Tito 1:7 - Bíblia

⁷ Klu tshinanu Cristo halixatshine hapatjetatshine kosekjeru haluklu hike mixkatu rixyawaka, Hoyakalu kamrure hepixatshripni wale, hi chiko hchinikanurupni, hi jihekanuwhapkatatshripni, hi katsholu jiraklerupni, hi kyahotkakaklerupni, hi tiyiro herupni.

Tito 1:7 ပူးပေါင်းရင်းမြစ်များ

Gênesis 49:6

Wanna hchinikanu hi homkahitanu, Hiyrun-koxa hi himapatjetanna klu tshinanu hmatsyinna tshinanu rahnannu tshinanna yine ruylachatatkana. Raluka hixlechaxyawak-tshinanna boi-ne koxni rustajikotsamtna hmayanyawakanupna.

Mateus 24:45

— Katnihe towrertshi ptowutkolu, kahchinikanuru? Waleni towrertshi rutakko htowutjerupji rinoxyawakapa hiyrunu pimrine towrertshine reneka niklexyawakapa niklu papkokaka.

Lucas 12:42

Waneya Jesus wan-tshinru: — Katnihe towrertshi ptowutkolu, kahchinikanuru? Walepkani towrertshi rutakka htowutjerupji rinoxyawakapa hiyrunu pimrine towrertshine reneka niklexyawakapa niklu papkokaka.

Efésios 5:18

Hi katshwuhalo himetatshinephi. Klu tshinanu himri towutle himtuklewata. Seyni halikaka hitshitanru Hoyakalu Hiwejikaluru towuxyawakhi.

Filipenses 1:1

Hita Paulo-no hiyrun-koxa Timóteo Jesus Cristo towrenwu yokanatlo twu yonawahlo ptowruneka Hoyakalu hayinetene Filipos poktshi hajene tshinanupa. Jesus Cristo-ymalune tshinanupni. Hiyrun-koxa wyokanatlo twu yonawahlo halixatshine hapatjetatshine kosekatshine hiyrun-koxa halixatshine hepixatshine tshinan-koxa.

Tito 1:5

Creta poktshi, tshinikowaka nuknokatkayi, puhlepokoxyawakaplu muhletkaka wane hajeru. Hiyrun-koxa Cristo halixatshine hapatjetatshine kosekatshinepa putakanu ptowru poktshikaka, ntowuxyawakatkayi pixka, pixyawakapa.

Tito 2:3

Hiyrun-koxa pasrukanna tsrotsolejine potuka kamrure rixjexyawakna, Hoyakalu homkahitatshrone poyahokakatshine pixka. Hi jihyehjetatshinepni, hi katsholu jirakleronepni seyni kihle kamrure hasruklewatatshinepni suxone tsrotsolejine.

1 Pedro 4:10

Ptowru yineru Hoyakalu henekachale yoptotatshritka. Hiyáhoni wale tshinanu hepixkakanu hixa satkakhi henejikolu hyoptotanrutkaymako. Wan-hixjetatka klu tshinanu Hoyakalu henekachale hijhakalur-potuko hislahatshinetkahi.

1 Pedro 5:2

Hoyakalu carneiro-tene pixkalune hix-yehi hwatshine xako hohlutanu. Hinotanna wanna seyni hi mmerene pixkalunephi seyni halikaka jmererunephi. Hi tiyiro himtuklewatatshri hkayapiraxyawaka tshinanu hislahlewatanu seyni halikaka hijhanu hanu potu himukata hepixletna.

2 Pedro 2:10

Wanna mantshi halukanru homkahpotutatshine, hektutu halujikolu halukatshine, towuwlu heyikatshine potu rapnokatkonna. Tserutahchinikanuxikatshinwa wanna. Wannako hchinikanu tsonu haluka kamhaletatshinni. Hiyrun-koxa hi hpika hektuwaka tshinanwakletna pohirtshine.