Tito 3:6 - Bíblia

⁶ Hi psojikna rimaletlu Hiwejikaluru seyni wale renekpotutwu Hoyakalu, Jesus Cristo Wiwekkakjeru tshinanuya.

Tito 3:6 ပူးပေါင်းရင်းမြစ်များ

Romanos 5:5

Hiyrunu hi wmahijeruchata xye wkahwakle tshinanu. Klu tshinanu Hoyakalu wajkaka hipkaklu ramotlewle Hoyakalu Hiwejikaluru, Hoyakalu henekachale tshinanu.

Atos 10:45

Waneya rimyekna Cristo halixatshine judeu-ne, Pedro himotsatatshine klu tshinanu judeu mixkane hoho koxa rapokatka henekachalu Hoyakalu Hiwejikaluru.

João 16:7

Seyni halikaka nunkakhi, kihlepotlu nyinripa klu tshinanu nma yaknuklunupa hapnanuhchinikankaklewatatshri hi hapokanu; seyni nyinipa nyokanatanru hix-yehi.

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

Tito 1:4

Tito tshinkaluru, noturu pixkalutu potuko halixlu tshinanu, pixa tshinanupni twu yonawahlo. Hepixkalurupyi Hoyakaluya, hetwamonutkalurupyi, hike pikatshripyi Hirtshi Hoyakaluya hiyrunu Tsru Hixikatshriwa Jesus Cristo-ya, Wiwekkakjeru.

Efésios 4:2

Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

Atos 2:33

Hiyáhoni Jesus hanikkatka, Hoyakalu potukle sreta rawyawakpatka hiyáhoni hyoptotlu Hoyakalu Hiwejikaluru htshina hinkaklexyawakpotuklu Jesus. Hiyáhoni xye hixa hetanru hiyrunu hjemanru waleni Hoyakalu Hiwejikaluru hiyoklerni.

João 7:37

Tsru niklu hijhakaluru hohne potu nikawninixka Jesus palna waneya tsru tokantshiyma wla htshina: — Yineru hanuruktako honunnahatewatatshri yanwakatanno. Ruranu.

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

Romanos 2:4

Ho peyikluhe xawaka Hoyakalu potshwanu, wale hchinikanu, hkahwakhohnekanaxyawakyi? Hi he puchiniklu Hoyakalu hihlenu kosejyawakyi pehchinikanuxyawakapa?

1 Timóteo 6:17

Xye tshijne hwatshine tsru ktiyiroterune wane ntshina hiykolethi. Hi halixkoxikatshinepwahi. Hiyrun-koxa hi tiyiro himat-nikawnatshri hmunanhanu. Seyni halikaka Hoyakalu ptowru potuko wumuwle wenekjeru wmunanhanu.