Tito 1:3 - Bíblia

³ Hiyáhoni waleko hnurre papko, ruphujetlu htokanu, hinkaklewatatshineya. Wiwekkakjeru Hoyakalu, ntowutjeru, hit-potuko reneklu xye kamrurtshi.

Tito 1:3 ပူးပေါင်းရင်းမြစ်များ

Marcos 1:15

Waneya wla htshina: — Rapokpapkolutatka, Hoyakalu pohirewaxyawaka hi howukchinpatkalu. Hehchinikanutanu, halixanru kihle piranalu potuko hiwekkaklewatatshri pirana.

Marcos 13:10

Hmapokkanuhnapukawa hnikawnahohnexyawaka ralukko kihle piranalu potuko hiwekkaklewatatshri pirana hinkajyawakapna ptowru neruka.

Marcos 16:15

Waneya wla htshina: — Ptowru tshijne hyanu hinkakanna kihle piranalu potuko hiwekkaklewatatshri pirana ptowru tshijne hajeneka.

Lucas 1:47

Niwejinri himuwata Hoyakalu Niwekkakjeru tshinanu.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

Atos 17:26

Hyinuwajikolu Hoyakalu kamhalu satu jeji. Waleko ruchpajyatka ptowru nerkaka xye psol-tshijne rawyawakna. Klu tshinanu Hoyakaluko henekpapkolutna riwejyawakna hiyrunu renekna rawyawakna.

Romanos 15:19

himyekaklewatatshrikaka, hiyakolukaka hiyrunu Hoyakalu Hiwejikaluru pixkonu tshinan-koxa. Hiyáhoni ptowru poktshikaka nyapyawaka, Jerusalém poktshi haté Ilíria tshijne nali hinkakletlepotuxyatkalu kihle piranalu potuko hiwekkaklewatatshri pirana, Cristo pirana.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

Romanos 16:26

Seyni xawakni, hipirana halikakalutu phujewak-potuko rapokatka Hoyakalu tokanu hinkakletatshine yonre tshinanu. Hiyrun-koxa Hoyakalu mnikawnakatuko towutlu rimaxikowakatka ptowru tshijneya, ralixko hiyrun-koxa romkahitko ptowru yineya.

Romanos 5:6

Klu tshinanu hi wumukata hepixlexnawa, wumtuknu tshinanu hiyáhoni rapokpapkoluxinixka Cristo hipnapatka hixa tshinanu.

1 Coríntios 9:17

Klu tshinanu hitako nalujyawaka nkamhakmaka nwenuxikolumka nujhanu. Seyni ntowuxikoluyma nkamhiywaka tshinanru xye kamrurtshi renekno Hoyakalu.

Gálatas 4:4

Rapokhohnepotuxinixka Hoyakalu yokanatlu hituru, suxo hmatuxyatka Moisés yonreru homkahitatshrotkani.

Efésios 1:10

Rapokpapkoluxinixka Hoyakalu heneklu Cristo htowuxyawakaplu ptowru potuko. Ptowru potuko tenhohne hwatshri hiyrun-koxa ptowru potuko tshiji hwatshri htowuxyawakapa.

Efésios 2:17

Rapoka Cristo. Runkakletlu kihler-potuko tokantshi ptowru yineru tshinanu, rimatletlewle pirana. Hixa, judeu mixkanhi, Hoyakalu nwaka howuka hwakanaxikatshine, runkaklexya rimatletlewle pirana hiyrun-koxa judeu-ne walestsi hwakanatatshin-koxa runkaklexya.

Filipenses 1:13

Klu tshinanu xye tshinanu soldado-ne phurupji hinotatshine ptowruneka hiyrunu pimrine hewi hajene ptowruneka himatlu Cristo towreru nixyawaka tshinanu kapna nyochmakka.

Colossenses 1:23

Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.

Colossenses 1:6

Xye tokantshi hix-yehi hapokatshritka ptowru tshijne hapokatshritkani. Xye tokantshi ptowru yineru tserutahchinikanutatshrini, hix-koxa htserutahchinikanjeta himatjeminixkalu Hoyakalu hihlenu hixa tshinanu halikak-potu piranaya heyijnaklekananuko haté xawakni.

1 Tessalonicenses 2:4

Seyni Hoyakalu hikchikhihlenutlu hixa hnurexyawaka kihle piranalu potuko hiwekkaklewatatshri pirana wunkaklexyawaka tshinanu, wane potuko wixa. Hi wujhalu yine halujyawaka wkamhiywakapa seyni Hoyakalu halujyawaka wujha kamhaletanu. Hoyakalukni wetumhahajitjeru.

1 Timóteo 1:1

Twu yonawahlo Paulo yokanrerni Cristo Jesus nurrerno, Hoyakalu wiwekkakjeru tshin-towutlexyawakno tshinanu hiyrunu Cristo Jesus wkahwakle tshinanu.

1 Timóteo 1:11

Hoyakalu tokanu honra, kihle piranalu potuko hiwekkaklewatatshri piranni. Xyekni tokantshi Hoyakalu hinkakjixno. Walekni kihler-potuko tokantshi hiwekkaklewatatshri pirana Hoyakalu poyahnutkaluru heneklewle.

1 Timóteo 2:3

Kihlerni xye hiyrun-koxa Hoyakalu wiwekkakjeru haluklu wane wixyawaka.

1 Timóteo 4:10

Wale tshinanu wyapretaklewata hiyrun-koxa wkamrurewpotuta wale piranaya klu tshinanu wmunanhanru Hoyakalu Hiwekatshri, ptowru yinerumka hiwekkakjerni, wale halixatshine halikakalun-potni.

2 Timóteo 4:17

Seyni Tsru Hixikatshriwa Jesus Cristo himwastsitno. Hmixkowahchinikankakatkano npoyaho hinkakletlu hiwekkaklewatatshri pirana psoluyaka ptowru neruka, judeu mixkaneya hjemyawakluna. Leão nama pixkalutu hkochpajyano.

Tito 2:10

Htowutjene hejnunkate hi rumutukanna towretshine seyni ptowruka tshinanu himnanhikalunepni rimathexikowakapna. Wan-hixatshinepa Hoyakalu Wiwekkakjeru hasrujikolu pirana hepixatshine rixyawakapna ptowru potuyako.

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

Apocalipse 14:16

Waneya hohimkohi hoho tuplatatshri hamlu tshiji, hitaklu hamapiyma.