinin bib deibe bebib ile obianiba Weng olo ayok kesoa ni o mitmakamo mo tekein kebobbabo ge obiobe. Ina otane Klaiste bainobo galin nakaia unanga ile ni weng olo mitmakamo kla tekein keniba obianiba Weng olo motonobo ge obiobe.

2 Kolin 4:4

Klaiste makob Gode ulab kesoa nakaia unangai e wengo wentebibi i bobol tem ole makob ayal inamin ei bliobe. Eka nakaia unangai Klaiste mo bainobo gabibba ile dabal ele komoke Gululame i bobol temo neket gebe bia i sma mililambio tem tab bianiba Klaiste dowan weng ayam olo mitmakamo mo tekein kebibbabe.

Efesas 2:2

Ina binibbuo dimo ibo dabalimo kukub misiam osa eka hob misiami komoke kukub osa wafu binibbiobe. Memalo hob misiami komok ele nakaia unangai Gode wengo omdibihabibi kima biebe.

Kolosi 1:28

Ni Klaiste wengo nakaia unangai bib mak bib mako blibi omkayebob kesoa Gode bobol tem funin ayamo ni omkayebea ni e wengo nakaia unangai omkaye bianoba i kukub misiamo nabibo aleye bianoba baabenoba Ibo Klaiste wengo bainobo genimibo e ib kukub misiamo omtlabenamabebo ge oyebuobe. Ni funanoba Ni i dleb monoba God esu danoba e yatenea funanea I Klaiste wengo tekein keniba i bainobo galino sbal maniba ite Klaist ete naniba makob aibobo ge funaneko genobta Yesus Klaiste wengo i omkayebuobe.

Kolosi 4:12

Ilib bibam sake Ebaflas esa Ibo klayam blibte ge baabenebe. Esa Yesus Klaiste okoko okok kebebe. E Gode amitie nganha bianea God kobo Kolosi bib seli bainobo galin nakaia unangai daayebeba i bainobo galino sbalma bianiba keb wengo kla wente bianiba kleb weng baanemeb iwat namine ge oha binabebe.

Hiblu 5:14

Ina otane nakaia unangai Gode wengo kla wente bianiba wafu blib ile makob gangi sbal imeno wembibi ulabobe. I kukub misiam osa kukub ayam osa tekein kebianiba Olo misiamobe, olo ayamobe gabiobe.

Hiblu 6:1

Inamin kesoa nibo Klaiste wengo sino wentobbuo imino mo baanomobe! Memalo nibo e wengo bumolok ota omomo! Nibo e wengo sino wentobbuo olota mo funomobe! Weng olo inaminobe. Nibo nib bobol temo deskinanoba omonoba Gode omalomo galin weng osa eka Gode bainobo genamin weng osa

Yems 3:15

Ib bobol tem funin olo abilim data tlebobabe. O dabalim olo bobol tem funinobe. O Gululam esu data tlebobe.

Yems 3:2

Naka nib kukubo alukum ina binabuobe. Am mak bomanomo dimo kukubo ayam wafu binomob ole eka am mak bomanomo dimo kukub misiam wafu bi binabob kesoa nakae waneta weng misiamo deibonea weng ayamo olota ome mole e dot naka ayamobe. E kukubo kla kimanamabebe.

1 Fita 5:10

Gode ibo dlakanea baanea Sinanoa ne inamin namino ayamo ibo omyia ibte Klaist ete naniba amit nomabiobo genebiobe. Memalo ibo enin kino watememomabib otane o amito mo nomobabe. Gode daayemin kukubo mit kesoa e sinanomo kukub ayamo imin omyenea daabenea ibo dosbal manea titil sbalo omyamabebe.