Tito 3:3 - Bíblia

³ Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

Tito 3:3 ပူးပေါင်းရင်းမြစ်များ

Gênesis 38:9

Seyni Onã hahxatlu himolni klu tshinanu rimaxnawa tmatkaklerumkapa hi wale whene hkahwakko. Hiyáhoni ptowru katako pnu rixyaholexinmaklo himolni hnunro tshijiko pnu rixkajnawa, whentshine hma menejyawakanuplu himolni.

Gênesis 39:16

Waneya timretlu wale mkalu walastsi haté hsatokatka José towutjeru.

Mateus 21:29

— Waneya ruhitlu ruru: “Hi jmerno.” Seyni xekoyaka hyokmanahchinikanutatka, uva-cha hyatka.

Lucas 21:8

Waneya Jesus hihitna, wla htshina: — Xakoka hike yokwijetanhi. Klu tshinanu hixo hiphujewnanu hita hiwakaya wla tshinatshripa, “Hita Cristo-no”, ho, “rapokpapkolutatka”. Seyni wan-tshinatshri hi homkahitanru xako.

João 8:34

Waneya Jesus wla tshinna: — Halikakni, halikakni, wla ntshinhi, Yineru hanuruktako hektuwaka kamhatshri, hektuntshi towrerni wale.

Romanos 11:30

Seyni hixa judeu mixkanhi mitshikananu majnakowaxyatkalu Hoyakalu. Seyni judeu-nerune majnákonu tshinanu Hoyakalu hetwamonutatkahi.

Romanos 6:12

Hiyáhoni hi hitshitanru hektuntshi towuxyawaklu himane moyakatu, himane het-sotanre hma kamhiywakanupa.

Romanos 6:17

Seyni poyahnu Hoyakalu! Klu tshinanu mitshikananu hektuntshi towutjekanathi seyni wkatanuko hixa homkahitatkalu psol-mixkonuyako halikakalutu pirana Hoyakalu hiykole pirana hixa henejikolu.

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Romanos 6:6

Hiyáhoni wimatanru wiwekle mitshikawlurni hipnanatka Cristo-yma cruz-ya hnikawniywakapa hektuntshi mixkonu, hektuntshi mtowuxyawakanupwu.

2 Coríntios 12:20

Npiklu wane napojini pnuko hixatshinetkahi hixyawaka, nma muchinikanrexyawakanu pixka nixa yoptolexyawakatkahi. Hiyrun-koxa hix-koxa pnuko hixahotanno hmalujyawakanu pixka hixahotanno. Npik-koxlu wane napojini hejnu hima njemyawaka, hahxalu, jhekantshi, tserpiranawlu, hektuntshi, hapatlewlu, halixkoxikatshriwa, sejirewnalu.

Gálatas 6:3

Klu tshinanu satu yineru hijhakaluru rikahwajinwa, maka hike, wale nanwaka yokwijexnawa.

Colossenses 1:21

Mitshikananu hixa howuka hwakanata Hoyakalu nwakaya. Hiyrun-koxa hektutu hixa kamhajekanatanru tshinanu hiyrunu hektutu hichinikanretjekanatanru tshinanu hixa kamnijekanatlu Hoyakalu.

Colossenses 3:7

Hix-koxa xyekaka hkamhajekanata wan-hixa homkahrejekanaxini mitshi.

2 Timóteo 3:13

Seyni jejine hektu hchinikanune, kyokwirewaklerune hektutu pnut-potu hkamhanna. Hyokwirewatanna hiyrunu hyokwitkona.

2 Timóteo 3:6

Klu tshinanu nyi pixkalune pantshikaka hjihlokachatna. Hyokwihchinikanutna suxone mchikohchinikanune, hihchinikanna katseplu tsru hektuntshi. Ptowru hixatshri ksotanuru hyokwixikna.

Tito 1:16

Hoyakalu hima rimatna seyni hkamhalerna tshinanu rimathexikowaka hi halikaka htshinna. Heyikalunetka, kmajnakowaklerunni hiyrun-koxa ptowru kamhalu tshinanu mpoyahokakanni.

Tito 2:12

Rasrukwu Hoyakalu mukchikhihlenutanutu hiyrunu xye tshijne halukanru pirana wuknojyawaka. Waluklu kihleru himat-nuretatshine wixyawakapa, potuka hchinikanurune wixyawaka, Hoyakalu hikchikhihlenreru wkamhiywakapa xye pirana papko.

Tiago 1:26

Satu yineru Hoyakalu halujyawaka homkahitatshri hikahwajinipwa seyni hinru hma mimata potshkewkakkanuklunu waneyakni Hoyakalu halujyawaka romkahle hike hkochpaka. Seyni hyokwijechaxnawa halikaka.

1 Pedro 1:14

Mturune kajnakolune pixkalunephi. Hi hyimanru mitshikawluru het-sotanruru hmahchinikanuklunuwa papko pixka.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 18:2

Hixko saplewle rixa, wla htshin-sapleta: “Tsru poktshi pohitkaluru Babilônia tshinikowaka yotkakatka! Poyahnu hyotkakatka! Kamtshine hwiywaka rixa, ptowru hiwejikaluru hektutu hwiywaka yohimaxikowaka rixa hiyrunu ptowru kamejiru kananuru, heyikkalurupji rixatka.