1 Kolin 1:8 - Mian

⁸ Yesus Klaiste ibo daaye bianea ib bainobo galino omsbal sanyebe kesoa ibo ib bainobo galino amitie sbalma wafu biam biniba kaanomabiobe. Ibo ina bliba nib Sume Yesus Klaiste imin tlameo naka mak unang maki ibo baabeniba Ibo hengmin gamobo genamino blimobe.

1 Kolin 1:8 ပူးပေါင်းရင်းမြစ်များ

Dowan Weng Olo Luke Dolanebuotabe. 17:24

Ibo tekein kebib yotabe. Timine tilanea nakaia unangai bib mak bib mak olo alukum atemnabib inaminobe. Abilim Da Tlemin Naka nesa inanita imin tlamabibe.

Dowan Weng Olo Luke Dolanebuotabe. 17:30

inania Abilim Da Tlemin Naka ne imin tlang gami osa inaminobe. Nakaia unangai Gode bobolo dokobenoa dabalim olo inamin namino bobol ota fumbibta ne tlamabibe.

Fole Lom teni bainobo galini futano dola omfubesebe. 14:4

Nakae waneta nakai kulani mo wembibbai baabeneta Ibo Klaiste okok kemin nakai kukubo klaine genebiote? Dlo klamin okok olo ib okokbabe. Olo Sume okokobe. Sume emaye i kukubo klaneta I kukubo misiamobe ayamobe genamabebe. Sume emaye i kimanin naka kesoa emaye kima bianea daaye bianea i bainobo galino omsbal sanye bianea I ayamobo gabinabebe.

Fole Lom teni bainobo galini futano dola omfubesebe. 16:25

Nibo Gode niniino dobtouleb nomo! Ne Yesus Klaiste dowan wengo naka mak unang maki omkayebio ne baabenia Yesuse ib bainobo galino omsbal mabenamabebo ge baabeibio e bain titilsa kesoa e ib bainobo galin osa omsbal mabenamabebe. Sinanggwano Yesus Klaiste weng olo amitie ayok binabo

Fole Lom teni bainobo galini futano dola omfubesebe. 8:19

Gode meme nibo naka molot unang molot anoba makob Klaiste ulab anomabbuo dimo inamin namino Gode klanebuo dabal esa abil esa inamin namino dabalimo bu osa eka inamin namino abilim ut bu osa Yatemano genoa waise biobe.

1 Kolin 3:13

Sinanoa Gode nakaia unangai okoko klanamabe amo tlamo inamin namino makob atol inamino tenoa nakaia unangai i okoko nabinibbuo alebenamabobe. Ibo sbal as osa beit as osa o bobolo funaine! Amun olo inanoa aso tubu einomo sbal amun olo mo kibanomobabe. Ina otane beit amun ole alukum kibanoa nibo watem tekein kenoba as olo misiamobe genomabbiobe. Gode nakaia unangai okoko klanamabe amo tlamo inamin namino makob atol inamino tenoa bainobo galin nakaia unanga nibo okoko nabinob biamo alebenoa nib sinwalo watem tekein kenoba okok olo ayamobe misiamobe genomabbiobe.

1 Kolin 5:5

naka misiam ele baabaniba Kobo nisuo deibeneba moneba Gululam esu uneba e enin kino omkleko ge baabaine! Ibo inabaiba Gululame e enino omalea e enin kino watenea funanea Ne kukubo nabio misiamobo ge funanea e kukub olo deiboneko! E inanea kukub misiam olo deibone biamo sinanomo nib Sume imin tlameo e naka ele debeb utnea Gode bib ut danea amit namabebe.

2 Kolin 1:13

Ni futano ibo dola dlubebebiobo ayokbabe. Ibo kinimibo o mitmakamo tekein kenomabiobe genobta dola dlubebe biobobe.

2 Kolin 1:14

Ibo ni seinyebib otane ibo ni kukubo klao mo tekein kebibba kesoa ne funania Ibo ni kla tekein keniba I bain Yesuse okok dlasanin nakabo geniba kla seinyemine gabibe. Ibo memalo tekein keniba I bain Yesuse okok dlasanin nakabe geib biamo sinanoa nib Sume Yesuse tlame dimo ni ibo seinyemoba eka ibsak ni seinye biam nomabiobe.

2 Kolin 1:21

Gode emaye nib sinwalo daabeneta nibo Klaiste bainobo galino sbal mabiobobe. E inanea bainobo galin nakaia unanga nibo dlakanea

Efesas 5:27

E inanea atdimo kaanea nib hengmino walubenebio kesoa bainobo galin nakaia unanga nibo hengmino mo hengamobe! Deibonoba kukub ayam ota amitie naboba e imin tenea yatenea funanea I ayamobo geneko!

Filibai 1:6

Ne tekein kebibe, sino Gode ibo daabenea bainobo geibbio memalosa e sma daaye bianea ib bainobo galino sma ye omsbal sanyebebe. Sinanoa Yesus Klaiste imin daak te dabalim ele tlame dim ota e daayemin kukubo blimanoa deiboneta nibo ayam nomabbiobe.

Kolosi 1:22

memalo Gode e miine dabanea daakenea atdimo kaanea nib hengmino walubenebio kesoa Gode ibo imino mo makaalabenemebabe. Yesuse inanebio kesoa sinanomo e ibo dleb utnea Gode bib ayam ut danea Gode kin dimo ibo kining aniba hengmin blimanomabiobe. Yesuse inabenemeo Gode ibo mo baabeneta Ib kukubo misiamobo genamabebabe.

Kolosi 2:7

Sino Ebaflase Yesus Klaiste wengo ibo alebenebio kesoa ibo makob aso kimkimo dabal tem daak unanoa nekek genoa geigebio inaniba ibo Yesus Klaiste wengo kla wafuniba sbal maine! Ibo Yesus Klaiste wengo kla wente bianiba ele weng baaneme iwat inamine! Ibo inamib mole ib bainobo galino sbal manomabiobe. Ibo amitie Gode gangobo ge oha bianibte!

1 Tesalonaika 3:13

Aye Gode inanea ib bobol tem funino omsbal mabenebua sinanomo Yesus Sum esa e meletan isa tlaibo ibo e kibi kaba sin ye maniba e yatemnea baanea Naka eli kining ayamobo geneko!

1 Tesalonaika 5:2

Sume tlang gameo makob ibalanoa ayok henin nakae inamin namino ayok dlang gameo nakaia unangai mo tekein keim blim keiba dlonabe inaminobe.

2 Tesalonaika 2:2

Naka maki baaniba Yesuse imin tlamabeo amo tlobo genimibo ibo i wengo mo wentenibta tosian bianibta bobol tem hekheko mo funimibe! Weng olo Gode Hobe weng biamo eka nakai ili bobol tem funanibta baanimib eka naka maki baaniba Folwal ita futan tem dola omfubeibobo genimib osa ibo mitmakam blim ye om haablib weng yo mo wentenibta dlou unemibe!

2 Tesalonaika 3:3

Sume kukub ole motono olota namin kesoa e bain inanea dosbal manea kimanamabebe. E inanea kimanemeo Gululame ibo mo dlabmaneta kukub misiamo nanimibbabe.

2 Timoti 1:12

Yesuse dowan weng ayamo nakaia unangai omkayebi o dafa ota naka mak unang maki teniba ne enino omnibbu otane ne olo mo tosiambibabe. Ne naka ele bainobo geba blie kla tekein kebi kesoa ne mo tosiambibabe. E okok olo ne omnenea baatnenea Okok olo kla okok kemale ge baatnenebua e daatne bia okok kebi olo sinanoa e imin tlameo baatnenea Keb okok olo ayamobo ge baatnenamabebe.

1 Fita 5:10

Gode ibo dlakanea baanea Sinanoa ne inamin namino ayamo ibo omyia ibte Klaist ete naniba amit nomabiobo genebiobe. Memalo ibo enin kino watememomabib otane o amito mo nomobabe. Gode daayemin kukubo mit kesoa e sinanomo kukub ayamo imin omyenea daabenea ibo dosbal manea titil sbalo omyamabebe.

2 Fita 3:10

Sume Yesuse tlamabeo makob nakaia unangai inamin namino ayok henin nakai teniba doisenomabibo i mo tekein keim blim keniba dlanabib inaniba Sume imin tlamabeo amo i mo tekein kebibbabe. Am olo dimo unine sume tlebianea eka abile blimanea eka afok osa alim esa awitnin osa alukum aso kibanoa blimanamabobe. Eka dabal elesa eka inamin namino alukum dabal ele dimo bu osa aso kibanamabobe.

2 Fita 3:14

Ne nekwal ibo am olo waiso blib kesoa ibo sbal maniba kining bianiba inamin namin kukub misiamo takaboniba besa bianiba ib bobol temo Gode tenaniba makob aibbua sinanomo Sume imin tlameo ibo seinyemeko!