Tito 3:8 - Bíblia

⁸ Xye pirana munanhakalurni. Naluklu pkojirexyawakaplu xyekaka pirana ptowru hohneruka. Hoyakalu halixatshine hijhalu hmixkowaxyawakapna hma muchoxyawakanuplu kamrurtshi Hoyakalu halukanru. Xyekaka kamrurtshi kihlerni hiyrunu hijhakalurni yine tshinanupa.

Tito 3:8 ပူးပေါင်းရင်းမြစ်များ

Mateus 20:4

Waneya wla htshinna: “Hajewa. Hix-koxa kamrurewatanutka nutakle uva-chaya. Waneya hpoyahoxyawaka pso potuko nenekanhi.”

João 12:44

Waneya Jesus tsru tokantshiyma wla htshina: — Hita nalixjeru, hi hita tsonu ralixa seyni wale nyokanatjeru koxa ralixa.

João 5:24

Halikakni, halikakni wane ntshinhi, ntokanu jematshri, nyokanatjeru halixatshritka himwalu hiweklu hike rixiniko mnikawnakatu. Hike jikolukanuru waneylu. Seyni hipuktshi riknokajikatka hiweklu hjihlokatka.

Atos 12:15

Waneya wane htshinrona: — Pix-hetko hipukalewata! Seyni wala hinkakletlu halikaka pirana rixyawaka. Waneya wanna wan-tshina: — Wale hetko Pedro-ni samenrutka.

Romanos 4:5

Klu tshinanu katukta hi munanhanru hkamrure seyni Hoyakalu potukatlewatatshri hmunahanu, ralixle tshinanu hpowratko Hoyakaluya.

2 Coríntios 4:13

Hoyakalu tokanu yonatkaluru mitshikawlur-pirana wan-tshin-yonhata: “Nalixa hiyáhoni nyanumata.” Hiyáhoni hix-koxa himwalu walerutu walixle hchinikanu. Cristo walixa hiyáhoni wyanumata.

Efésios 4:28

Katshowhurukananu hi wane pnuteko htshowhuwatanutka seyni hkamrurewatanu. Waleko himyoya kihler-kamrurtshi hkamhanu hkayaxyawakapa. Wan-hixatshri himukata hapikletanna mahaxikatshine.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

1 Timóteo 2:8

Nanjithi, ptowruchako, jejine hanjihohnetanu jejine Hoyakalu halujyawaka kamhajetatshine rumukata yotuklemyotanna Hoyakalu nwaka ranjihohnereymana hike mixkanepni, mjihekanunepni, muhjekakkanepni.

1 Timóteo 5:10

Hiyrun-koxa kihle piranyehiropni. Mturune ttseruwaka tuykohihlenutna hiyrunu kyoptohihlenrewakleropni ho Cristo halixatshine Hoyakalu homkahitatshine jixi terokajexini ho salewnatshine tepixini ho ptowru kamrurtshi kihleru hepixlewatatshri tomkahpotuxini, tuslahko Cristo halixatshine hapatjetatshineya.

2 Timóteo 1:12

Hiyáhoni wale tshinanu wla nixa salewnaleta. Wanepnawaka hi nuhrokahchinikanuta. Klu tshinanu nimatlu nmunanhalerni Cristo. Hiyáhoni hi nkaheklu himukatatshri potukni wale rimretjixikolu ruslahyawaka haté rapokhohnexinipa rapkatle hohne potuko.

Tito 1:9

Halikakalutu tokantshi hasrukakanaxikolu pirana homkahpotutatshripni, rumukata hiykoletna tokantshi heyikatshine hiyrunu rumukata halixkota Hoyakalu hasruklewlu halikakalutuyma.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Tito 2:7

Pix-potuko xako ptowru kamrurtshi potukalu tshinanu potuka kamhatshripyi. Rimathexyawakapna yine hanu hixatshine potu raluk-hixletna. Hasruklewlu pirana tshinanu hike pupjexikatshripyi, potuka hchinikanupyi.

Tito 3:1

Puchinikkakanna yine, towutatshine, himukatatshine hiyrun-koxa tsru hitakkalune hyijnakoxyawakna. Rujhaluna ptowru kamrurtshi hepixlewatatshri jmerene rixyawakapna.

Tito 3:14

Waneyakni Cristo tshinanu wayinetene hijhalu kamhiywaklu kamrurtshi kihleru, yine mahaxinri hikchikatshri, kihleru htserutkajnawa Hoyakalu hetanuya.

Filemom 1:11

Hike mkochpakkatukananu rixapa mitshikananu pixa tshinanu. Seyni xawakni hijhakalurni pixa tshinanu hiyrun-koxa hita tshinanu.

Hebreus 10:24

Hichinikanretkakatshinepwu. Wepixkakanu wuchiniklewaxyawakapa hiyrunu kihleru tsonu wkamhanu.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.