1 Tesalonicenses 5:6 - Mixteco Yosondúa6-7 Ja siaꞌan kuu ja na kuꞌun ini yo, ti tu kusu ini yo nanu ka saꞌa ɨnga yɨvɨ. Suꞌva na kundito ini yo nuu ichi Yandios. Na siuku ndaa yo ti tu kɨvɨ nduu yo ɨnga ichi nanu chaa jíni. Chi nu jakuaa na kiꞌin da ti nduva ndoko da, chi tu jini da nasa kaa ichi kuaꞌan da. Siaꞌan vii ka saꞌa yɨvɨ tu ka ñukuu ini jnuꞌun Yandios, chi tu ka jini da na ichi kiꞌin da. အခန်းကိုကြည့်ပါ။ |
1 Tesalonicenses 5:6
40 ပူးပေါင်းရင်းမြစ်များ
Suni kanuu ga ja taka kɨvɨ kandaꞌu ra jiin Yandios ja na chindee ya roꞌo jiin taka un. Ti chindee maa Espíritu Santo roꞌo jiin jnuꞌun jikantaꞌu ra nuu Yandios. Suni kanuu ja na koto vaꞌa ra maa ra ja tu naa ini ra kandaꞌu ra jiin ya ja kuu ɨnga yɨvɨ kandixia, ja suni na kundee i kɨvɨ kinjnaꞌan i jiin ja xaan un.
Ko yoꞌo naa yo tu kunchuku yo siaꞌan, chi ka iyo tuꞌva yo jiin jnuꞌun ya. Ka jika yo ñundijin, ti ka jini yo nanu kiꞌin yo, chi ka ndiyo ini yo ichi Yandios. Ka jandatu yo jnuꞌun ya, chi maa ya jaꞌa jnundee ini yoꞌo nava na kuu ga ini yo nuu ya. Ja siaꞌan na ti tukaa ga xndaꞌu yɨvɨ yoꞌo, chi ka kuu yo nanu soldado ja ka iyo tuꞌva da jiin saꞌma kaa ja nama maa da. Yukan kuu ja ka ñukuu ini yo ja nanitaꞌu yo, chi jnuꞌun ni ka kandixia yo un kuu ja nama yoꞌo. Ja siaꞌan ti ka kuu yo nanu ɨɨn soldado ja nama da xini da jiin ɨɨn lelu kaa (ja kaꞌan yo tɨkoko).
Ti vasu siaꞌan iyo, ko ka ketaꞌu ñaꞌan un nuu Yandios naa ña ja ka skaku ña seꞌe ña, ko nɨnɨ kuu ja na siin ña jiin jnuꞌun ndaa nava iyo nuu Yandios. Ti na kava ndaꞌu ini ña jiin taka ñani jnaꞌan ña jiin ja na kondoo añu ña. Ti na saꞌa vaꞌa ña taka jniñu ña, chi nuu maa Yandios ka junukuachi ña. Yukan kuu ja xndaku ra nuu taka yɨvɨ ka kandixia ja kuu nuu ka ndututu i, roꞌo Timoteo.
Suni na xndaku ri nuu ra, roꞌo Timoteo, ja kuu taka ñasɨꞌɨ ka kandixia. Na kuꞌun vaꞌa ña saꞌma ña. Koto kuꞌun ña saꞌma vaꞌa ja nchaa yaꞌu xaan. Ni tu naskutu ña ixi xini ña jiin ndajniñu oro xi plata, chi ansu ndututu ña un ja na kotonchaa ñani jnaꞌan ña maa ña ja vaꞌa saꞌma ka ñuꞌun ña, xi ja vii ka naskutu ña ixi xini ña.
Kuu da ɨɨn chaa vaꞌa, ɨɨn chaa yɨñuꞌun nava siaꞌan, ti tu kaꞌan yɨvɨ sɨkɨ da. Tu kuu kunchaka da uu ñasɨꞌɨ. Chi suꞌva na kava yɨñuꞌun da, ti na kaka ndaa da ichi Yandios. Na kuu da ɨɨn chaa yɨñuꞌun ti nava na kaꞌan yɨñuꞌun yɨvɨ jiin da. Na kava ndaꞌu ini da jiin yɨvɨ ka kandixia ja ka jika ichi, ti na kuaꞌa da veꞌe nuu kendo yɨvɨ un naa i. Ti vii na xndaku da nuu yɨvɨ naa i.
Ko maa ra Timoteo, koto kɨvɨ nduu ra jiin yɨvɨ un. Chi suꞌva na kukutu ini ra koto vaꞌa ra jniñu ni jaꞌa Yandios nuu ra. Kuaꞌa ini ra kondoꞌo konene ra, chi jniñu ra kuu ja na kachanuu ra jnuꞌun Yandios nava ni kii Cristo Jesús. Ti siaꞌan siuku ra jniñu ni taꞌu Yandios nuu ra, chi nuu maa Yandios kuu nu junukuachi ra.
Ko jiin jniñu ni saꞌa Yandios un chaku ini yo nasa kunchuku yo nuu ñuyɨvɨ jaꞌa. Chi nu na kandixia yo maa jniñu saꞌa Yandios, ti tu ka yɨsɨkɨnchaa yo Yandios jiin jniñu kueꞌe ni ka saꞌa yo undi nuu. Ko vijna na kava yɨñuꞌun ini yo ti na saꞌa yo nava kachi maa Yandios. Tukaa kundio ini yo ja saꞌa yo savaꞌni ga ɨnga jniñu kueꞌe. Chi suꞌva niꞌin na kundikun yo jiin jnuꞌun Yandios. Ti na kondoꞌo vaꞌa ini yo nuu taka jniñu saꞌa yo nuu ñuyɨvɨ jaꞌa, ti ansu ja kava ndeꞌe yo. Undi nuu tu ni ka siuku ndaa yo nuu Yandios, ko vijna ti na chiñuꞌun yo jnuꞌun ya.
Ti ni kachi Jitoꞌyo: ―Chunsoꞌo vaꞌa naa ra nuu jnuꞌun un, chi sanaa ini ra ti ndenda ri, siaꞌan nanu ka iyo naa ini ra ti chaa ñakuiꞌna. Siaꞌan ndenda ri, chi tu ka jini ra na kɨvɨ nchaa ri. Ti nuu ka iyo ndito ini yɨvɨ ja ka ndatu nakoo i ruꞌu, ti kusɨɨ xaan ini i kɨvɨ ndenda ri. Chi tu koo kuɨtɨ jnuꞌun kanuu nuu i hora ndenda ri ―ni kachi ya.
ကြော်ငြာတွေ