Tito 2:3 - Bíblia

³ Hiyrun-koxa pasrukanna tsrotsolejine potuka kamrure rixjexyawakna, Hoyakalu homkahitatshrone poyahokakatshine pixka. Hi jihyehjetatshinepni, hi katsholu jirakleronepni seyni kihle kamrure hasruklewatatshinepni suxone tsrotsolejine.

Tito 2:3 ပူးပေါင်းရင်းမြစ်များ

Romanos 1:29

Katsepoyna ptowru muhlentshi, himtuklewatatshri, hektutuya, hahxalewluya, ruylalewleyna, tokantshiya, yokwirewluya, hma hchinikannuymana, hapatlewluya,

Romanos 16:2

Hyoptotanro twu wimole Wutsrukate Jesus tshinanu, wane potuko raluk-hixleta Hoyakalu kotspalatanune. Hepixanro xako psoluyako talukanru klu tshinanu hixo yine tepixatka wala hiyrunu hit-koxa tepixatka.

Efésios 5:3

Hoyakalunerunhi hixyawaka tshinanu, hi hapoklewatanu hiyrun-koxa ptowru kaptsholu, hiyrun-koxa ptowruka het-sotanuhowlu hikeklu hohne hpohiwkakanhi.

1 Timóteo 3:11

Hhanunronna waneko pixka rixanna kihle piranyehironepni. Hi jejnuhimakleronepni. Ptowru potuyako muhrokahchinikanutkanepni potukalonepni.

1 Timóteo 3:8

Waneko pixka rix-koxna Cristo halixatshine diácono-ne. Kihle piranyehirunepni, hi kachrijtatokanutatshinepni. Hi katsholu jiraklerunepni. Hi tsru tiyiro himtuklewatatshri kaypiratatshinepni.

1 Timóteo 5:23

Hi honhapka puranu seyni vinho-ha psohajiji puranu pisatu tshinanu, hixo kata pyeyixjexinri tshinanu.

Tito 1:7

Klu tshinanu Cristo halixatshine hapatjetatshine kosekjeru haluklu hike mixkatu rixyawaka, Hoyakalu kamrure hepixatshripni wale, hi chiko hchinikanurupni, hi jihekanuwhapkatatshripni, hi katsholu jiraklerupni, hi kyahotkakaklerupni, hi tiyiro herupni.

Tito 2:4

Rumukata hasruklexyawakapna hehnuruwatkalo, hhanurna ruchinijyawakna hiyrun-koxa hiwhenenna ruchinijyawakna.

Hebreus 5:12

Klu tshinanu hix-hohnemka wimwatkahi, hiyáhoni hpoyaho hasruklewatatshine hixletamkatka. Wanepnawaka hijhalu pimrine hasrujyawakaphi Hoyakalu tokanu reyinuwakle pirana hiyrunukotnaka. Hix-yinhi hatatjewa mturunhi hi nikalhitu hakot-nikletatshine pixkalunhi seyni tnutsh-ha hijhatshine pixkalunhi.

Apocalipse 2:20

Wanepnawaka nkahekhi psotsonu klu tshinanu hixa hetachajetlo suxo Jezabel tshinkaluro Hoyakalu tokanu hinkakletatshro phuta tshinikatshrowa seyni tasrukjetna yine hiyrunu tyokwijetna yine ntowrene rapoklewaxyawakapna hiyrunu hnijyawakapluna nikluru mayawletshicha henekachalurkaka.