Tito 3:7 - Bíblia

⁷ Potukalunwu waleko ruhlenu tshinanu, hiweklu hike rixiniko mnikawnakatupa yoptotatshinepa wixyawakapa wkahwakachale tshinanupa.

Tito 3:7 ပူးပေါင်းရင်းမြစ်များ

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Marcos 10:17

Waneya hyinuwaka yanrexinixnaka Jesus, satu jeji hasukanwakatlu, hyoptsojityehitlu wale hoji sreta, waneya repomhalu, wla htshinru: — Kasruklewakleru kihleru, klunerhe nkamhanu niwejinri hikeklu hohne nma nikawniywakanupa?

Romanos 11:6

Waneya Hoyakalu hihlenu hnurexinixkana hiyáhoni hi hkamrurna tshinanni. Wannako hkamrurna tshinanu hnuretkomkana waneyamka hi Hoyakalu hihlenu tshinanu hnuretkana.

Romanos 3:24

Seyni Hoyakalu powratachatlu yineru, hi rujhalu hwenuxikowaka, Hoyakalu henekachalewata klu tshinanu Cristo Jesus wenutatkalu.

Romanos 3:28

Hiyáhoni wimatjemlu Hoyakalu powratlu yineru ralixle tshinanu tsonu seyni Moisés yonreru pirana romkahixyawaka hi powratlu yineru.

Romanos 4:16

Hiyáhoni Hoyakalu hinkakletlu halixatshine tshinanu. Wan-rixa Hoyakalu rimaxikowaka Hoyakalu hinkakletanru renekachatanna Abraão-ni klopichane ptowrun-potuka, hi Moisés yonreru pirana homkahitatshine tshinanu tsonu seyni ptowru yineru pejnu halixatshri Abraão-ni pixka hixa halixletatshri tshinanni. Klu tshinanu Abraão-ni wuruta hixa halixatshinwu ptowrunekwu.

Romanos 4:4

Kamrurewatatshri wenutka. Hiyrun-koxa wenutkaluru hi kahwaklu renekachaxikowaka seyni hkamrure tshinanu hkaylerni.

Romanos 8:17

Hiyrun-koxa Hoyakalu whenene wixini, wyoptotanru Hoyakalu himwaleru. Cristo-yma wyoptotanru. Halikaka Cristo pixka wixa salewnalexini wimatan-koxa Hoyakalu hoyaknu wyoptotanu Cristo pixka wixa yoptoletanru.

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

Gálatas 2:16

Wimatlu Moisés yonreru pirana homkahixikolu hi powratlu yineru. Seyni Jesus Cristo halixikolu powratlewata halikaka. Hix-koxa Jesus Cristo walixa, wpowratka Cristo halixikolu tshinanu, hi Moisés yonreru homkahixikolu tshinanni. Klu tshinanu hi satuknako yineru powratko Moisés yonreru pirana homkahixikolu tshinanu.

Gálatas 3:29

Cristo-nune hixyawaka tshinanu hix-koxa Abraão klopichanhi. Hiyrun-koxa wyoptotanru Hoyakalu hinkaklexyawu wyoptotanrupa.

Gálatas 4:7

Hiyáhoni hi towrertshinhi seyni whentshinhi. Hiyahokni whentshine hixyawaka tshinanu, Hoyakalu henekanhi ptowru potuko hiwhenene renekanrupa.

2 Tessalonicenses 2:16

Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,

Tito 1:2

Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

Tito 2:11

Klu tshinanu Hoyakalu hekhitlu repixle, hiweklu heneklewatatshri, rawamka ptowru yineru tshinanumka.

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

Hebreus 1:14

Hi he wanna ptowruneka hiwejikalunetkani, Hoyakalu towrenni, hyokananrenni repixyawakapna hiweklu heneklewatatshri pirana halixatshinepa? Hehe.

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

Hebreus 11:9

Halixlu tshinanu runkaklexikolu tshijne rawjeta Abraão, hma metjejexyawakanu tshijne rawjeta. Pantshi nikalumta kamhikolupjikaka rawjeta Abraão, Isaque hiyrunu Jacó-yma. Wale tshijne yoptotatshinepa Abraão-yma Hoyakalu hinkajya pirana tshinanna.

Hebreus 6:17

Hoyakalu haluk-hekhirpotutna runkajya piranna yoptotatshinepa hi hkachrijetanru runkajya piranna. Hiyáhoni runkajya pirannayma waleko hiwaka hkochtshekatka.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

1 Pedro 3:7

Waneko pixka hixanu hixa hnurtshine, himwahihlenutana hhanunrone himatjemluyma. Halukkalone pixka hixanna suxone. Himatna kayaho mixkonutna wanna himaneyna. Hiweklu Hoyakalu henekachaxyana yoptotatshinepa jeji, hhanunroyma tshinanu, wan-hixanu hanjihohnere hma mimalexikowakanupa Hoyakaluya.