Tito 2:2 - Bíblia

² Pasrukanna tsrutsolejine hike mixkane rixyawakapna, potuka hchinikanurunepa, kihler-potuko nuretatshinepa, halixlewlu homkahpotutatshinepa, hamotlewatatshinepni, mchiretanunepa rixyawakapna jejine tsrutsolejine.

Tito 2:2 ပူးပေါင်းရင်းမြစ်များ

Marcos 5:15

Waneya rapokluna Jesus nwaka. Retluna kkamtshithixapatshri hixoluru hwakanatanru. Htuplakanata. Kamkatkalu kkamtshithixapatshri, kahchinikanutkalu. Waneya rimyekatkana yine.

Lucas 8:35

Waneya hixolune yine hinamta retapyawakanapna klu rixanna. Waneya rapokluna Jesus nwaka. Retluna kkamtshithixapatshri. Htuplakanata Jesus jixistsi. Kamkatkalu kkamtshithixapatshri, kahchinikanutkalu. Waneya rimyekatkana yine.

Atos 24:25

Paulo Félix riynumsakanatawa runkakna yineru hiwejinri potukaxikolu pirana, yineru mmunanhinynawakanupwa pirana hiyrunu hapnokaxikolu hinatshripa pirana. Waneya Félix pikatka. Waneya wane htshinru: — Pyanutka xawakni, numukaxinipa pa hohne nepukanyi.

Romanos 12:3

Renekachale Hoyakalu hihlenu Hoyakalu henekachaxyano tshinanu, wla ntshina hixa satkakhi tshinanupa: Hi hkahwajinwa pimrine yohnik-hihlenhi hixyawaka. Seyni halixlewlu Hoyakalu henekachaleyma hyahoxinwa hanu hixatshinhi.

1 Coríntios 15:34

Hsatokanu, hihlepokoxinwa. Hi Hoyakalu tokanu hmajnakowaxini. Klu tshinanu satkaka hi Hoyakalu halukleru rimata. Wane ntshina npatetjexyawakaphi.

1 Coríntios 9:25

Ptowruneko hasuklu kaypiraxikatshine ruslahmanexnawana. Wanna halikaka wan-rixna klu tshinanu satu sahyi hyochmakjiwuxikolupnina, rimathexikowakapa hasuklu kayaxikatshri rixyawaka. Halikaka wan-hixatshri sahyi nikawnanu pa hohne. Seyni hixa Hoyakalu homkahitatshinwu yoptolerupa satu sahyi hikeklu hohne mnikawnakatupni, rimaxikowaka kayatatshinwu wixyawaka.

2 Coríntios 5:13

Klu tshinanu mahchinikanune wkahwakkoklunu, Hoyakalu tshinanu wane wixa. Hiyrun-koxa kahchinikanurune wikahwakkoklunu hixa tshinanukni wane wixa.

Gálatas 5:23

hixanu tsonu wma muchinikanrexyawakanu, hi hix-nanuko walujyawaka tsonu womkahitanu. Xyekaka Hoyakalu Hiwejikaluru kamrurni. Hi rawatka satu yokanruru xyekaka himaletatshritka.

Filipenses 4:8

Hiyahokni nmoletanune Cristo tshinanu hanurni halikakalutu, hanurni kahwakpiratkaluru, hanurni wane potuko hixatshri, hanurni powralu, hanurni kihleru, hanurni kihle piranyehimenu, wan-rixini kihleru, himalwutkalurni, xye pirankaka hichinikanretatshri.

1 Tessalonicenses 5:6

Hiyáhoni xye tshinanu hi himkatshine pixkalunepwu pimrine pixka seyni hiyokatshine pixkalunepwu halikaka. Kahchinikanurunepwu.

1 Tessalonicenses 5:8

Seyni hixa, hohohne hwatshinwu kahchinikanurunepwu. Statshi hislahatshri pixkalutu wutakastatanu. Waleni walixle hiyrun-koxa wuchinijyawakna pimrine. Jiwtshi hinotatshri pixkalutu hsahyetanu. Waleni wkahwakachale wiwekkakjeru.

1 Timóteo 1:10

Kapoklewaklerune tshinanu, jejinekakluko hapokletkakatshine tshinanu, yineru jichanpiklerune tshinanu, kayloklerune tshinanu, yokwijrewatatshine tshinanu, Hoyakalu tokanu halikakalutu kamnitatshine tshinanu hyokanatka tokantshi yonatkaluru.

1 Timóteo 1:14

Seyni Hoyakalu hihlenu reneklewle renekpotuthonukno. Hiyrunu Hoyakalu hihlenu reneklewleyma renekno halixlewlu hiyrun-koxa hamotlewlu Cristo Jesus himwaleru.

1 Timóteo 1:2

Timóteo tshinanupa, noturu halikak-potukananni palixle tshinanu. Hamotkalurupyi, hepixkalurupyi Hoyakaluya, hetwamonutkalurupyi, hike pikatshripyi Hirtshi Hoyakaluya hiyrunu Tsru Hixikatshriwa Cristo Jesus-ya.

1 Timóteo 1:5

Xye yokanruru henekka wuchinikanretkajyawaka hixkakluko. Xye hichiniklewlu himwatshine rujhaluna powra hchinikanurune rixyawakna hiyrunu rujhaluna halikakalutuko hkamhiywakna. Rujhaluna ralixyawakluna halikak-potuko.

1 Timóteo 3:11

Hhanunronna waneko pixka rixanna kihle piranyehironepni. Hi jejnuhimakleronepni. Ptowru potuyako muhrokahchinikanutkanepni potukalonepni.

1 Timóteo 3:2

Hiyáhoni Cristo halixatshine hapatjetatshine kosekatshri haluklu hike mixkatu rixyawaka, pa hnunropkaplu, kihler-potuko himat-nuretatshripni, kchinikanurupni, mchiretanutupni, yanamtatshine hapojini kihle yoptole rixanna, himat-hasruklewatatshripni.

1 Timóteo 3:4

Himata hipji kosekatshripni hiyrunu hiwhenene kajnakolunepni. Ptowru kahwakpirluymalunepni.

1 Timóteo 3:8

Waneko pixka rix-koxna Cristo halixatshine diácono-ne. Kihle piranyehirunepni, hi kachrijtatokanutatshinepni. Hi katsholu jiraklerunepni. Hi tsru tiyiro himtuklewatatshri kaypiratatshinepni.

1 Timóteo 5:1

Hi ptshihetjetanru tsru yineru seyni puykotanru hatatjewa hirtshi henekahchinikanrewaxyawaka pixka. Maklujine puykotanu hatatjewa pepurune puykoxyawaka pixka.

Tito 1:13

Hiyrun-koxa halikaka piranni wale pirana. Hiyáhoni hijretanna hipokananu halixlu poyehixikolu rumukata homkahrexyawakapna.

Tito 1:8

Yanamtatshine hapojini kihle yoptole rixanna, jejine kchinikanurune hamotatshripni, kchinikanurupni, kihler-potuko himat-nuretatshripni, potuka hchinikanurupni, waleko himane himat-towutatshripni.

Tito 2:7

Pix-potuko xako ptowru kamrurtshi potukalu tshinanu potuka kamhatshripyi. Rimathexyawakapna yine hanu hixatshine potu raluk-hixletna. Hasruklewlu pirana tshinanu hike pupjexikatshripyi, potuka hchinikanupyi.

Filemom 1:9

Seyni hichiniklewlu tshinanu nanjityi kajnako pixinno, hita Paulo-no tsrutsolejno hiyrun-koxa Jesus Cristo tshinanu kachitkalurno hanjityi.

1 Pedro 1:13

Hiyáhoni xawakni hihchinikanu halpokotanu. Hiyokahchinikanutatshinephi. Hoyakalu hihlenu kahwakatshinephi haté nikawnahohnexinipa. Xye henekko Jesus hiphujewnini hohnepa.

1 Pedro 4:7

Seyni hi howukatkalu ptowru potuko nikawniywakapa. Hiyáhoni wale tshinanu kahchinikanurunephi, hislahatshinephi hanjihohneru tshinanuya.

1 Pedro 5:8

Hiyokatshine pixkalunephi, tsru hislahle hixinwa klu tshinanu tsru kamtshi, hkamnitjeru yotaljeta mhenoklu hahlalatatshri yine hnikpiratanune rujhini pixka.

2 Pedro 1:6

Waneya himatkaltshi haptowrutanru hislahmanexikolu. Waneya hislahmanexikolu haptowrutanru hkahwakachale. Waneya hkahwakachale haptowrutanru Hoyakalu homkahlu potuko.