Hechos 8:34 - Mixteco Yosondúa

³⁴ Yukan ti ni jikajnuꞌun chaa Etiopía un Felipe, ti ni kachi da: ―Kachi ni tɨꞌlɨ nuu na nasa kuni kaꞌan jnuꞌun jaꞌa. Na chaa kuu ja kaꞌan profeta jaꞌa. Kaꞌan da nu maa da, xi kaꞌan da sɨkɨ ɨnga yɨvɨ ―siaꞌan ni jikajnuꞌun da nuu Felipe.

Hechos 8:34 ပူးပေါင်းရင်းမြစ်များ

Mateo 13:36

Yukan ti ni kanxiaꞌu Jesús jiin yɨvɨ un, ti kuaꞌan ya. Ni najaa ya veꞌe. Yukan ni ka ndututu ndajaꞌa ya jiin ya, ti ni ka jikajnuꞌun da: ―Kachi ni nasa kuni kaꞌan jnuꞌun sɨkɨ yuku kueꞌe ni kaña nuu ñuꞌun un ―ni ka kachi da.

Mateo 15:15

Yukan na ti ni kachi Pedro jiin Jesús: ―Xndaku ni nuu yo ndoo kuni kaꞌan jnuꞌun un ―ni kachi da.

Hechos 8:27

Yukan ti ni kee Felipe kuaꞌan da. Ti ichi kuaꞌan da ni ndejnaꞌan da jiin ɨɨn chaa Etiopía. Ni kuu da ɨɨn chaa ndisojniñu nuu ɨɨn reina ni nani Candace, ni taꞌu jniñu ñuu Etiopía. Ni kuu da chaa savaꞌa xuꞌun nuu ñaꞌan un. Chaa Etiopía un ni jaꞌan da ñuu Jerusalén, chi nchañuꞌun da Yandios nava iyo jnuꞌun chaa Israel.

Hechos 8:33

Ni ka saꞌa yɨvɨ nava kuu ini jiin da. Tu ni ka xndichi ndaa maa da, vasu tu ni iyo kuachi da. Ko tundo jini nasa yɨvɨ kandixia jniñu ni saꞌa da. Ni ka jaꞌni yɨvɨ da, ti ni kee da ñuyɨvɨ jaꞌa. Siaꞌan kaꞌan nuu tutu nuu skuaꞌa chaa un. Kachi tutu.

Hechos 8:35

Yukan ti ni kejaꞌa Felipe ni xndaku da. Xnaka ni kachi Felipe nuu chaa Etiopía un ja Jesús kuu chaa ni kaꞌan tutu un, ti sa ni kachi da taka ga jniñu ni saꞌa Jesús.