Tito 1:9 - Bíblia

⁹ Halikakalutu tokantshi hasrukakanaxikolu pirana homkahpotutatshripni, rumukata hiykoletna tokantshi heyikatshine hiyrunu rumukata halixkota Hoyakalu hasruklewlu halikakalutuyma.

Tito 1:9 ပူးပေါင်းရင်းမြစ်များ

Atos 18:28

Klu tshinanu Apolo psol-mixkonuka ruykotna judeu-ne hixowakaya, Hoyakalu pirana yonatkaluruyma rekhitna judeu-ne Jesus, Cristo rixyawaka.

1 Coríntios 14:24

Seyni ptowruneka Hoyakalu tokanu hinkaklexini waneya hjihlokamxinipa satu malixkatu ho herotu, hjemamxiniplu hixa tokanu waneya rimathexinwa muhletu rixyawaka hiyrun-koxa tokantshikaka hjemanru tshinanu hiykotatkalu.

1 Tessalonicenses 5:21

Hyahotanru ptowru hinkaklewlu. Kihle piranalu himrexinwa.

2 Tessalonicenses 2:15

Hiyáhoni xawakni Cristo tshinanu nmoletanune, poyehi halixlephi, hi hicho homkahretanru wunkakle pirana, hasrujikolu ho tokantshi tshinanuya ho wyonawahle tshinanuya.

1 Timóteo 1:10

Kapoklewaklerune tshinanu, jejinekakluko hapokletkakatshine tshinanu, yineru jichanpiklerune tshinanu, kayloklerune tshinanu, yokwijrewatatshine tshinanu, Hoyakalu tokanu halikakalutu kamnitatshine tshinanu hyokanatka tokantshi yonatkaluru.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

1 Timóteo 1:19

Hiyrun-koxa pmunanha halixletanu. Powra hchinikanhohnekananupyi. Satkaka yineru hi homkahitanatkalu hihchinikanni kihleru hekhitatshrini hiyahokni hnikata halixletanatkana.

1 Timóteo 4:9

Halikaka piranni xye hima. Hiyáhoni rujhalu ralixkoxikowaka psolu hchinikanuymako.

1 Timóteo 6:3

Satu yineru pnu pejnu htshina hasruklewlexini, halikaka tokantshi Wutsrukate Jesus Cristo hasrukle hma momkahitkanuklunu, Hoyakalu homkahru pirana,

2 Timóteo 1:13

Halikak-potuk-tokantshi, pixa nasrukjekanatanru tokantshi pomkahitanu. Pmixkota halixletanu wale tokantshiya hiyrun-koxa hamotlewlu piranaya, wimwaleru Jesus Cristo-ya.

2 Timóteo 2:2

Pirankaka pjemakanatanru, nunkakle hixo hetatshine yehi, xyekaka pirana pasrukanna jejine pmunanhalene. Waneyakni pimrin-koxa rumukata hasrukletanna.

2 Timóteo 2:25

Pkamnitjene puykotanu kihle hchinikanurukyi. Pa katako Hoyakalu henekanna rehchinikanuxyawakna halikak-potu pirana rimaxyawakapna.

2 Timóteo 3:14

Seyni pixa pomkahitanru pasrujikolu pirana, palixpotutanru klu tshinanu pimatlu pasrukakanatjene hixannu potuko.

2 Timóteo 4:3

Klu tshinanu rapokhohnetanu Hoyakalu tokanu halikakalutu hma malujyawakanupna seyni wannako ralujyawakna romkahitanna. Hiyrun-koxa hasruklewatatshine phuta ralukanna wannako hjempirerna raluka jemletanruna pirana tsonu hasruklewatatshinepa.

Tito 1:11

Rujhaluna rutshrokkajikowakna klu tshinanu rumtukahchinikanutna yine pa pji pejnu hwatshine. Tokantshi mujhakotu rasrukjetna yine tiyiro hkayaxyawakapna tshinanu.

Tito 2:1

Seyni pixa Tito, tokantshi, halikakalutu pirana hasrukle pixka pixa hasrukletanu.

Judas 1:3

Nuchinikanune, nuchinikanrexinixkalu mitshi nyonanwakaxyawakaphi nasrujyawakaphi hiwejikaluru pirana ptowru yineru tshinanupa, netlu hijhakalur-koxni nyonanwakaxyawakaphi ntowuxyahi jmerpotuphi halixlu hasrujikolu pirana hislahpotutanu. Xye halixlu Hoyakalu pa katapka henekna hinerune, ralixjene.

Apocalipse 2:25

Xye tsonu, himwaleru halikaka hi hiknokanu nmapokkanuko pchinika.

Apocalipse 3:11

Hjemanu! Nunhapkatanu. Hiyáhoni walekaka himwaleru hi hichotanu. Hike yineru mkonyawakanuplu himlujikolu hyoptotanrupa.

Apocalipse 3:3

Hiyáhoni hichinikanretanru htshinikolu hyoptoleru, hjemleru. Wale pirana xako homkahpotutanu hehchinikanutanu. Klu tshinanu hma muslahiknuklunwa chinpotu napyehitanhi, katshowhuru hapokle pixka. Hi himatanu klu hora-ko napyehitanhi.