Tito 1:4 - Bíblia

⁴ Tito tshinkaluru, noturu pixkalutu potuko halixlu tshinanu, pixa tshinanupni twu yonawahlo. Hepixkalurupyi Hoyakaluya, hetwamonutkalurupyi, hike pikatshripyi Hirtshi Hoyakaluya hiyrunu Tsru Hixikatshriwa Jesus Cristo-ya, Wiwekkakjeru.

Tito 1:4 ပူးပေါင်းရင်းမြစ်များ

Lucas 2:11

Xawakni hohne potuko, Belém tshinikowaka, Davi-ni poktshi, hmatuxyatka hixa hiwekkakjerupa. Waleni Tsru Hixikatshriwa Cristo.

João 4:42

Wla htshinrona suxo: — Hi pixa ptokanu tsonu tshinanni seyni waleko htokanu wjemyawaka tshinanu walixlu. Wimatlu halikakni Cristo-ni wale ptowru tshijne Hiwekkakatshrini wale.

Romanos 1:12

Waleni hixa ptowrunekwu, hixa hiyrun-koxa hita walerutu papkoko wepixko; hixa hepixko nalixle tshinanu hiyrunu hita hepixko hixa halixle tshinanu.

Romanos 1:7

Hiyáhoni nyonanwakathi hixa ptowrunekhi Roma poktshi hwatshinhi, Hoyakalu hamotanunhi, htomhaka Hoyakalu kotspalatanune hixyawakapa; waneyaphi Hoyakalu hihlenu hiyrun-koxa hihlehchinikanrewlu Wuru Hoyakaluya hiyrunu Tsru Hixikatshriwa Jesus Cristo-ya.

2 Coríntios 12:18

Nanjitlu mitshi Tito tshinkaluru hixa nwaka rapkapyawaka. Hiyrun-koxa nyokanatlu satu Tito-yma Cristo tshinanu wmoletanru. Tito-lahe xawaka pa hixanu htshowhuxyahi? Hi he pixkakakanwu waleyma hiyrun-koxa pa hchinikanurunwu hixa tshinanu?

2 Coríntios 2:13

Seyni hi napnanuhchinikanuta klu tshinanu hi nukchiklu Tito tshinkaluru Cristo tshinanu nmoletanru. Hiyáhoni wanna nunhamtatka waneya Macedônia tshijne nwaka nyatka.

2 Coríntios 4:13

Hoyakalu tokanu yonatkaluru mitshikawlur-pirana wan-tshin-yonhata: “Nalixa hiyáhoni nyanumata.” Hiyáhoni hix-koxa himwalu walerutu walixle hchinikanu. Cristo walixa hiyáhoni wyanumata.

2 Coríntios 7:6

Seyni Hoyakalu honukla kojwakahchinikanutatshri hepixatshri, Tito tshinkaluru hapokle tshinanu htserutahchinikanutatkawu.

2 Coríntios 8:16

Nimalwutlu Hoyakalu klu tshinanu Tito tshinkaluru renekahchinikanuta hixa Corinto hajenhi repixyawakapa. Hixa Paulo-nwu pixka rixa hichiniklethi.

2 Coríntios 8:23

Tito tshinkaluru pirana haluk-himatlexini waleni wikamrurewatanru repixyawakaphi. Hiyrun-koxa pimrine rimotsane pirana haluk-himatlexini wannani Cristo halixatshine hapatjetatshin-yehkaka yokanatanunni Cristo himalwuxikolu tshinanu.

2 Coríntios 8:6

Hiyáhoni wanjitlu Tito tshinkaluru xye kamrurtshi yinuwakatshri wane hyiywakapa repixyawakaphi hix-koxa xye kihle piranaluya hpoyahokajyawakaplu.

Gálatas 2:3

Hi nimotsluko Tito tshinkaluruko jiprojhakjixikatshriwa klu tshinanu grego-nerni mjiprojhikatwa wale.

Gálatas 3:26

Klu tshinanu hixa Jesus Cristo halixyawaka tshinanu hixa ptowrunekhi Hoyakalu whenenhi.

Gálatas 3:28

Satupkahi Cristo Jesus-yma. Hi judeu-nhi hi judeu mixkanhi. Hi towrertshiko hi hichotkaluruko. Hi jejineko hi suxoneko.

Efésios 1:2

Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya hiyrunu Wutsrukate Jesus Cristo tshinanuya.

Colossenses 1:2

wyonatlo twu yonawahlo, hixa Hoyakalu hayinetene Colossos poktshi hajenhi tshinanu. Hixa wmoletanunhi Cristo tshinanu kalixaklerunhi Cristo-ya. Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya.

1 Timóteo 1:12

Npoyahnutlu Wutsrukate Cristo Jesus klu tshinanu hita poyahokakatshri rexyano hiyáhoni renekno xye kamrurtshi waleko hkamrure. Hiyrunu renekmixkonutno.

2 Timóteo 1:1

Twu yonawahlo Paulo yokanrerni, Cristo Jesus nurreru, Hoyakalu halujyawaka tshinanu. Nyokanatka nunkaklexyawaklu hiwejikaluru hikeklu mnikawnakatu pirana Hoyakalu hinkakletleru pirana Jesus Cristo-ya.

2 Timóteo 1:2

Twu nyonata Timóteo tshinanupa, noturu pixkalutu nuchinikanru. Nanjiyehitanyi Hoyakalu hihlenu henekachalu, hetwamonutkalurupyi, hapnanuhchinikanutatshripyi, Hoyakalu Wuru yehiya hiyrun-koxa Wutsrukate Cristo Jesus-ya.

2 Timóteo 4:10

Klu tshinanu Demas tshinkaluru hiknokamtatkano. Xye tshijne hajeru tsonu hichinikanretatshrini wale. Tessalônica poktshi nwaka Dalmácia tshijne hyatka. Crescente tshinkaluru Galácia tshijne nwaka hyatka. Tito tshinkaluru Dalmácia tshijne nwaka hyatka.

Tito 1:3

Hiyáhoni waleko hnurre papko, ruphujetlu htokanu, hinkaklewatatshineya. Wiwekkakjeru Hoyakalu, ntowutjeru, hit-potuko reneklu xye kamrurtshi.

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

2 Pedro 1:1

Hita Pedro Simão tshinkalurno, Hoyakalu towrerno. Jesus Cristo nurrerno hita. Hixa pixkalun-koxhi hixa. Halixlu hike pixka mixkatu yoptotatshinhi Hoyakalu potuknu tshinanu hiyrunu wiwekkakjeru Jesus Cristo tshinanu. Hixa tshinanni xye yonawahlo.

2 Pedro 1:11

Wan-hixatshinephi hepixko halikak-potuko hjihlojyawakaplu Wiwekkakjeru Wutsrukate Jesus Cristo pohirewaxyawaka hike rixiniko mnikawnakatupni.

2 Pedro 2:20

Klu tshinanu xye tshijne hchinikanu himtuklewatatshri rali hasuklexyatkana, Hiwekkaklewatatshri Wutsrukate Jesus Cristo himathetle tshinanuya. Waneya wane pnute hsatojyawakapna, hkachixikowakpatnakna hnikawnalepa reyinuwakle yohnik-hektunuplu.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.

2 Pedro 3:2

Tokantshi mitshikawluru, Hoyakalu tokanu hinkakletatshine, Hoyakalu nurrene tokanu hichinikanu hiyrun-koxa hixa Wutsrukate Jesus Wiwekkakjeru nurrenwu, tokanu hijretle hichinikanu.

1 João 5:14

Hiyrunu xyeni wmunanhaleru wukchikleru Hoyakaluya. Kluneruktako wanjitanu Hoyakalu hikchikhihlenreru, wale yijnakotwu.

Judas 1:3

Nuchinikanune, nuchinikanrexinixkalu mitshi nyonanwakaxyawakaphi nasrujyawakaphi hiwejikaluru pirana ptowru yineru tshinanupa, netlu hijhakalur-koxni nyonanwakaxyawakaphi ntowuxyahi jmerpotuphi halixlu hasrujikolu pirana hislahpotutanu. Xye halixlu Hoyakalu pa katapka henekna hinerune, ralixjene.