Tito 2:8 - Bíblia

⁸ Halikak-potu pirana tsonu kochtshekatshripyi, hi jikolukanurupni ptokanu. Wan-hixatshripyi hike hektutu rumukata tshinrenwakatanwuna ptokanu malukkane seyni hpatewatan-honukna.

Tito 2:8 ပူးပေါင်းရင်းမြစ်များ

Marcos 12:17

Hiyáhoni Jesus wla tshina: — Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru. Waneya rimyekna ruhixya tshinanna.

Marcos 12:28

Satu kasruklewakleru hinanchitkaluru pirana hasruklewatatshri wane hwakanata. Hyijnakotlu hiynumsakaklu. Retlu kihle hihre rixlu Jesus. Wale tshinanu wla htshin-hepomhaleta: — Kasruklewakleru, kluner-pothe hijhakaluru ptowru Moisés yonreru yonatkaluruya?

Marcos 12:32

Hiyáhoni kasruklewakleru hinanchitkaluru pirana hasruklewatatshri wan-tshinru Jesus: — Wanekni, kasruklewakleru! Ptshinyawaka halikakni. Seyokni Hoyakalu, hikeni wane pnuterutu.

Marcos 12:34

Rexinixka Jesus tshipetkaluru yonatkaluru tokantshi hasruklewatatshri hihitlu rimatkalnuyma, waneya wla htshinru: — Pixa hi howukyi Hoyakalu pohirewaxyawakaya. Wane pnute hike tsru hchinikanutka repomhiywakatkana.

Lucas 13:17

Waneya Jesus kamnitjene ptowrunniko patewatana Jesus wan-tshinyawakna tshinanu. Seyni pimrine yine hixolune hpoyikowatna himyekaklewatatshrikaka Jesus kamhaleru tshinanu.

2 Tessalonicenses 3:14

Seyni satu yineru majnakowaxiniplu wujretle pirana, xye wyonawahle hwatshri himathetpotutanru wale. Hi hiyananru wan-hixatshri hpatewaxyawakapa.

1 Timóteo 5:14

Hiyahokni hipnahnurutatshrone tsrotsolejine minje pirana hitaho hhanuruwhapkatanna. Kwuhenepna. Ruslahapjitanna. Hiyáhoni wan-hixatshronepa hike hikoluklu hkamhinwuna wkamnitjeru hektutu hma tshinanwakaxyawakanupwuna.

1 Timóteo 6:3

Satu yineru pnu pejnu htshina hasruklewlexini, halikaka tokantshi Wutsrukate Jesus Cristo hasrukle hma momkahitkanuklunu, Hoyakalu homkahru pirana,

Tito 3:14

Waneyakni Cristo tshinanu wayinetene hijhalu kamhiywaklu kamrurtshi kihleru, yine mahaxinri hikchikatshri, kihleru htserutkajnawa Hoyakalu hetanuya.

1 Pedro 2:12

Yine malixkane hetanu, potuka hiweklerunephi. Yáholu hektutu kamhatshine htshinjetanhi seyni kihleru hkamhaleru tshinanu wanna yehi hkamhajexinri tshinanu, Hoyakalu hapojinri hohnepa rimalwutanruna.

1 Pedro 2:15

Klu tshinanu Hoyakalu haluklu wan-hixikowaka. Waneya wan-hixatshinhi, kihleru hkamhaleru tshinanu wanna mchinikanune hike mimatkane tokanu hitshrokkakanu.

1 Pedro 3:16

Homkahitanru powra hchinikan-menu waneyakni pimrine hektuwaka htshinanwakaxiniphi hiyrunu hektu kamhatshine hkahwakkoklunu, seyni kihleru hkamhaleru Cristo tshinanni, hpatewatanhonukna hjihyehichatjene.