Tito 3:5 - Bíblia

⁵ Riwekkakwu hi hixako wkamhaleru kihleru tshinanni seyni rixa hetwamonrewlexyawaka tshinanni. Herokakalunwu herotu matuxikolu tshinanu rerotetwu Hoyakalu Hiwejikaluru himukatle tshinanwu.

Tito 3:5 ပူးပေါင်းရင်းမြစ်များ

Mateus 3:11

Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Lucas 1:50

Retwamonre rekhitna yine hkahwakpiratjene pejnu hiwekakanatatshine haté xawakni pnut-hohne hiwekatshinepa.

Lucas 1:54

Repixlu htowreru israel-nerune klu tshinanu hi ramtakatkalu retwamonrewle.

Lucas 1:72

Retwamonre pirana wutsrukatenni runkaklexinritka rekhitanu. Htshina hinkaklexyawaknina pixka potuko rixa halikakalutu pirana hi ramtaklu.

Lucas 1:78

Woyakalute retwamonrewle tsru potuko rixanwu. Hkotpukyehitanwu ratnuya hiwekkaklewatatshri pirana tenhohne hichpajikatshri pirana.

Romanos 11:14

Hiyáhoni pa katako numukata het-sotankakletanna nomolene, nonerune. Hiyáhoni pa katako Hoyakalu satkaka wanna hiwekkakanu nkamrure tshinanu.

Romanos 11:6

Waneya Hoyakalu hihlenu hnurexinixkana hiyáhoni hi hkamrurna tshinanni. Wannako hkamrurna tshinanu hnuretkomkana waneyamka hi Hoyakalu hihlenu tshinanu hnuretkana.

Romanos 12:2

Hi hewi tshijne hiwejikatshine pixka hixanu seyni hitshitanru Hoyakalu herotexyawaklu hixa hchinikanu psol-potuko. Wan-hixatshinephi himatanru Hoyakalu halukanru kihleru hiyrunu hikchikhihlenruru hiyrunu ruhleretanru potuko.

Romanos 3:20

Seyni hike yineru Moisés yonreru kamhatshri powratko Hoyakalu hetanuya. Klu tshinanu Moisés yonreru pirana rimathexikatka muhletu rixyawaka yineru.

Romanos 3:28

Hiyáhoni wimatjemlu Hoyakalu powratlu yineru ralixle tshinanu tsonu seyni Moisés yonreru pirana romkahixyawaka hi powratlu yineru.

Romanos 4:5

Klu tshinanu katukta hi munanhanru hkamrure seyni Hoyakalu potukatlewatatshri hmunahanu, ralixle tshinanu hpowratko Hoyakaluya.

Romanos 9:11

Waneya hi hmatutawana hepi mturune seyni Hoyakalu wan-tshinatkalo Rebeca: “Hepurtshi towutanru tsrujru.” Hiyrunu mturune hi kihleru hi hektutuko hkamhawana. Seyni Hoyakalu wan-tshina hnurrerupni waleko ralukanru hnurrene rixyawakapna. Hnuretka klu tshinanu Hoyakaluko tomhanru, hi jejiko hkamrure tshinanni.

Romanos 9:16

Hiyáhoni Hoyakaluko nuretanru katukta raluk-hetwamonreta. Waneya Hoyakalu nuretanrupa hi yine kamrure hi yineru halujyawaka tshinanu.

Romanos 9:30

Hiyáhoni kluhe raluka tshinreta? Wla htshina, judeu mixkane hi hijhakanatlu Hoyakalu potukaxyawakna wanepnawaka hpotukatkana ralixlena tshinanu.

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

Gálatas 2:16

Wimatlu Moisés yonreru pirana homkahixikolu hi powratlu yineru. Seyni Jesus Cristo halixikolu powratlewata halikaka. Hix-koxa Jesus Cristo walixa, wpowratka Cristo halixikolu tshinanu, hi Moisés yonreru homkahixikolu tshinanni. Klu tshinanu hi satuknako yineru powratko Moisés yonreru pirana homkahixikolu tshinanu.

Efésios 2:4

Seyni Hoyakalu hetwamonre tshinanu tsru potuko hiyrun-koxa ruchinijyawakwu tsru potuko.

Efésios 4:23

Hihchinikanu hiyrunu hiwejinri koxa herotexiko.

Efésios 5:26

Wan-rixa Cristo, hapatjetatshine Cristo halixatshine hatatjewa Cristo hnunropni, kanipretkalurotkani Hoyakaluya. Cristo herokalo honhaya, htokanuya hpowratlo.

Colossenses 3:10

Herotu hitajinixkawa. Waleni chinikantshi herotexikolu. Rerotetjetlu wihchinikanu haté Hoyakalu wuyakotjeru hchinikanu psoluka wapkapanu.

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.

Tito 3:4

Seyni wane pnute Hoyakalu Wiwekkakjeru potshwanu hiyrun-koxa ruchiniklewle yin-yehi hiphujewniyatka.

Hebreus 10:22

Xye tshinanu wkayehikanru Hoyakalu potuka hchinikanurunepwu, halixpotutatshinepwu, wajkaka hitslaptahjexikowakatka ptowru hektutu chinikantshiya hiyrun-koxa herkamanetkalune pixkalunepwu powrahalu katkalunepwu.

Hebreus 4:16

Hiyáhoni Hoyakalu tuplawakle tskihistsi wyanu hike wpikanu klu tshinanu wanetkalu hetwamonru hikchijikolu. Wane wukchijinri Hoyakalu hetwamonuxyawakwu hiyrunu repixle tshinanwu ptowru katako wujhiniplu.

Hebreus 6:6

Hiyáhoni xye ptowruka himatatshine seyni halixlu ruknojinipna, nyi pixkalune hi pehchinikankakanru hiyrunukotnaka. Klu tshinanu xye pixkalune hatatjewa hepi kata cruz rutakluna Hoyakalu whene hiyrunu hixolune hetanu reyikluna.

1 Pedro 1:3

Wpoyahnutanru Wutsrukate Jesus Cristo Hiru, Royakalute. Herotu matuxikolu renekwu hiweklu wkahwajyawakapa Jesus Cristo hiwejinixnaka hipuktshiya tshinanu. Hoyakalu hetwamonre tsru potuko tshinanu.

1 Pedro 2:10

Mitshikananu hi Hoyakalu hayinetenhi seyni xawakni Hoyakalunerunetkahi. Mitshikananu hixa hi himathetatkalu Hoyakalu hetwamonre hanu rixa seyni xawakni Hoyakalu hetwamonre yoptotatshinhi.

1 Pedro 3:21

Xye pirana batiz-lu yaholuni. Xawakni wale koxa hiwekkakwu. Hi mantshi himtuklewatatshri hiknojikolu hiwekkakwu seyni Jesus Cristo hipuktshi hichpajikatshri hiwekkakwu. Ruphujetlu potuka chinikanurunwu Hoyakalu hetanuya.