Tito 3:2 - Bíblia

² Hiyrun-koxa hi hektutu htshinanwakatanna yine, hi satuknako yineru nwaka. Hi kyahotkaklerunepni, seyni kchinikanurunepni. Kpoyikonerunepa halikak-potu ptowru yineru hetanuya.

Tito 3:2 ပူးပေါင်းရင်းမြစ်များ

Mateus 11:29

Hitshitanno nkosejyawakaphi, nasruklenephi klu tshinanu mayohotno hita, kihle hchinikanurno waneya hit-yehi hapnanuhchinikanrewlu hikchikanu.

Atos 23:5

Hiyáhoni Paulo wan-tshina: — Nomolene, hi nimatakanata tsru sacerdote rixyawaka, klu tshinanu hyonatkatka: “Hi hektutu tokantshi ptshinanwakatanru pinerune hitsrukate.”

1 Coríntios 6:10

Hi katshowhuruneko, hi ksotanuholuneko, hi jimekleruneko, hi jejnuhimakleruneko, hi ktshowhuwakleruneko, hi hyoptotanruna Hoyakalu pohirewaxyawaka.

1 Coríntios 9:19

Hichotkalurno. Hike yinerumka towutno. Wanepnawaka ptowruneko towrerno klu tshinanu wane nixa heneklexnawa hixolune yine nehchinikankajyawakapa.

2 Coríntios 10:1

Hitakni, Paulo-no, wla mitshi ntshinnawa, hixastsi nwiniklunu kpoyikonerno seyni howuka nwiniklunu ktokanno. Hitakni hanjithi Cristo mayohnuyma hiyrun-koxa hchinikannuyma,

2 Coríntios 12:20

Npiklu wane napojini pnuko hixatshinetkahi hixyawaka, nma muchinikanrexyawakanu pixka nixa yoptolexyawakatkahi. Hiyrun-koxa hix-koxa pnuko hixahotanno hmalujyawakanu pixka hixahotanno. Npik-koxlu wane napojini hejnu hima njemyawaka, hahxalu, jhekantshi, tserpiranawlu, hektuntshi, hapatlewlu, halixkoxikatshriwa, sejirewnalu.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Gálatas 6:1

Cristo tshinanu nmoletanune, satu yineru pupjexini, hixa Hoyakalu Hiwejikaluru munanhatshinhi hepixanru wan-hixatshri, pupjetatshri ruhlewaxyawakapa. Hi heyikanru wan-hixatshri. Hix-nanuko hexinwa, hma yohnixikowakanupa wane pixka hma mixyawakanupa.

Gálatas 6:10

Hiyáhoni ptowru katako kihleru wixinwa ptowru neruko tshinanupa. Halikak-potu wane wixanna halixlu tshinanu wmoletanune.

Efésios 4:2

Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Efésios 4:31

Hiknokanru ptowru hchikohajiwaxinri, ptowru himtuwnalu jhekantshi, ptowru sapletshkaka, ptowru heyiklewlu, ptowru hixatshri hahnantshi hiknokanu.

Filipenses 4:5

Kchinikanurunephi ptowru yine tshinanu. Klu tshinanu chinpotukawa runanu Tsru Hixikatshriwa Cristo.

1 Tessalonicenses 2:7

Wumukata satu pa hixanu henekkotmaka hix-yehiya Cristo nurrene wixyawaka tshinanu seyni hike. Klu tshinanu hix-yehi wwakanaxini kihle hislahle wixjekanathi tsro pixka twuhenene tuchinijyawaka tachitshakawhenexyawaka pixka.

1 Timóteo 3:11

Hhanunronna waneko pixka rixanna kihle piranyehironepni. Hi jejnuhimakleronepni. Ptowru potuyako muhrokahchinikanutkanepni potukalonepni.

1 Timóteo 3:3

Hi katsholu jiraklerupni. Hi kyahotkakaklerupni seyni kchinikanurupni. Hi hihjekakatshripni, hi tiyiro herupni.

Tiago 3:17

Seyni himatkalnutshi tenhohne hichpajikatshri waleni mitshikananu powra hchinikan-menu. Waneya walestsi hajeru, kihle hwachluni, mayohnutshi, kihle hepomhakolu, jetwamonukleru, kihle kamrurewleru potu, myokmakahchinikanutkatu, mixachatkatu.

Tiago 4:11

Cristo tshinanu moletkakatshinhi hi hapatkakanu. Klu tshinanu katukta moltshi Cristo tshinanu hapata ho hjihyehita, yonatkaluru pirana rapata hiyrunu hjihyehitlu yonruru pirana. Hiyáhoni yonruru pirana jihyehitatshri hi yonruru pirana hkamhajeta seyni yonruru pirana jihyehtatshrini.

1 Pedro 2:1

Hiyáhoni xawakni ptowru hixatshri hahnantshi, ptowru yokwijrewlu, ptowru hixachatatshri, ptowru sotanuhonutshi, tokantshi ptowru hixatshriko hiknokanu.

1 Pedro 3:10

Hiyáhoni katuktako hamotlu kihle hiwekle menu hiyrunu rujhinri hix-hohne kihleru rexyawaka, rujhalu ruslahanruxyawaka, hektutu hma tshinyawakanu hiyrunu hinama ruslahanu yokwijru hma tshinyawakanupa.

1 Pedro 3:8

Hiyáhoni xawakni ptowrunekhi pa hchinikanurunephi. Hetwamonkakanu. Hichinikkakanu moletkakatshine pixka. Kchinikanurunephi. Himatletkakatshinephi, mayohonephi.

1 Pedro 4:4

Hiyahokni wanna malixkane himyekatka tsru poyikowlu phuta hkamhaluna hixa hi hapaka wane hwajeta. Hiyáhoni hektutu htshinanwakjethina.

2 Pedro 2:10

Wanna mantshi halukanru homkahpotutatshine, hektutu halujikolu halukatshine, towuwlu heyikatshine potu rapnokatkonna. Tserutahchinikanuxikatshinwa wanna. Wannako hchinikanu tsonu haluka kamhaletatshinni. Hiyrun-koxa hi hpika hektuwaka tshinanwakletna pohirtshine.

Judas 1:10

Seyni nyi jejine, heyikachatlu hmimatjemanutukna. Rimatajijrerna hmasrujikotnina, hocha hajene mimat-hichinikanuwatkane pixka rixna. Wan-rixa himtuklexinwana.

Judas 1:8

Waneko pixka rixna, nyi yine jipnawaklerune, mantshi himtukjetatshinni. Hi hkahwakpiratluna Hoyakalu towre hiyáhoni phurune rapatna.