Tito 3:1 - Bíblia

¹ Puchinikkakanna yine, towutatshine, himukatatshine hiyrun-koxa tsru hitakkalune hyijnakoxyawakna. Rujhaluna ptowru kamrurtshi hepixlewatatshri jmerene rixyawakapna.

Tito 3:1 ပူးပေါင်းရင်းမြစ်များ

Mateus 22:21

Waneya ruhitluna: — César-ni. Waneya Jesus wla tshina: — Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru.

1 Coríntios 15:58

Hiyáhoni Cristo tshinanu nmoletanune, poyehi halixlephi. Hi hituk-homkahrekamruretanru Tsru Hixikatshriwa Hoyakalu halujyawaka. Klu tshinanu himatanu Tsru Hixikatshriwa Hoyakalu halukleru kamhatshri hi hmahijerutanu.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Colossenses 1:10

Waneyakni hixa himukata kamhaletanru Hoyakalu halujyawaka hiyrun-koxa Hitsrukate Hoyakalu hiwaka himalwutko hixa hixjexyawaka tshinanu. Tseruwnatshinephi ptowru potuko kamrurtshi kihleruya hiyrunu tseruwnatshinephi Hoyakalu himatyehipotuxyawaka.

1 Timóteo 2:2

Wan-hixanu. Hanjihohneyehitanna pohirtshine hiyrun-koxa ptowruneka tsru hitakkalune tshinanu, hiyáhoni wumukata hwachaletanu, potshke hwalepwu, hike mixkanepwu, kihle piranyehirunepwu.

1 Timóteo 4:6

Nyi hiykolukaka puchinikkajinna wmoletanune Cristo tshinanu. Kihleru kamrurewatatshripatkayi Jesus Cristo kamrureya. Wane pixini ptseruwakahchinikanutanu tokantshi halixkaluruya hiyrun-koxa hasruklewlu halikakalutuya pomkahitanru pirana.

1 Timóteo 5:10

Hiyrun-koxa kihle piranyehiropni. Mturune ttseruwaka tuykohihlenutna hiyrunu kyoptohihlenrewakleropni ho Cristo halixatshine Hoyakalu homkahitatshine jixi terokajexini ho salewnatshine tepixini ho ptowru kamrurtshi kihleru hepixlewatatshri tomkahpotuxini, tuslahko Cristo halixatshine hapatjetatshineya.

2 Timóteo 1:6

Hiyáhoni naluk-hichinikkakletanyi hi petachatanru xye pixkontshi Hoyakalu henekachaxyayi pyoptotlu nomyo nutakahohoxinixkayi mitshi.

2 Timóteo 2:14

Xyekaka pirana puchinkapkakanna pkoseklene. Hoyakalu hetanu tshinanu pujretpotutanna hma yanhakkajyawakanupna tokantshikaka tshinanu. Yanhaklu tokantshikaka tshinanu hikeko hkochpaka seyni rumtukachatna yijnakotatshine.

2 Timóteo 2:21

Hiyáhoni xawakni katukta hektuntshi powraxinwa, kastonolu kahwakpiratkalune tshinanupa pixkalutu rixinwa. Kastonolu Hoyakalunu pixkalutupni, kapjitu poyaho kamruretlexyawakaplu, ptowru hixatshri kihleru tshinanupa.

Tito 1:16

Hoyakalu hima rimatna seyni hkamhalerna tshinanu rimathexikowaka hi halikaka htshinna. Heyikalunetka, kmajnakowaklerunni hiyrun-koxa ptowru kamhalu tshinanu mpoyahokakanni.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Tito 3:14

Waneyakni Cristo tshinanu wayinetene hijhalu kamhiywaklu kamrurtshi kihleru, yine mahaxinri hikchikatshri, kihleru htserutkajnawa Hoyakalu hetanuya.

Tito 3:8

Xye pirana munanhakalurni. Naluklu pkojirexyawakaplu xyekaka pirana ptowru hohneruka. Hoyakalu halixatshine hijhalu hmixkowaxyawakapna hma muchoxyawakanuplu kamrurtshi Hoyakalu halukanru. Xyekaka kamrurtshi kihlerni hiyrunu hijhakalurni yine tshinanupa.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.

2 Pedro 1:12

Wale tshinanu hi nutuk-hichinikapkakletanhi xyekaka pirana. Wane nixjeta yáholu himatlu xyekaka pirana hiyrunu tokantshi halikakalutu hapokatshritka hpoyehixika. Seyni nuchinikapkakhi.

Judas 1:5

Hiyáhoni xawakni satu pirana nuchinikapkakanhi yahmaklu mitshikawako himatatkalu. Hoyakalu mitshi Egito tshijne riwekkajyatkana yine seyni wane pnutetka ruylatatkana wannani malixkanni.