1 Kolin 11:3 - Mian

³ Ne weng mako baabenamabio ibo kla wentine! Naka maki obianiba Gode elekiem eleta nib kimaninobo, eka naka mak ile nibo mo kima blibba kesoa nibo nib gabam otabbumino detlanomobo naka mak unang maki yatem tekein keniba naka make i mo kima biebabo, Gode elekiem eleta i kima biebo genomabiobo ge obianiba i Gode wengo naka mak unang maki omkayemom gaibo i gabam otabbumino detla bianiba omkayebib kesoa i kukubo ayamobe. Imakwali inabibo i alelwal isa obianiba Nib imakwali nib kimanin kesoa nibo gabam otabbumino otabbanomobo naka mak unang maki yateniba funaniba Nakai nib kimaninobo genomabiobo ge obianiba i Gode niniino dobtouleb nom gaibo i gabam otabbumino otabbaniba e niniino dobtouleb bliobe. Naka homon unang homoni kukub olo wafu blibo kukub olo ayamobe. God ele Yesus Klaiste kimaninobe. Eka Yesus Klaist ele nakai kimaninobe. Eka naka ile unangi kimaninobe.

1 Kolin 11:3 ပူးပေါင်းရင်းမြစ်များ

Matyu 28:18

Yesuse baabenea Gode titilo alukum neta omne kesoa ne abilim ut osa dabalim olosa alukum kimaiobe.

Dowan Weng Olo Yone Dolanebuotabe. 14:28

Ne baabenia Ne deibe uni biamo imin tlamabibo ge baabeia wentib kesoa ibo ne kla gotneib mole ibo funaniba e Ay esu unamabebo ge funaniba seinomabiobe. Niminbabe, ne Aye gaitnene kesoa ibo seinomabiobe.

1 Kolin 3:23

Eka ibole Klaist emiobe. Eka Klaist ele God emiobe.

Efesas 4:15

I ina binabib otane nibo i kukubo mo omeisenobta naka mak unang maki dimo mo oyemobe! Nibo i kla gobe bianoba bain wengo olota oyemomo! Nibo kukub misiamo deibonoba Klaiste kukubo olota wafu bianoba makob Klaiste ele ulab anomo! E nib kimanin nakabe.

Kolosi 1:18

Bainobo galin nakaia unanga ibo makob e damobe. Eka ele makob ib gabam kesoa e ibo kima biebe. E nibo afen smike dobonoba amit nomabbuo mitobe. E kaanea Gode sin dofaanea hananebio kesoa sinanomo esa inanea nakaia unanga nibo dohaanea hananomabbiobe. E inanea inamin namin afet osa nakaia unanga isa alukum gaisenebiobe.

Kolosi 2:10

Klaiste abiseli komokwal isa hob misiami komokwal isa alukum gaisenebiobe. Ibo ibte Klaist ete naniba ib bobol temo makob am blib kesoa ibo Gode kukub ota wafu bianiba naka molot unang molot an bliobe.

Kolosi 2:19

I Yesus Klaiste kukubo klao mo wafu blibbabe. I Klaiste deibaniba sesa wat blib kesoa ibo i wengo mo wentaibe! Nibole makob Yesus Klaiste damobe. E makob nib gabam kesoa e nibo kima biebe. Gode nibo daabenea nibte Klaist ete nanoba nib bobol tem funino makob an biob olo makob naka tene damanamabe inanoba nibsa nib bainobo galino damanoba sbal manomabbiobe.

Kolosi 3:18

Alelwal ibo nib Sume Yesus Klaiste bainobo geibbio kesoa ibo ib imakwali wengo kla wenteye bianiba ili weng baanimib iwat namine! Ibo inamibo Sume kin dimo ib kukub olo nabibo ayamobe.

1 Fita 3:1

Unang ibo ib imakwali wengo kla wenteye bianiba ili weng baanimib iwat namine! Ib imakwali Gode mo bainobo geim blim blib mole ib kukub ayamo namsibta yatemnibta isak Gode bainobo geine! Ibo weng homono mo oyemomabibba otane ibo kukub ayam ota nabibta yatenibta Gode bainobo geine!