Tito 1:2 - Bíblia

² Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

Tito 1:2 ပူးပေါင်းရင်းမြစ်များ

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Mateus 25:46

— Waneya wanna hapnokaxikowaka hikeklu hohne mnikawnakatupa yehi hyanuna seyni potukalune yoptotanru hiweklu hikeklu hohne mnikawnakatupa.

Marcos 10:17

Waneya hyinuwaka yanrexinixnaka Jesus, satu jeji hasukanwakatlu, hyoptsojityehitlu wale hoji sreta, waneya repomhalu, wla htshinru: — Kasruklewakleru kihleru, klunerhe nkamhanu niwejinri hikeklu hohne nma nikawniywakanupa?

Marcos 10:30

hyoptotanru yohnik-potu xawakni riwejinri. Hyoptotanru cem yohnik-kata hipji, himolene, himolerone, hinrone, hiwhenene, tshijkaka hiyrunu salewaktshi. Hiyrunu xye riwejinripa hinatshri hyoptotanru riwejinri hikeklu hohne mnikawnakatupa.

João 10:28

Nenekanna hiweklu hike rixiniko mnikawnakatu. Hikeklu rupnanna hiyrun-koxa hi satuknako yineru himukata ninotle yehi kochpaklexyana.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

João 5:39

Hethapotjetlu Hoyakalu tokanu yonatkaluru, hanu htshina. Klu tshinanu hixa kahwaklu wale yonatkaluru tshinanu hikchikanru hiweklu hikeklu hohne mnikawnakatu. Haha walekni hiphujtatlu kat-potno hita.

João 6:54

Nohitu nikatshri hiyrunu nohraha hiratshri hiwekanu, hike rixiniko mnikawnakatupni. Hiyrun-koxa ralipre hohnepatka hipuktshi niwekkajinri.

João 6:68

Waneya Simão Pedro tshinkaluru wla tshinru: — Tsru Hixikatshriwa, wane wixini hanhe wyanu? Klu tshinanu pix-honra himwalu tokantshi hiweklu hike rixiniko mnikawnakatu heneklewatatshri.

Atos 15:18

htshina Tsru Hixikatshriwa Hoyakalu, xye ptowruka kamhatshri. Xye tshijne yinuwajinikananuko rimatakanatatka Hoyakalu kamrure tshinanu.”

Romanos 1:2

Kihler-potuko tokantshi hiwekkaklewatatshri piran-honra Hoyakalu mitshikananuko hinkakletlu Hoyakalu tokanu hinkakletatshineya hiyrunu Hoyakalu tokanu potukalu yonatkaluru rawa wale pirana.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Romanos 5:2

Walixle tshinanu Cristo wan-hixwu Hoyakalu hihlehchinikanrewle henekachalu wyoptoxyawaka. Wane wixa haté xawakni. Wale tshinanu wpoyikowata klu tshinanu Hoyakalu hoyaknu wkahwakanu.

Romanos 5:21

Hektuntshi mitshikananu hipuktshiyma towutatkawu. Seyni Hoyakalu mixkowata hektuntshi ruknojyawaka yine tshinanu. Hiyáhoni Hoyakalu hiknojyawaklu hektuntshi himukata hihleretna yine Hoyakaluya. Xye hiwekkaklewata hiweklu hikeklu hohne mnikawnakatupa Jesus Cristo Wutsrukateya.

Romanos 5:4

Hoyakalu hikchikhihlenutlu salewaktshi wakotachaxyawaka hiyáhoni Hoyakalu hikchikhihlenreru tshinanu Hoyakalu hihlenu wkahwakanu.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

Colossenses 1:27

Klu tshinanu Hoyakalu nurehchinikanuxnawa rimatkajyawakapna rayinetene rimaxyawakapluna royaknu pirana tsru potuko ptowru yine tshinanupa piranni. Cristo hixa hitokote hwatshritka piranni xye. Hiyáhoni hixa himukata kahwakletlu Hoyakalu hoyaknu hyoptoxyawakapa.

1 Tessalonicenses 2:15

Wanna Wutsrukate Jesus-ko ruylatna. Hoyakalu tokanu hinkakletatshin-koxa ruylatna. Hix-koxa hkamnitna. Hi psojikna hpoyikotluna Hoyakalu hiyrunu ptowrunek-yine hkamnijetna.

1 Tessalonicenses 5:8

Seyni hixa, hohohne hwatshinwu kahchinikanurunepwu. Statshi hislahatshri pixkalutu wutakastatanu. Waleni walixle hiyrun-koxa wuchinijyawakna pimrine. Jiwtshi hinotatshri pixkalutu hsahyetanu. Waleni wkahwakachale wiwekkakjeru.

1 Timóteo 6:12

Kihle yahotlewleru pixka pixanu halixlewluya. Hiweklu hikeklu hohne mnikawnakatu pkachixinwa klu tshinanu xye tshinanu tomhakaluryi. Peyinuwakle pixka pixanu kihlewaka ptshina hiphujtalexnawa hixolune hetanu mitshi.

1 Timóteo 6:19

Hiyáhoni wan-hixatshinepa halukkaluru rapatjeyehixinwana ptowru potuko poyehitatshri hinatshripa tshinanu hiweklu halikakalutu hkayaxyawakapna tshinanu.

2 Timóteo 1:1

Twu yonawahlo Paulo yokanrerni, Cristo Jesus nurreru, Hoyakalu halujyawaka tshinanu. Nyokanatka nunkaklexyawaklu hiwejikaluru hikeklu mnikawnakatu pirana Hoyakalu hinkakletleru pirana Jesus Cristo-ya.

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.

2 Timóteo 2:10

Hiyáhoni nakotachatlu ptowru potuko Hoyakalunerune nuretkalune tshinanu. Wane nixjeta rumukata hiwekkakletkona Jesus Cristo-ya hiyrun-koxa rumukata Hoyakalu yehi hwalexyawakapna hikeklu hohne mnikawnakatupa.

2 Timóteo 2:13

Cristo wpupjehetanuxini, hi ruknokanwu wale. Klu tshinanu hi rumukata yohikletokanuta htshinyawakatka tshinanu.”

2 Timóteo 2:15

Pujhahchinikanutanu Hoyakalu ppoyahnuwkajyawaka. Kamrurewatatshri mpatewatkatupyi. Hoyakalu tokanu halikakalutu mpupje hasruklewletkatupyi.

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

Tito 2:7

Pix-potuko xako ptowru kamrurtshi potukalu tshinanu potuka kamhatshripyi. Rimathexyawakapna yine hanu hixatshine potu raluk-hixletna. Hasruklewlu pirana tshinanu hike pupjexikatshripyi, potuka hchinikanupyi.

Tito 3:7

Potukalunwu waleko ruhlenu tshinanu, hiweklu hike rixiniko mnikawnakatupa yoptotatshinepa wixyawakapa wkahwakachale tshinanupa.

1 João 2:25

Reneklewatanu runkaklexyatkawu xyeni, hiweklu hikeklu hohne mnikawnakatupa.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

Judas 1:21

Hoyakalu hamotlewleko hwahohnekanatanu. Wutsrukate Jesus Cristo hetwamonuxyawakwu kahwakatshinephi, hiweklu hike rixiniko mnikawnakatu hyoptotanu.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.