1 Kolin 14:3 - Mian

³ Ina otane nakai Gode wengo ili weng omkeimaniba naka mak unang maki omyaibo weng olo ili weng kesoa i o kla wenteniba tekein keniba i bainobo galino sbal manomabiobe. I inaniba Gode wengo ili weng omkeimaiba naka mak unang maki weng olo wentaibo bobol ayam funaniba i Gode okoko tosianino deiboniba sbalma okok kemomabiobe.

1 Kolin 14:3 ပူးပေါင်းရင်းမြစ်များ

Dowan Weng Olo Luke Dolanebuotabe. 3:18

eka weng mak osa aleye bianea Gode dowan wengo omkayemonsebe.

Abosel 13:15

Gode amo kimanin nakai Mosese hekmel weng osa Gode weng omkeimalin nakai dolaibbu osa kiniba Folwali isak baabeniba Nekwal ibo Gode weng ayamo aleyebeo mo bio mole nisak alebeine gesiba

Abosel 14:22

Yesuse bainobo galin naka mak unang maki aleye bianiba i bainobo galino omsbal sanye bianiba baabeniba Ib bainobo galino sbalma wafueine! Naka maki nibo enin sumo omkayemomabib otane sinanomo nibo monoba Gode kimanin bibo amit nomabbiobo ge oye bianiba

Abosel 15:32

Yudase Sailase i dabo am homono dimo ye baka bianiba Gode weng omkeimalin naka kesoa Yesuse dowan wengo bainobo galin nakaia unanga eli aleyebiba i bainobo galino sbalma wafueib ole

Abosel 4:36

Naka make niniino Yosebe e Libai nakabe. E gongam bibo Saiblas otabe. Yesuse okok dlasanin nakai e niniin mako Banabas ge nganha binibbiobe. Niniin olo mitmakamo daayemin nakabe.

Abosel 9:31

Sole inanea unea Yesuse bainobo galin nakaia unangai Yudia betano blib isa eka Galili betano blib isa Samelia betano blib isa i naka maki enino mo omkayemin blim kesoa i ayam bianiba naka homon unang homoni Yesuse bainobo geiba Gode Hobe daakenea titilo omya i Yesuse bainobo galino sbal masiobe.

Fole Lom teni bainobo galini futano dola omfubesebe. 12:8

Eka Gode e okoko naka make omanea Kobo naka mak unang maki bobol tem funin ayamo omkayemale gene mole e okok olo kla okok kemeko! Eka Gode naka make okoko omanea Kobo inamin namino dloneba nakaia unangai inamin namino blimi dokayemale gene mole e okok olo kla okok kebianea nakaia unangai inamin namino homon dokayemeko! Eka Gode naka make okoko omanea Kobo naka mak unang maki kimanale gene mole e okok olo olota okok kemeko! Eka Gode naka make baabanea Keb nekwali dohalim bianeba daayemale ge baabane mole e seimbianea daayemeko!

Fole Lom teni bainobo galini futano dola omfubesebe. 14:19

Inamin kesoa nibo sbal manoba naka maki bainobo galino daabesese bianoba nib bobol temo makob anoba nib bainobo galino omsbal sanomo!

Fole Lom teni bainobo galini futano dola omfubesebe. 15:2

Nibo alukum bainobo galin naka mak unang maki nibsuo biaibi i bobolo funomo! I funaniba Kulan unalin kukub osa eka inamin namin kukubo afet osa misiamobo gabib mole nibsa inanoba kukub olo deibonoba i daayeboba ayam aniba i bainobo galino sbal maine!

1 Kolin 10:23

Ib isak temo naka maki obianiba Inamin namino Klaiste mo baaneta Kukub olo misiamobo, ibo mo namibe geim blimo nibo namob mole kukub olo ayamobo ge obib otane ne baabenamabio kukub homon olo ibo mo daabenota ib bainobo galino sbal manomabibba kesoa ibo kukub olo mo namibe ge baabenamabibe.

1 Kolin 14:12

Inamin kesoa ibo funaniba Gode bainobo galin naka mak unang maki i bobol tem funino daayemin titilo ni omyia e okoko okok kemomo ge fumbianibte!

1 Kolin 14:17

Ibo wengo dabalim nakaia unangai mo obinabibbao omibo ibo Gode niniino kla dobtouleb nomabib otane naka mak unang maki weng olo mitmakamo mo tekein kebibba kesoa weng olo i mo daabenomobabe.

1 Kolin 14:26

Ne nekwal ibo wentine! Ibo miniba Gode niniino dobtouleb bianiba okoko namom gaibo kukub olota namine! Make anso kimanea eka make Gode kukubo alebenea eka mak ele Gode wengo e omalameo omkeimanea eka mak ele wengo dabalim nakaia unangai mo obinabibbao obea eka mak ele e weng olo deskinamin titilo Gode omalameo ili weng deskinea nakaia unangai omkaye biam nine! Ibo kukub olota ina bianiba bainobo galin naka mak unang maki i bainobo galino omsbal sanyemine! Ibo inamibo kukubo watemiba bainobo galin naka mak unang maki mo daabenamaboba bio mole kukub olo deibueine!

1 Kolin 14:31

Ibo ina bianiba Gode wengo baa omkeimasese bianiba bainobo galin naka mak unang maki omkayebiba i weng olo wente bianiba i bainobo galino sbal maine!

1 Kolin 8:1

Eka weng mak osa naka maki funaniba Ni nakai kulani yaleb teniba funiba nakai as osa tom gol osa nakai smiki kla olaibbuo doyobobo geniba dlo wembiba ni baka wembobo ayamobo gabibo ne weng sang olo baabenamabio kla funaine! Bainobe, nibo bobol temsa otane nib tekein kemin olo naka mak unang maki mo daayebobabe. Nakai inamin bobol temo fumbibi ili tak ngambianiba i niniino omfufubib otane i naka mak unang maki gobeniba daayemibo kukub olo bainobo galin nakaia unangai dosbal manamabobe.

2 Kolin 2:7

Memalo ibo e hengmino bobolo funino dokobenoa deiboniba weng fiab omkahamine! Inamin wengo amitie ohamin ole e bobol temo misiamu banoa e bainobo galin bobolo funino dokobanoa deibonamabebe.

Efesas 4:29

Ibo naka maki wengo misiamo mo oyemibe! Ibo weng ayamo olota obianiba naka mak unang maki i bainobo galino dosbal sambiba eka nakaia unangai ib wengo wentebibi bobol ayam fumbianiba kukub ayamo wafueine! Ibo kukub olo inaib mole i daabenomabiobe.

Efesas 6:22

Ne e baabania Kobo moneba Efesas bib seli nibo biobo weng sango baabenale ge baabania dabaia natlamabebe. Eta teneta ni weng sango baabenemeo wenteniba bobol ayam funanomabiobe.

Kolosi 4:8

Ne e baabania Kobo moneba Kolosi bib seli nibo biobo weng sango baabeneba i nib weng sango wenteniba bobol ayam funaine ge baabania dabaia natlamabebe.

1 Tesalonaika 2:11

Ibo tekein kebiobe, sino ni makob naka make e miine kimanamabe inanoba elekiem olokiem ibo kima bianoba

1 Tesalonaika 2:3

Ni weng olo ibo omkayebobo bain wengobe. Ni dim weng osa bobol wayemin weng osa mo oye bianoba eka kukub misiam osa mo naye biam biobbabe.

1 Tesalonaika 3:2

Timotie ni ningobe. Ete nite nanoba Gode okoko klabianoba Klaiste wengo omkeima binabuobe. Ni dabo e dabanoba monea ibsu natlanea Gode wengo ibo omyenea ib bainobo galino omsbal mabenebiobe.

1 Tesalonaika 4:1

Nekwal ibo ni weng mako baabenomabbiobe. Sino ni ibo bekebe biob dimo ni kukub ayamo ibo alebenoba baabenoba Ibo kukub olo wafueib mole Gode seinyemabebo genoba ibo wenteniba kukub ayamo wafu bliobe. Memalo Yesuse wengo ni omye kesoa ni weng olo baabenoba Ibo kukub ayam olo sbalma wafueine ge baabenoba wafu blib olo kla wafueine!

1 Tesalonaika 4:18

Nibo inanomabbio kesota ibo weng olo ib nekwali omkayebiba i wente bianiba bobol ayam fumbibte getabe.

2 Tesalonaika 3:12

Nib Sume Yesus Klaiste emaye weng olo omye kesoa ni naka eli baabenomabbuo i imaye okok kebianiba unino ilimi dlou unaline gabuobe.

1 Timoti 1:4

Kobo i baabeneba Ibo i faninwali weng sang afeto mo obianibta i inaminobo gabianibta i niniino mo dotouleb nimibe ge baabenale! I faninwali wengo wentaibo baase baase binabib otane weng olo i bobol temo mo daabenota i Gode bainobo genomabibbabe. Olo besa wengobe.

1 Timoti 4:13

Memalo kobo ne waitne biamabebo dimo kobo sbal maneba Gode wengo kineba nakaia unangai wentiba omkeimaneba kukub ayamo aleyemale!

1 Timoti 6:2

Okok nakai bainobo gabiba eka i kimanin naka isa bainobo gabib biamo i mo funanibta E ni dab tlemin yetabo, ni e wengo omdibiha bianobte genibta mo funanimibe! I funaniba E bainobo gabe kesoa ni e goba bianoba e okoko klayam okok kehamomo ge funine! Kobo nakaia unangai kukub olo aleyebeba i kukub olota namine!

2 Timoti 4:2

Kobo Gode wengo nakaia unangai amitie omkayemale! I kobo seinkemib osa eka i mo seinkemin blim kenimib osa kobo Gode wengo amitie omkayemale! Kobo Gode wengo keim aleyemeba i tekein keniba bainobo geine! Eka nakaia unangai hengmino henganimibo kobo i hengmin kukubo alebeneba i hengmin kukub olo deiboniba Gode kukubo kla wafueine! Eka kobo i amitie weng fiab omkaye bianeba weng olo kla omkayemale!

Taitas 1:9

Ni Yesuse weng moloto i omkaye binobbio i nekek ge wafu bianiba isak weng molot olo naka mak unang maki aleyebiba bain weng olo nakaia unangai bobol temo daabenoko! Eka i weng molot olo naka mak unang maki weng moloto mo wentaobbabo geniba weng omdibibibi omkayebiba i wenteniba tekein keniba Ni kukubo misiamobo geine!

Taitas 2:15

Kobo weng olo nakaia unangai omkayemale! Kobo bainobo galin nakaia unangai kimanin naka kesoa i sbal weng oye bianeba Ibo kukub misiamo deiboniba kukub ayam ota wafunine! Ibo ne weng olo mo omdibimibe ge baabenale!

Taitas 2:6

Eka kobo naka tembali baabeneba Ib bobol tem funin osa ib kukub osa kla kimaine ge baabenale!

Taitas 2:9

Kobo nakai moni okokba besa okok keyemin nakai baabeneba Ibo ib kimanin nakai wengo kla wenteye bianiba okoko kla okok kebiba i ibo seinyemine! Ibo ib kimanini weng misiamo mo oye bianiba

Hiblu 10:25

Nibo naka mak unang maki tenanoba minoba Gode niniino dobtouleb nin kukubo mo deibonomobe! Naka mak unang maki kukub olo deibueib kesoa nibo i kukub olo mo wafunomobe! Sume imin tlamabeo amo meb ano kesoa nib sinwalo daabesese bioba nib bobol tem funino ayam bibebiote!

Hiblu 13:22

Ne nekwal ibo ne weng ele baabei olo homonba kesoa ibo kla wenteniba funa omabbaine! Ne funania Ne weng olo baabenimio i bobol tem funino daabenamabobo ge funaiobe.

Hiblu 3:13

Mema dim olo am obba ye bomanomo bomanomo yo dimo ibo ib sinwalo maki baabeniba Nibo Gode wengo mo omdibihamobe ge oye bianiba daabesese nine! Ib isak temo naka make bobol temo hengmino tlak unubasoa funanea kukub olo klayamobo ge funanea Gode wengo ombiabaneme kesoa

1 Fita 5:12

Ne futan olo ne ninge Sailas eta weng omkaha bita dolanebe. E amitie Klaiste wengo wente bianea ele weng baaneme iwat nabinabebe. Ne weng gwab ele baabei olo Gode bain wengobe. E ibo kla daayebe kesoa ibo weng olo wente bianiba ib bainobo galino sbal maine!

Futan olo Yut eta dolanebiobe. 1:20

Ina otane ne nekwal ibo i wengo mo wentaibe! Ibo Gode wengo bainobo geibbio kesoa ib bainobo galino sbal maniba ib sinwalo daabesese bianiba Gode Hobe e titilo ibo daayebea Gode nganhamine!